Gelî xebernîgarên Agency Reuter Lotikxane azîz û xoşewîstekanim.

Faris Kilso

marinkox45@yahoo.se

 Roja we xweş be, gelî xebernîgarên Agency Reuter Lotikxane azîz û xoşewîstekanim.

Gelî mirovan! Lazime li ser kesê misilman ku berê xwe bide qublê, yê Êzîdî berê xwe bide Laleşê, Mesîhî berê xwe bide Qudsê, Cihu berê xwe bide dîwarê serhejînekê, bi yek dengî niyaz bikin ji wî kesê ku Înternet çêkiriye û bûye derfet jibo  rojnamên mîna Lotikxane ku qûna reş û spî ji hev cudabike û serê keçel ji bin kum derxe. Brano! Wextê min serê tazî, nivîskarê qelemşûjin dît, ez ji xweşiyan rimekê ji erdê bilind bûm. Wî qelemşûjinî qet bi rengekî ferdî zirara min nekiriye. Lê wî mala gelek nivîskar û siyasetvanan xerakiriye. Li gorî xebera reutera Lotikxane, ew li welat bi çend kesan re bûbû heval, pera ji xwediyê girtiyên siyasî distandin û digot: “Xwedê negiravî ew mêrên nehazir serokê dadgeha leşkerî nasdikin û karin girtiyên wan ji zindanê berdin.

Piştî ew hate Ewropa wî pîlanekî nû çêkir û xwe kire nivîskarekî bênav û bêdeng. Wî pêwendî bi gelek cihê fermî danî û jê re bûn alîkar. Wî namek ji Enstitûya Firansê ji zilamekî re anî. Li gorî wê namê ew mêrê nehazir dikare gelek tiştan binivîse û xwe xwedî qabiliyetek mezin da nîşandan. Wî berpirsiyarê ku dikaribû alîkariyê ji dewletê bigre dît û peyman pê re çêkir. Wî berî hertiştî pirtûkek çêkir wek ku ew 180 rojî di asqiya filistîn de mabe. Qozekî mezin kete destê dewleta ku hatibûyê. Hûn zanin ku dinya hemû jibo bazirganiyê şerê hev  bi propaxenda nebaş dikin. Lê piştî demekê wî ew pirtuk berhevkir û şewitand. Wî di wê pirtukê de anîbû ziman bê çend partiyên bi dizî li Kurdistanê hene û metodên çawa bikar tînin. Dawî wî qelemşûşinî dest avêta namûsa Klasîkên Kurdî ku mîrasa hemû Kurdan bû. Wî ji herfên erebî wergerandin herfên latînî. Lê wî hemû şaş nivîsandin û tiroviro kirin. Wî ji her yekê çend nusxa didan nivîsandin. Wî gelek pirtûk li hinek welatên din belaş çapkirin lê perên wan distand ji ber ku paşmêryê wî jêhatî bû. PKK jî çend pirtukên wî li Bûlgariya jê re çapkirin. Welê wan ew bû ku propaxanda PKK li nik maqamên fermî bi qencî bike. Xaya wî pereqezenckirin bû. Bi gomanên min wî geşta xwe ji wan jî stand û lotikek li wan xist. Wî qulak dîtibû, nivîsandinên wî çapdikirin, pere distandin û li hev beş dikirin. Kesî jî tiştek nedigot.

Wek yê ku tir kir êdî dixwest şûna tirê bi garis ke, wî mêrê nehazir li civîna nivîskeran gotibû ku ew dê weşanxaneke mezin bikire û kitêbên herkesî çap bike. Êdî xeberê bidin herçar percên Kurdistanê bila kes xwêdana mile xwe nede heqê çapê, nivîskarê qelemşûjin dê pirtukên we belaş çap bike. Li ber aynê Mihemed selewat? Bijî Lotikxane û bijî kesê înternet çêkirî.

Kuro bi sûnda bêfitû û bi hersê telaqên jinberdanê hûn karekî birûmet dikin.

 01/12/06