Li Ezîzê xulam jî rabû

Bengîn Elegez-21/06/07- Moskova- Ez bi xwe zanim û min çavê serê xwe dîtiye. Bi taybet rêveberîya Erîvanê çendÊzîdîyên me kirîne û dixwazin bi rêya wan xewn û xeyalên „Ermenîstana Mezin“ pêk bînin. Rabûne hefsar xistine stuyê çend xulamên wek Ezîz Temoyan û Emer Xulamyan û wan li ser tilîya xwe dizîzikînin. Ez gellek caran bûme şahid jî ku di odeyên Paltalkê de xortên me yên Êzîdî (Ji hema re nabêjim) xeber û dijûnan ji Serok Barzanî û Kurdistanê re dibêjin û dibêjin „Em ne Kurd in, em ha û ha bi Kurdistanê bikin“ filan û jehr û ziqûm. Werhasil, xuyaye dijminê me rehet nasekinin û îcar jî dixwazin Kurdan ji hev parçe bikin û Êzîdîyên me wek milletekî serbixwe pêşkêş bikin. Neyse, helbet Êzîdî tev wisa nafikirin. Lê çend kesên ku hene jî „wek mêşa reş“ dilê meriv dixelînin. Îcar Ezîz Temoyanê ku qaşo xwe wek „Serokê Netewîya Êzîdîyan“ dide nasîn û haya mişk û pisîkan jî tê tuneye, rabûye daxuyanîyek derxistiye û doza „Êzîdîstanê“ li dinyayê dike.

Ez karim bêjin ku ji alîyekî ev ne sûcê van kesan e. Hinek partîyên me yên ku bi navê Kurdayetîyê lotikên bêîman li Kurdan dixin di destpêkê de rabûn lotikan, rêxistinên Êzîdî û Elewîyan çêkirin û ew teşwîqî vê fikrê kirin.. Werhasil, îcar gava qaşo partîyên Kurdan Êzîdî û Elewîyên Kurd „Serbixwe birêxistin bikin“ û wan wek alîyekî serbixwe nîşan bidin, ji xwe wê li hinek kesan jî rabe û xwe wek „Kurd“ qebûl nekin. Ev siyaset jî bi plan û proje hat çêkirin. Îcar   Ê başe lawo Ezîzo, madem tu ne Kurd î, ew zimanê di devê te de zimanê kê ye? Ma navê wî zimanî ne „Kurdî“ ye kurê min? Madem tu xwe wek Kurd hesab nakî û zîtirkên qantirkî davêjî, ji kerema xwe wî zimanê şêrîn jêke û ji devê xwe bavêje brê min! Yan jî bêje rayedarên Ermenîstanê bila meaşê te zêdetir bikin û di Ermenîstanê de ji te û hevalên dora te re „Êzîdîstanekê hindik û rindik“ avabikin ruhê minooooo!