Malperek bê sansûr e

Malperek bê sansûr e, hay ji xwe hebin!

Di van rojên dawiyê de jinek 99 salî ya bi navê Amîne Rehîm ku terayî di wê de nemaye, bi zilamekî 87 salî re zewicî. İhih ev e dilterî haaaa!

De binerin lo, tu dibê qey xanimê keçikek 14 salî ye, av pê ketiye û wek nogona ku nuh gon bixwe, ewqasî ku dilê wê bi dinyayê û xwarina xiyaran xweşe kuro, pekkkk! Aha ji ber vê ye ku dibêjin „Dil pîr nabe“ ha gelî xendevanan. Ma ku dil pîr bibûya, Amîne xanima 99 salî dest bi lotikan dikir, na!

Li ser vê zewacê, merivekî nêzî Amîne xaminê ji çapemeniyê re wiha qala zewaca wê kir: Ev 12 sal in Amîne di kampeke nêzî bajarê Îslamabadê de dijî. Berê nezewiciye û berî 50 salan soz daye ku eger tenê rojeke emrê wê jî mabe, ewê her bizewice.

Mêrê Amîneyê yê 87 salî jî –ka wê bikare yan nekare fîşekan berde ne kifş e- berê zewiciye û bavê 9 zarokan e ku hemû zarok, zewicî ne û her yek ji wan jî derbasî jiyana xwe ya taybet bûye.

Her wiha hate zanîn, tiştê ku Amîne xanim han daye ku bizewice tenê, tenêtî bûye û diyare raste ku dibêjin 'TENÊTÎ TENÊ Jİ BO XWEDÊ HATİYE'.

Her çende piştî zewaca Amîne xanimê, ew bi „bûka axirzemana“ yan „bûka ser lêva qebrê“ tê binavkirin jî, lê wê guh nedaye van axaftinan û gotiye ku ew ê tu carî ji wê zewacê poşman nebe û bi ya wê, ewê ji niha û pê de jiyaneke nû dest pê bike.

Îcar hesab li cem we gelî xwendevanan. Heger Amîne xanim di şeva ewil de dilê wê nesekinî û çavên wê beloq nebûn ji xwe ez bi tiştekî nizanim. De haydê…

"Saziya Zilaman ya Kurdistanê" îro ji çapemeniyê re behsa gilî û gazindên xwe li jinên xeternak kir û aşkere kir ku di dema şeş mehên destpêkê yên sala 2008-ê de, 9 zilam ji aliyê jinên xwe ve bi pehîn û kulman ji malê hatine qewirandin û 22 jin jî ji aliyê dadgehê ve li ser şîdeta ku li zilamên xwelîser kirine, sizayên yasayî xwarine.

Berpirsê 'Saziya Zilamên Kurdistanê' ji rojnameya Awêneyê re ragihand ku di şeş mehên destpêkê yên sala bihurî de tenê li bajarê Silêmaniyê 9 zilam ji aliyê jinên xwe ve bi zor û şîdetê ji malên xwe hatine qewirandin.

Navborî her wiha da zanîn, 22 jin jî ku li hemberî zilamên xwe şîdet bikar anîne, ji aliyê dadgehê ve jî rastî lêpirsîn û cezayên yasayî hatine û got: "Yek ji wan zilaman ji aliyê jina xwe û 4 jinên din ve, tevî ku lêdaneke baş xwariye, guhê wî hatiye birîn û paşê jî bi pehîn û kulman ji mal hatiye derxistin."

Saziya Zilaman ya Kurdistanê di tîrmeha sala 2007-an de li bajarê Silêmaniyê bi armanca parastina mafê zilaman û parastina wan ji jinên xeternak, hatiye damezirandin.

Îsal Erebên quûnreş filîm bi serê heciyên me yên başûr anîn. Di dema pêkanîna erka xwedê de li Mekkeyê, pere pê re nehiştin û niha jî ev heftiyeke bêxwedî li wê derê hiştine û dibêjin emê we ne bi riya hewayî, bi riya bejayiyê vegerînin Kurdistanê. Heciyên me jî ji ber bêpereyiyê û bo ku pereyê nanekî peyda bikin, li Mekkeyê dest bi parsê kirine!

Heciyekî me yê başûrê Kurdistanê yê bi navê Omer Mihemed ku hêj li Mekkeyê maye û ji ber hin pirsgirêkên nementiqî ji Kurdistanê re nehatiye vegerandin, li hemberî Rêveberiya Giştî ya Hec û Emreyê ya Iraqê gilî û gazincên xwe wiha anî zimên: "Ev hefteyeke me erka xwedê bicîh aniye û ji bo vegerînê em amade bûne. Lê belê her rojê bi hincetekê vegerandina me paş de dixin."

