Zavayê me nehat lîztika Tirko

Cemîlê Çargurçik-20/12/07-Stockholm- Zavayê Kurdan Fredrîch Malm ku ji Partîya Gel (Folk Partîet) e, ji Kurdekî zêdetir Kurdayetîyê dike û lotikên xweş li qûna dewleta Tirko dixe. Ji ber vê helwesta wî jî, ew di çavê dewleta Tirko de bûye wek marê reş.

Werhasil, dibêjin rayedarên dewleta virqo emaîlek ji konsolosê xwe ê Stockholmê re şandine û têde gotine:”Konsolos efendî, lan qûnek! Swêdî hemi alkolîst in, çend şûşe wîskî û kamparî bişînin ji Fredrîck Malm re, binerin bê em wî bi çend şûşe wîskî nekirin û wî nekin zilamê xwe” filan û fîstan.

Werhasil, dibêjin rojekê Fredrîck Malm ji xewa şîrîn rabûye, derî vekiriye û dîtiye ku çend şûşe wîskî û kamparî li devê derî ne û nameya konsolosê Tirk jî bi şûşan re ye. Yanî,konsolosê Tirkiyê wek diyarî wîskî û kamparî ji zavayê me Fredrîck Palm re şandiye û xwestiye lotikekê lê xe. Lê zavayê me jî zavaye haaaaaa, Fredrîckê me yekser mesele fêhm kiriye ku Tirk dixwazin wî bi çend şûşe wîskî bikin zilamê xwe. Rabûye xeber daye çapemenîyê û lotikek bêîman li qûna dewleta Tirko xistiye.

Fredrîckê me dibêje:”Tirrrrrr li bin qûna dewleta Tirk, ma ez ê çend şûşe wîskî me? Ma wîjdanê min qebûl dike ez xwe û doza Kurd bi çend şûşe wîskî bifroşim kuro, wîî!”! û lîztika dewleta Tirkên hacûc eşkere kir.

Werhasil, xwezî ji mîrê keremê re, hema di her welatî de çend zavayên me yên wek Fredrîck Malm hebûna û hew! Kurdên me radibin qîzên xwe didin Tirkan kuro, kuro law keçên xwe bidin Ewrûpîyan ku em karibin bi xêra wan lobîyê çêkin û qûnê li dewleta Tirk biqetînin bavê min!