Ji bo zarokên pêşdibistanê pirtûkeke perwerdê

Dixebitim, Dilîzim, Fêrdibim-1

Pirtûka B. Welatevîn a bi navê Dixebitim, Dilîzim, Fêr dibim (ji bo zarokên pêşdibistanê 6 salî)-1 derket. Pirtûk bi ebada A4, 48 rûpel e û ji aliyê weşanxana Navenda Pedagojiya Kurdî ve hatiye çap kirin û weşandin. Ev pirtûka perwerdê ya pêşdibistanî wek proje li Herêma Stockholmê li Botkyrka mamosteyên zimanê zikmakî wek proje du sal li ser xebitîne. Mamosteyên zimanê cuda cuda xebat û tecrûbeyên xwe pêşkêşî hev kirine. Bi taybetî xebat û berhemên bi swêdî, kanadî, amerîkî û îngilîzî dane berçav û li gor rewşa şagird û zimanê xwe tiştekî baş afirandine. Piştre her mamoste ji wan meteryalan di sinifên xwe de bi kar anîne û niha jî tînin. Mamoste B. Welatevîn jî ji wan xebatên xwe yên bi salan beşek jê wek pirtûk çap kiriye.
Ji xwe ji navê pirtûkê diyar e ku ev ji bo zarokên berî dibistanê yên şeş salî ne ku êdî dest bi dibistanê kirine an jî dikin. Di pirtûkê de nivîs tune hemû wêne ne. Li serî her rûpelê hevokek heye û ew jî rê nîşan dide ku dê zarok çi bikin an jî dê mamoste çawa alîkariya zarokan bikin. Hemû wêneyên pirtûkê bêreng û pedagojîk in. Zarokên 6 salî li wêneyan dinêrin, şirove dikin, cihên kêm temam dikin û direngînin. Di nav pirtûkê de wek lîstik alfabeya kurdî û hejmar jî hene. Di çend rûpelan de navên çend wêneyan jî li binî hatine nivîsandin. Dîsa di dawiya pirtûkê de ferhengoka bi kurdî, swêdî, tirkî û îngilîzî heye. Mamoste û dêûbav dikarin pirtûka Dixebitim, Dilîzim û Fêr dibim-1 ji ve navnîşanê bixwazin:

c/o Balta

Kurdiska Pedagogiska Centrum

Vårberg 179, 6 tr

127 41 Stockholm/ Sweden