Lotikxane    

           <<  Magazîn, henek, gilî û gazin  >>

De werin vê ecêbê:

Tu karê wan nema îcar serê xwe bi G-strîng re dêşînin kuro!

Şêxmûsê Derpîfiroş-14/08/07-Fatîh-Stenbol- G-strîng binderpîyek terîşane ye. Terîşeke û mero li xwe dike. Hem jin û hem jî hinek mêrên qûnek jî vê terîşê dikşînin xwe. Yanî, binderpîyek seksî û balkêş e. Werhasil, mode bipêşdikeve û modeçêker jî herroj cil û bergên kesanedî dixin piyasê jibo çend qirûşên zêdetir têxin bêrîka xwe.

   De neyse canim, ez bi xwe van binderpîyên G-strîng difroşim û li taxa Fatîhê lotikan davêjin. Mişterîyên min bi piranî keç û jinên sergirtî, yanî dîndar in. Û herî zêde jî ev dîndar van G-strîngan dikirin. Helbet heqê wan jî heye ku êvarê xwe ji zilamên xwe re xweşik û seksî bikin jibo ku agirê malê venemire. Heger ew G-strîng li xwe nekin û xwe ji zilamên xwe re nexemilînin, wê Nataşayên Rûs tirê ji zilamên wan berdin û malbatê ji hev tarûmar bikin.

   Îcar xuyaye ev binderpîyên G-strîng jî ji hinek zilamên dîndar re bûye pirsgirêkek ji a îslamê. Heçê radibe li gora xwe navekî li van derpîyan dike, hinek wan helal, hinek heram dikin û wek “provokasyona kafiran” bi nav dikin. Yek ji wan qûnekan jî nivîskarê dîndar Îlhamî Atmaca ye. Atmaca li dij G-strîngan derdikeve û dibêje:”Armanca van terîşên şiklo-miklo ev e ku hertim seksê bîne bîra jinan û gava jin van terîşan li xwe dikin, navrana wan hertim şil û pil dibe. Ji ber vê jî lixwekirina van terîşan ne maqûl e” filan û bêvan.

   Îcar nivîskara dîndar a kovara Gerçek Hayatê Halîme Gokçe jî Îlhamî Atmaca dide ber lotik û pehînan û dibêje:”De here zikreşê heram! Lixwekirina G-strîng zanînek pir nazik û hessas e. Helbet heqê me jinên sergirtî jî heye ku em G-strîng li xwe kin. Ma tu karê te nema tu xwe berdi nav navran û nav şeqê pîrekan û serê xwe bi doxîna wan re bêşîni haa!” û xwedî li G-strîng derdikeve. Wekî din nivîskara kovara Renklî Nîgar Tûgsûz jî lotikekê li Îlhamî efendî dixe û tire jê berdide. Tûgsûz dibêje:”Gava te behsa navran û doxîna pîrekê kir, hinekî bi nezaket be. Zimandirêjîja namûsa jinê te payebilind nake û xwendevanên te jî nake zilam tirro” filan û fîstan.

   Ji alîyê din, derpîfiroşa taxa Fatîhê a şîrketa naskirî ADA Emîne Ozkan jî dibêje:”Piranîya mişterîyên meyên ku G-strîng dikirin keç û jinên sergirtî ne,dîndar in. Ma heqê wan jî tuneye ku di bin tesettur û çarçefê de G-strîng li xwe kin û hewayekê ji ber serê xwe berdin? Ma qey Ewrûpî can in em bacan in? Heqê me jî heye em êvarî xwe ji zilamê xwe re xwe bikin wek bûka serbixêlî qardeşim, waweylê!” û xweşîya van terîşên seksî tîne zimên.

   Werhasilî kelam, xuyaye hinek nivîskarên ku kesek hesabê wan bi pênc qirûşan nake, dixwazin bi mijara G-strîng xwe têxin rojevê û benîştê xwe bicûn. Bêbavan çavê wan lê ye em dikandar û derpîfiroş hew gepik nan jî bixwin bavo, wîî! Ê oxlim, bela keça te, jina te û xwişka te wan terîşên seksî li xwe nekin. Ma serê te bi doxîna xelkê ketiye ewladim! Bihêlin bela hewa baqij li nav şeqên xelkê xe baba, hella hellaaaaa! 

JIN