Gendelî xwelî li serî

Mihemed Soran-20/01/08-Silêmanî- Xuyaye em Kurd wek çêlekê ne. Çêlek gava satil tije şîr dibe dibê gurm û lingê xwe lê dixe û şîr dirjîne. Îcar ev jî mesela me Kurya ye. Em dikin û nakin em Kurd nikarin netewî û millî bifikirin û berjewendîyên Kurd û Kurdistanî biparêzin. Lê berjewendîyên şexsî? Ohooooooooo, kes wek me jêhatî tuneye ellawekîl! Hema bila çend qirûş têkevin bêrîka me û Kurdistan heye tuneye ne xema me ye.

Werhasil, dibêjin kekê me Noşîrwan Mistefa bevpeyvînek qirase daye malpera Erebî Îlaf û têde çend gotinên xweş û nexweş gotine. Kek Noşîrwan gotiye:”Ez wek siyasetmedarên din neketim nav karên bazirganî û ticaretê. Min Kompanya Wîşe ava kir û hewl didim ku medyayek azad biafirînim” filan û bêvan. Ev gotin xweş in û ciyê spasdarîyê ye, her bijî kek Noşîrwan!

Ji alîyê din dibêje:”Kurdistan heta bi radeyekê ji terorê dûr e. Lê gendelî û fesadî heye, nayê çareserkirin. Ew pêşeroja siyasîya Kurdistanê tehdît fike” filan û dîsa bêvan. Ev jî xebera nexêrê û dilnexweşîyê ye. Dîsa spas kek Noşîrwan ku te ev rastî anîn zimên.

Yanî bi kurt û Kurmancî, Kurdistan di destê gendel, bertîlxur û fesadan de ye. Ev gendel, bertîlxur û fesad pêşeroja Kurdistanê tarî dikin û karin jibo berjewendîyên xwe her karên xerab bi milletê Kurd bikin wesselam! 

 Îcar wê Kurd çawa ji van bertîlxur û fesadan xelas bibin tenê xwedê û Lotikxane zane......

Lê em belaş nabêjin haaaaaa, na baba naaaa!