jirmn@hotmail.com

Jîrko

Haho sayin başqan, tu çi dibêjî?

Jîrko- 27/06/09- Kurdistan-  

Serokê Kurdên sererd û binerd sayin Apê me Abdullah Ocelan,  her serê hefteyekê bi ecêbek nû silavê li me dike û lotikekê li me dixe. Vê carê cardin behsa beton Misto kir û got: „ Bi sê telaqan Mistefa Kemal ne dijminê Kurdan bû“ filan û bêvan.

Ma keko yek al, yek ziman û yek millet, ne mutlî Tirkim dîyene, kuştina Şêxê Pîran û hevalên wî di çi serdemê de bû cîgerim? Ma bi hezaran Kurd ne bi fermana kurê Zubeyde xanimê hatin kuştin babam, wey!

Werhasil, serokê Kurdên sererd û binerd apê me sayin û pir mezin Ocelan dibêje: „Ez berdevkê Kurda me“ filan û bêvan. Wey lolooooo wey loloo!

Yaw qerdeşim, ji bo xwedê û pêxember, ji kerema xwe li ser navê min berdevkîya min meke û wî kerxanecî Misto bi me neke şîr û şekir, wîî! Bi sê telaqan em jî wî pir baş nas dikin û em zanin bê çend mû bi qûna wî ve ne, waweylê!

Îcar beton Misto ne dijminê Kurdan bû haaaaa, pekkkkkk li vê lotikê! Ez bi serê mam Celal û serok Barzanî kim, tu 1001 carî pesnê kurê Zubeyde xanimê bidî jî, tu 1001 carî wî bi sabûna Helebê bişo jî, ew dijminê qewmê Kurd e û lam û cîm jê re nîne, xelas!

Ê de haydê, selamler û kelamler cîgerim……

Hestên mêran

1- Di hezkirinê de

Piştî 6 hefteyan: Hez dikim , hez dikim, hez dikim

Piştî 6 mehan: Erê ez ji te hez dikim

Piştî 6 salan: Ma ku min ji te hez nekiriba, ma min tu tanî?

2- Gava derbasî mal dibe

Piştî 6 hefteyan: Dilê min va ez hatim.

Piştî 6 mehan: Silav.

Piştî 6 salan: Firavîn çiye lê?

3- Diyarî

Piştî 6 hefteyan: Ez bi hêvî me ku ev gustîlk bi dilê te be.

Piştî 6 mehan: Min portirêyek bo te kirî, bi dîwêr ve daleqîne.

Piştî 6 salan: Hişte pere û here diyarîyekê bi dilê xwe bikire wî.

4- Li ser xesûyê

Piştî 6 hefteyan: Xwedê niha çiqa zaroktiya zehmet bû

Piştî 6 mehan: Dayîka te çendî zehmete.

Piştî 6 salan: Hooo hoo , ti jî wek dayîka xwe yî lêêêê.

5- Dema ku telefon tê

Piştî 6 hefteyan: Ruhê min telefon ji bo te ye.

Piştî 6 mehan: Hişte, telefon ji bo te ye.

Piştî 6 salan: telefon telefon, ma guhê te ne lê ye xanimê!

6- Xwarin

Piştî 6 hefteyan: Oxxxxx, ev xweştrîn xwarin bû min di jiyane xwe de xwariye.

Piştî 6 mehan: Te îro çi xwarin çêkiriye?

Piştî 6 salan: Hooooo hooo , her roj nîsk û tirşik!

7- Di dema lêborînê de

Piştî 6 hefteyan: Normal e dilê min, min ji bîr kir.

Piştî 6 mehan: Ez bi hêvî me careke din dubare nebe.

Piştî 6 salan: Bibûra çi û halê çi, bi qeşt bû.

8- Dema ku tu cilan dikire

Piştî 6 hefteyan: Ev cil xwe li te dixwin.

Piştî 6 mehan: Ka te cilên din kirîn?

Piştî 6 salan: Erêêêê erêêê, te ev cil bi bihayê çiqasî kirîn lê?

9- Seyran

Piştî 6 hefteyan: Bi nerîna te em herne Parîsê yan deverke ku bi dilê te be?

Piştî 6 mehan: Ma bajarê me çawa ye?

Piştî 6 salan: Niha tê bêje malame ne xweşe?

10- Televizyon

Piştî 6 hefteyan: Heza te li çi kanalê ye dilê min?

Piştî 6 mehan: Ez dixwazim li leystika fûtbolê meyze kim.

