Xortanîya wî hat bîra wî

Başçawîş Mihê-28/10/07-Bagok- Di vê dema nazik û tevlihev de serokwezîrê Tirkiyê Kasimpaşalî Receb, xortanîya xwe anî bîra xwe û di malpera xwe de wêneyên xwe yên eskerîyê weşandin.

   Ji tirreko weye ku Receb Recebê berê ye û ewê bi weşandina van wêneyên xwe çavê xelkê bitirsîne. Lê nizane go hasil di Mûsilê re derketiye û tirr têde bûne fis.

Hinek dibêjin: "Recebê me dixwaze di vê kelkela şerê germ de moralê bide eskerên ku çûne ser sînorê Kurdistanê da ku nebêjin "Gotlak eskerî nekiriye". Hinek jî dibêjin:"Na na, ew dixwaze eskerîyê bi Mehmetçîkan xweştir bike da ku ji şer nerevin û li Kurdistanê biteqinin" filan û bêvan.

Werhasilî kelam, lê bapîrê min Brahîmê Kurdo behsa eskerîya xwe û Recebo dike, dibêje û dibilîne. Li gora bapîrê min Bro dibêje, Recebo hemşeryê wî ê eskerîyê ye û di eskerîya xwe de tirsonekekî temam bû.

Li ser bextê bapîrê min Bro be, ew dibêje:"Di koma me de kesê ku tilî neavêtibin Recebo tunebûn. Hema kî digihayê derpî jê dikir û tilî lê rast dikir. Ji ber vê jî ew bibû wek qirdik û me ji xwe re pê dilîzt. Lê kê zanîbû ewê rojekê mezin  bibe û bibe Kasimpaşalî Receb babaaaaaaaa" û serpêhatîyên xwe anî zimên.

Werhasil ez serê we neêşînim, çîroka bapîrê min Bro û Recebo ev bû. Xuyaye gava erk û hêz dikeve destê yekî, meriv derbasbûna xwe ji bîr dike û dibe şêr. Lê ka go Mehmetçîkên Recebo jî wek wî derpî ji xwe nekin û nebin qirdikên Kurdan baş e.......