Hecî Omer got: " Ji her yekî me re 100 Riyal hate dayîn, lê belê ew pere tenê têra xwarina yek du rojan kir. Niha hin heciyên me tenê pereyê nanekî jî pê re nemaye û bi neçarî dest bi parsê kirine."

Min nezanî Kurdên me çûn ku erka xwedê bicîh bînin û bibin hecî, yan fêrî parsê bibin?!

Yaw, min fêm nekir xwedêyoooo, ev ebdên te yên Ereb di xwedêperestiyê de jî rêgiriyê Kurdên xwelîliser dikin! Hecî Omer dibêje: “Rayedarên Rêvebiriya Hec û Umreyê gotine 'Emê we bi riya bejayiyê (riya xakî) vegerînin Kurdistanê”.

Hemû heciyên welatên cihê bi balafiran vegerandine welatên xwe, lê ev hefteyeke heciyên me yên başûr piştguh xistine û nizanim wê bi hêştir, qantir û keran vegerînin Kurdistanê, nizanim!

Bi elawekîl bextê Erebên qûnreş tune û hew. Bêbavan sala çûyî bi xêra hecê 30 milyar dolar qezenc kiribûn. Xwedê zane bê îsal wê çend milyar dolar têkevin bêrîka Erebên bêderpî.

Erê lo, bila Erebên qûnreş milyar dolaran ji ser pişta ên wek Kurdekanên me qezenc bikin, û bila Kurdên me jî li welatê pêxember, bi destê nevîyên pêxember bibin parsek û ji nêza bimrin.

Law li Kurdistana me ya başûr bela û xezebên Xwedê qet kêm nabin.Ez bawer nakim ku li Spanyayê jî di festîvalên her salê yên conegayan de zîtirkên wiha bên avêtin.Li Hewlêra me ya ku dibêjin emê wek Dubaiyekî din di bazarên cîhanê de bidin ber lotikan, zirzir û gepirstûrên me yên simbêl boyax, conegayekî tirr ji 4 kesan berda.

Xêr û guneh di stûyê malpera PUKmedia-yê de be, di roja yekê ya cejna qurbanê de li taxa Biratiyê ya bajarê Hewlêrê conegayek ji bo qurbaniya cejnê hatibûye kirîn.Vêca otomobîla ku conega tê de bûye, qezaya trafîkê derbas kiriye û wekû bibêje 'De hûn mêr in, werin meydanê, ka bila xelk jî bizane wê kî tirrê ji hevdu berde', conega ji otomobîlê bi çavsorî xwe avêtiye ser cadeyê.

Piştî ku conega derbasî nav kolanan dibe û xwe dike nav qerebalixiya xelkê, qoçeke bêîman li zilamekî dide, bi lingan bi ser singê zilêm re derbas dibe û di cih de tirr ji zilêm berdide û dikuje.

Belam kaka, conegayê çavsor çend metreyan wêdetir qoçekê li xortekî jî dide, laqûna wî ya rastê diçirîne.

Vêca hûn rawestin, lotik ev lotik e. Di wê demê de zilamekî gêj debanceya xwe derdixe û ji xwe razî dîbêje 'Law mi di ......oooooo, ez ê niha tirrê di qûna te de nehêlim' û teqe li conega dike. Lê belê gulle li conegay nakeve, lê conega bi manewrayek supermanî xwe ji ber gulle davêje û gulle li serê zilamekî bêbext dikeve û di cih de ew zilam jî jiyana xwe ji dest dide.

Piştî ewqas pevçûn û lotikên jîrane, me nizanî ka çi bi serê conega de hatiye lê piştî van bûyeran du kujtî, birîndarek û kujerek li dû xwe bi cih hişt.

Li ser bextê malpera Sbeyê be, Wezareta Diyanetê ya hikûmeta başûrê welêt di daxuyaniyekê de belav kiriye ku di merasîma heca îsal de, band û grubên diziyê berîkên bi hezaran heciyên cîhanê birîne û di nav wan de 18 heciyên kurdên başûrê welêt jî hebûne.

Her wiha rayedarên Siudiyê jî vê yekê veneşartin û aşkere kirin ku îsal berîkên zêdetir ji 7 hezar heciyên tobekar hatine birîn û dizên ku ji bo tobekariyê çûbûn xwe ji dizî û gunehan pak bikin, pere bi heciyan re nehêştine.

Li gor daxuyaniyê piraniya heciyên ku dizî li wan hatiye kirin, di Kabeya pîroz de bûne û di dema nimêjê de bi kêr û jîletan berîk û şûtikên wan hatine çirandin û pere di berîk û şûtikan de nehêştine.

Meseleyeke behdînî heye dibêje 'Hindî bimînî dê her bînî' me jî tiştê ku nedîtiye dît, dizên hecî jî derketin û di mala Xwedê de 18 lotik li heciyên me xistin û pere pê re nehêştin.

Vêca heciyên me êdî ji nêz ve nikarin tewafê jî bikin û taqet di çokên wan de nemaye.