Piştî 6 salan: Eger ev ne bi dilê te ye, rab her karekî din bike.

Kurdistan 06/05/09

Me tir ji yekîtîya topa pê ya Sûrî berda!

Jîrko-  28/4/2009-Kurdistan-

Tîma Cîhad a fûtbolê tirr ji tîma Erebên qûnreş berda û ji pila sêyem daket pila duyem.Wek tê bîra we, li bajarê Qamişlo di sala 2004an de piştî bûyera 12ê Adarê ya li leystikgeha beldî, di navbera tîma Cîhad ya bajar û tîma AlFitwe ya bajarê Dêrazorê de lotikên qirase hatibûn avêtin û di encama wan lotikan de gelek xort hatin kuştin û fişar li ser welatiyên Kurd hatin danîn. Her di wê siyasetê de jî yekîtîya topa pê ya Sûrî tîma Cîhad  ji pila bilind ya tîmên Sûrî daket û çû pileya duwem, piştî wê jî daket ya sêyem.

Çawa ku Kurdên Sûrî di xebata xwe de berdewam in, tîma Cihad ku piraniya leystikvanên wê Kurd in û her weha Ereb û Xirstiyan jî tê de hene, di hewla xwe de berdeam in û dixwazin vegerin pileya yekem. Tîma Cîhad doh di gava xwe ya yekem de bi serket û ji pila sêyem çû pila duwem.

Ya giring di vê mijarê de ew bû ku desthilatdariya şofînî xwest Kurd û çi bi Kurdan ve girêdayî be binax bike. Lê geya di bin keviran de namîne û şîn û bilind dibe.

Bijî tîma Cihad û destxweşiya wan lawên Kurdan dikim yên ku tirr ji Erebên qûnreş berdan.

Madona ji van cilan fedî dike

Jîrko-21/12/08- Kurdistan- Li Sûrî bajarê Şama Şerîf,  li bazara Himêdiyê sitiyan (bersing) û kelsonên li ser elktrîkê çêdikin ku ji bo zilam germ bibin û pîrek lotikan bidin mêrê xwe.

Wa kirine ku mêr kare ji dûrve bi kepseke elktrîkê cilê jina xwe jê bike û kare bi kêfa xwe memkê jina wî sitrana bêje û bibe lempa .

Ev şemlê pîrekan di şevê çira, lempa û li mûsiqê jî didin ji bo kêfa mêrik xweş bibe û qenc bibeze ser jinê, dilê jikê hînik bike.

 Li ser bextê jinikên ser tenûrên kolanên Şamê be, dibêjin ji bo mêr ne çavlider be (xweş  xebere lê min jê ne behwere) van tiştan dikin.

Li gor behis dikin, hingî keçkê Şamê peritîne û bi zilamê wan re ranabe, rebena dirabin van tiştik û miştikên seksî li xwe dikin ji bo karibin lingan wek beyreqa Sûrî  hildin, qîrqîr û nalnalê wan bighêjin ezmanê hefta.

Wey hûn bixêr hatin cîhana cilên taybet yabo qurban. Li ser bextê misilmanên Şamê be, xêr û guneh di sruyê wan de be rebbî..!

Ker û Gîzer

Jirko- 04/12/08- Kurdistan-

Berî çend sala me li Sûrîyê li mektebê dersên bi Erebî dixwend. Em qûnaxa dû bûn. Dema me dersek bi navê Ker û Gîzer dixwend, wê demê me nizanîbû çima rejîma Sûrî vê babetê bi taybet me hîn dike û di fikra me de ku ev ji bo pêkenînê ye .

Liê wa xuya dike ku hikûmeta Sûrî lotikek li van zarokan dide û wan pê nîzanîbû ji ber ku gelek zarok fêrî rola kerê kirin û çi gîzer bi devê wan nakeve. Tenha lotikê ji xwedayê xwe dixwin û neqûşka dixwin. Siwar li ker siwar dibe lê rebenê ker çi bi devê wî nakeve. Îcar halê me Kurda eve ku gelek xort û gencên me bûne kerê hikûmeta Sûrîyê lê bi xwe nizanin ku çi ker in.

Ez kerkî nasdikim ku çiqa xelk lê siwar dibe lê rebeno qaşûlê gîzera dixwe û nanê ceyî dixwe. Xelk hêvîya didiyê lê wek kerê me yê di dersê de naxwe, tenha gîzera xwe dibî ne.

