EW KAFIR

Ew kafirên tawanbar

Islamiyet kir mertal

Em xapandin hezar sal

Hêriş kirin wek keftar

Azadî bo me nîne

Dil tev kul û birîn e

Got netewa we nîne

Em hemû Ummetî ne

Û nebiyê Osmanî ne

Em bûn qirşê ser bênder

Ser gêrandin nêreker

Bi wan bertîlên qirêj

Çav tarî dibin kerê gêj

Emir borî bi xwisaret

Em dijîne bi esaret

Cih nema lê bi sitir im

Ji kederên xwe distirim

Vê helbestê de nînin

Gotinek xweş bibînim

Herdem bîra xwe bênim

Xemên xwe pê birevênim

Jan û êş û birîn in

D’runin ser Tac û Textan

Ferman didin bêbextan

Qey ne bes e ev hûrsan

Ey Şahê hemû derdan

Çiye gunehê Kurdan

Rizgar bibin ji Gurgan

Ey Yezdanê Dilovan

Tu şahid î bo evan Serîhildanên Kurdan

Ji bo mafê mirovan

Mela û Miftîyên wan

Helal dikin bi fetwan

Bi gulle, tank, û topan

Bila bibe goristan

Kurdên ji nislê şeytan

L’ me dikin heqaretê

Ketin keyf û lezzetê

Xwîna reş ji kezeban tê

Mafekî me jî heye

Li vê gerdûna kembax

Heta kengê ax û wax?

Ma qey tu ne însan î?

Tu evan baş dizanî

Qey ne ji benîadem î?

Hêj çi bêjim ezbenî!

Min vê helbestê zude ji bo van miafiqan saz kiribu ji 40 çarînan pêk tê

Goyî