Ehmedê me lotikek li başûrîyan xist

Gerîlayê Bênav- 12/10/08-Mexmûr-

PKK a me hem xwe di nav sînorên başûrê Kurdistanê de vedişêre û hem ji başûr êrîşî bakurê Kurdistanê baragehên eskerên Tirk dike. Ev jî ne bes e îcar berpirsên Kurdistanê bi alîkarî û piştgirîya dewleta Tirk gunehbar dike. PKK a ku li berjewendîyên başûrê Kurdistanê û li selameta wê nafikire, germatîya ku di navbera berpirsên başûr û Tirkiyê de çêbûye rexne dike û vê helwestê li dijî berjewendîyên PKK dinirxîne.

Ê tabî canim, berjewendîyên PKK di ser her tiştî re ye wey, wîî! Ma ji me re çi başûr bûye dewlet nebûye dewlet, başûr têk diçe naçe, parçeyek welatê me azad dibe nabe, ji me re çi!? Hema bila generalên me ji şikeftên Zap û Qendîlê dernekevin bes û zêdeye. Kurê ciwamêran çima û ji bo çi bên kujtin ma xema kê ye canim!

Welhasil,

Berpirsê peywendîyên derve ê PKK kekê me Ehmed Denîz, di radigandina xwe de rexne li rayedarên Kurdistanê kir û têkilîyên Tirkiyê û Kurdistanê nerast dît. Ehmed Denîz dibêje ku PKK mafê xwe ê paraztinê bikaranîye û mafê berpirsên başûr tune ku çalakîya ser qereqola Bêzelê şermezar bike.

Hella hellaaaa ya siphanella!

Yaw qerdeşim, wekîlên me di meclîsa Tirko de ne. Her roj ew û Dewlet Bahçelî, ew û Erdo û Xelo û Celo destên xwe di ser serê hevre dibin, em dixwazin bi partîyên Tirko re Partîyek Sîwan çêkin, generalên Ergenekonê diçin Îmralî û bi serok re hevdîtinan dikin, me 17 salan li Sûriyê  potînên malbata Esed alast, û hezar quzilqurtên din.

Êêêêêêê? Ma ji me re adet e lê ji başûrîyan re qebhet e bi Tirkiyê re têkilîyên xwe çêkin cîgerim? Ê madem em başûrîyan naecibînin, de ka em ji şikeftên Zap, Avaşîn, Qendîl û mendîlê derkevin û herin li çiyayên Ege û Marmarayê dest bi şer bikin babam, waweylê! Başe lo, emê di axa başûrîyan de lotikan bavêjin, emê di erda wan de nanê wan bixwin, emê di nav sînorê wan de xwe biparêzin, emê ji erda wan êrîşî bakur bikin, bila başûrî dengê xwe nekin û bêjin ehlen we sehlen haa!

Wîjdan lazime heval wîjdaaaaaaaannnn........