Biçirîne Recebo biçirîneeeeee!

Fernandez Perez-07/01/08-Madrîd- Serokwezîrê Tirkiyê Kasimpaşalî Laz Receb hat Îsyanyê û bi rayedarên Îsyanî re çend lotik û zîtirk avêtin. Recebo wek hercar dest bi derewên xwe kir û xwe di bin perda bratîya Kurd û Tirkan de veşart.

Kasimpaşalî Reco di derbarê pirsgirêka Kurd de dîsa xwe bir vî alî û alîyê din û got:”Yaw qardeşim, hûn çi ji min û Kurdan dixwazin? Kurd hêmenên (ûnsûr-eleman) eslî ne, ne kêmnetewe ne. Heger hûn ji Kurdan re bêjin hûn kêmnetewe ne, wê Kurd bi lotik û pehînan rabin we. Kurd xwe wek kêmnetew yan komek etnîk qebûl nakin. Ew jî wek Tirkan hêmenên eslî ê Tirkiyê ne. Kurd dibin serokwezîr, dibin wezîr, dibin kizîr, û hetta dibin çawîş û onbaşî jî. Êêêêêê? Naxwe hûn çi dixwazin? Ma ev têr nakin lan!?”  Werhasil,Recebo piştre got ku”di partîya min de 70-75 wekîlên Kurd hene. Ev jî nîşana vê ye ku ez ferqê naxim navbera Kurd û Tirkan” filan û fîstan.

Erêêêêê, erêêêê.....Ker di jina virekane heger ne derewe!

Lan Receb! Ewladim! De ka bela Kurdek “bi nasnama Kurdî” bibe serokwezîr, wezîr û kizîr oxlim! Bela wekîlên te di meclîsê de bi Kurdî biaxivin, bela çawîş û onbaşîyên me di artêşê de bi Kurdî silavê bidin, bela ker û dehşikên me bi Kurdî bizirin, heger we qebûl kir û ew neavêtin zindanê ji xwe ez bi tiştekî nizanim!

Lan Receb, tu çima derewan diki oxlim!? Ma mêrkê misilman derewan dike cîgerim!?