'Tu Ne Gara Yî' tir ji temaşevanan berda !

   Şanoya Avesta piştî lîstika xwe ya bi navê 'Rojnivîska Dînekî' niha jî berhema Azîz Nesîn 'Tu Ne Gara Yî' li waroşên Stenbolê, li taxa Şahintepe ya semta Kuçukçekmece rastî eleqeyek zêde hat.
Berhema Azîz Nesîn 'Tu Ne Gara Yî' ji bo Kurdî wergera wê ji aliyê Mehmet Dîcle ve hatiye kirin û derhêneriya wê lîstîkvanê sînema û Şanoyên Dewletê Turgay Tanulku dike. Şanoya Avesta promeriya lîstikê heta niha ku kesek neçûye, li waroşên Stenbolê li taxa Şahintepe ya semta Kuçukçekmeceyê kir. Promiyera lîstikê bi beşdariya gelek şanoperweran pêk hat. Lîstikvanên şanoyê Aydin Orak, Remzî Pamukçu û Omer Şahîn in.

   Avakarê Şanoya Avestayê Aydin Orak, sedem û girîngiya ku çima promiyera lîstika xwe li waroşên Stenbolê çêkirine wiha vegot: "A yekem, çi kesên ku bi awayekî mecbûrî an jî ne mecbûrî hatine û li waroşên bajêr bi cih bûne, derdê wan tenê xebat e, nasîna wan bi şanoyê re çêbikin. A duyem jî di bin şertên zehmet û yên aborî de temaşevanên me ku ji aliyekî bajêr tên aliyê din, ji bo ku em deynê xwe bidin, me got vê carê em biçin cem wan. Bi taybetî jî li taxa Şahintepe ya K.Çekmece herêmeke ku Kurd zêde lê dijîn û heta niha bi tu awayî neçûne wir, bûye sedemê aktîvîteya me."  

   Werhasilî kelam, dibêjin Aydin Orak vê carê performansek kesanedî pêş temaşevanan kiriye û temaşevan zikopişto bûne. De Xwedê alîkarê xebatkarên Şanoya Avestayê be rebbî ! Hesenê Dîn û Şemo li pişta wan be…..

BO TÊKÎLÎ

tiyatroavesta@gmail.com

0090 535 685 26 06