Geverîyan lotikek li Tirkan xist

Cembelîyê Botî-08/02/08-Gever-

Di 22 -24. 01. 2008an de li bajarê Hezeromê, bêşbirka xwe li ser befrê zelandinê (şemitandin) li dar ket. Di pêşbirka ku di navbera Lîseyan de dibû, pêkolvanên (xîsanvan- leyanvan-xîdorzan) Geverîyan lotikek Kurdewarî li hogirên xwe yên Tirk xist û tirr ji wan berdan. Geverî di pêşbirkê de bûn yekemînê Tirkîyê û kûpa xwe standin. Teskera Tirkan kir berîka wan û berê wan da mala bavê wan.

Di vê pêşbirka beryekdanê de, di refa keçan de Rojbîn Şebnem û Mihrîban, di ya xortan de Erkan, Silêman, Soner û Zekî, di dubeşên 4X 2500 metro de kûpe standin. Her weha Rojbîn Oren bu yekemîn, Erkan Orhan duyemîn û Silêman Atêş sêyemînê Tirkîyê. Ev hersê lotikvan di nêzde wê bên Firansê û di pêşbirka navnetewî de dewleta Tirkan temsîl bikin. Mixabin!

Ma em çi bikin, heke dewleta me nebe wê halê me jî ev hal be.  Lê divê em ji bîr nekin,  ker jî dizanin ku Geverî ne Tirk in lê Kurd in. Û her roj ew û dewleta Tirkan li hev dixin. Ew xortên nestêle (bêemsal ) siûd û şanazîya me ne û em bi wan bextewar in. Ji bo me jî tiştên weha hewcene. Divê di navnetewî de em xwe bidin nîşandan ku heke mecal bê dayîn em jî  hem di warê werzîşî hem jî di warên din de ne kêmî kesî ne.

Em bi van xortan serbilind, rûspî û serfiraz in. Hêvîya me ew e ku xortên me di navnetewî de jî çend kûpayan bistînin û dilê me xweştir bikin. Hêvîya me ew e ku xortên me bişên di beşên din yên werzîşê de jî di nawnetewî de cihên xwe bigrin lotikekê li hogirê xwe xin. Lotikxane we bi dil û can pîroz diket û ji bo we serkeftinê dixwaze. Hûn her bijîn û nexşe li beşên din.

De bajon yabooooooo!