 Başe gelo ji vê lotikê gambaxtir heye?  Ev kerê me nimûnek herî normal a ji wan kerê ku hikûmeta Sûrîyê ew fêrî kerîtiyê kirine ku li dijî tevgera xwe kar dikin û ew pê nizanin ku çima wa dikin.

Hema ya rebî ti gîzera me bi me de û ti sax...

Lotikvan nikarin nixumandî bimênin

Jirko- 14/10/08-Kurdistan-

Ji xwe hûn lotikvana herî bi nav û deng û ya ku singê wê wek peqpeqonkane Pamêla Andersona 41 salî nas dikin, û hûn dizanin ku çend lotikvanên cuda cuda lotik li ciwnkê xistine û çend mêr berdane ser xwe. Lê hermetê tihna wê neşikest rabû çû xwe di nav mîvanan de, di ahenge salvegera jidayîkbûna qewadê herî mezin û xwedanê kovara bi nav û deng "PlayBoy” Hîw Hîfnerê 82 salî de şilfî tazî kir. Xanimê xwe rût xemiland û pepsî û çoqolat belav dikirin.

Lê tiştê herî balkêş di vir de ew bû ku "Pamêla" û zarokin wî  bi navê "Hiw" /Apooo) bandikirnê. Lê hûn dizanin û her kes dizanê ku "Hîw" ne apê Pamêla ye. Ji ber ku di kovara wî de çend wêneyên ku Pamêla tê de tazî ye bilav bûbûn û bêbavê "Hîw" çend nameyên seksî jê re şiyandibûn û dawa lotika lê kirbû, bûbû apê wê.

Lê hermetê ji xwe ne xema wê ye û va dîsa radibe rêklaman ji xwe re belav dike û li ser kuna xwe reklama çêdike. Ma em çi bikin ji van bêbava re ku bav bûye qewadê keça xwe û jêre bûye derhêner. Vêca serok û şerpa nema lotikvana dinixumîne û nema cil û rîs wan karin bistirênin.

Hema xwedê  rihê me bistînê û me ji nav van bêbavan bibe û hûn sax . 

Jinên xwe bi hev diguhêrin

Jîrko- 08/10/08- Kurdistan-

Li vê acêba kesanedî binerin, berî demekê serokwezirê Danêmark çû serdana Berliskonê serokwezirê Îtaliya û di pêşwaziya wî de destpêkirin ku jinên xwe bihev biguhêrin.

Lê lotikavanek Brîtanî Katrîn Tawnsnd ku pila profisor wergirtiya got: “Ev kar karê Inglîziya ye ne yê Îtalîya ya bavo” û lotikek avêt.

Rojnameya Independent belav kiriye û gotiye ku li telefizyona Britanî de ev demeke em vî karî dikin û bernameyek bi navê (guhertina jinan) diweşînin.

Ma hûn dibêjin ku ev jiyan ber bi dawî de diçe yan jiyan sererast dibe?

Kurdin me ji ne ew bixwe jinên xwe duguhêrin lê xelkên din jinên wan ji xwe re diguhêrin û ji xwe re dibin.

Hema xwedê me bistirîne û hûn sax!

Hemwelatîya Kurdên Sûrîyê

Jîrko- 06-10-2008-Kurdistan-

Rebenên Kurd li çi welatî bin halê wean ne tu hal e. Ev bû nêzîkî 50 sal in Kurdên me yên li Kurdistana Sûrî bi sed hazaran bê nifûs û cinsî ne, tazî û birçî ne.

Rejîma Sûrî ya faşîst di vî warî de ji rejîma Turkî,Îraq û Îranê gelekî derbas kiriye. Li van parçên din Kurd carekê tên kuştin lê li Kurdistana Sûrî ev bû 46 sal in 300,000 hemwelatiyên Kurdên Sûrî her roj dimirin. Her yek ji van rebena pelek sor dane wan û bi kêrî tuştekî jî nayê. Li van bajar û welatan penaber bûne, birçî û tazî bê nifûs, bê nav û bê regez  dijîn û na jîn. Mirovin lê bê tiştek. Hikûmeta Sûrî ne tawanbar dibe û ne tu kes serê xwe bi van kesan dêşîne.

Welhasil, Kurd bûne wek goka nav lingên çar dewletên xwînmij. Heryek ji alî xwe de lotik û pehînan li wan dixe û wan ji hevre bi virde wêde davêjin.

Û em Kurd?

Em jî ketine xema xwe, wey li wî ye ku çawa zik û bêrîka xwe dagre û serê xwe bi Kurdên din neêşîne. Wey xwelîya heft gundan li serê me û bavê me be erê wele û hew!