Miradê Torî

Lê binerin û pênc salên zêde bijîn!!

Yabo min lêkolîn dîtine, lê bi sê telaqên bê fitû, bi serê Îsa û Mûsa, min lêkolîna wek vê lêkolînê xweş nedîtiye. 

Li Almanya lêkolînek balkêş hat çêkirin. Lêkolînek wilo xweş ku hêjayî xelata Nobelê û xelata Xaltîka Fatê ye.

Li gora lêkolîna ku li ser dirêjkirin û zêdebûna temenê zilaman hatiye çêkirin, derketiye holê ku zilamên li memikên xweşik ên jinan dinerin, pênc sal li temenê wan zêdetir dibe.

Lêkolîn li ser 500 zilaman hatiye kirin. Ji wan 500 zilaman, kesên ku rojê 10 deqîqan li memikên jinan nerîne, şehweta wan zêdetir bûye, xwîna wan zêdetir geriyaye û ev jî bûye sedema rêlibergirtina zixta dil. Li gora encama lêkolînê, kesên ku rojê 10 deqîqan li memikên xweşik û têrgoşt temaşe dikin, weke ku rojê nîv seetê sporê bikin zînde dibin.

Werhasil, piştî vê lêkolîna xweş, min bi xwe biryar daye her şev herim dîskotek û lotikxanan û ji xwe re deh deqîqan li memikên germik û nermik binerim gelî xwendevanan. Êdî spor mipor ji min re nelazim.

Memik bavê min memik, wey ez bi qurbana wilo lêkolîn bim erê welle.......

25.12.2009

Bihuşta rengîn li Fransayê ye

Birastî min şerm û fedî dikir ku ez vê serpêhatîya xwe ji we re bêjim. Lê min dît ku çare tune û ezê di nava xwe de biteqim, de min go hema ezê serpêhatîya xwe bi xwendevanên Lotikxanê re par vekim û bayekî ji ber serê xwe berdim.

Axir

Havîna derbasbûyî, min xwest ez ji pitepita jin û zarokan xelas bim û herim bajarekî tenha, serê xwe rehet bikim. Kuro ma pite pita jinê tê kişandin law? Na. Bi sê telaqan ji êşkenca hepsa Diyarbekrê jî xerabtir e, ya starrrrrrrr û hew!

Werhasil, qûnekek hevalê min hebû jê re digotin Virnîko. Rabû min telefonî Virnîko kir û gotê:“Kuro Virnî, tu ji rovîyan zêdetir digerî, ka bêje bê kîjan bajar tenha û xweş e, ez dixwazin heftakê ji pite pita jinikê xelas bim law“ û jê pirsî.

Virnîko rabê got:“Bi her şeş telaqên binberdanê, bajar ji bajarê Cap D’Agde xweştir tune, tam ciyê kêf û seyranê ye. Lê binere hay ji qûna xwe hebe ha Mirado“ û xatir xwest.

Hema heman rojê min bilêta xwe birrî, li kera xwe siwar hatim, ya alla û ya xwedê min berê xwe da Cap D’Agde.  Yabo min dît û hûn nebînin, hayhoooooo li van qûnên tazî, li van xirr û memikên berdayî, li van zilam, jin û zarokên şût û rût. Dê weledê xwe avêtiye, temamê bajêr tazî ne, tazî digerim, tazî dixwin û vedixwin û hema nayê gotin lo.

Yabo ez çûm otêlê, tu zilam yan jinekê bi cil û berg nabîni, na. Tew hinek mişterîyên otêlê gava çav li min ketin ku ez ne tazî me, henekê xwe jî bi min kirin.

Ezê zêde dirêj nekim. Ez heftakê li Cap D’Agde mam. Lê Cap D’Agde jî Cap D’Agde e haaaaa, bihuşta rengîn e ellawekîl. Min heftakê kêfa xwe kir, min têr qûn û memikên tazî dîtin û ez dîsa pîs pîs vegeriyan ber pite pita jinikê.

Lê şikir ji xwedê re ku min qûna xwe li ser nekir ha, na. Destek min li ser qûna min bû û destek jî li ser mêrik bû. Min nehişt kesek tiliyan bavêje bin dûvê min ellawekîl, ez brê we me wî….

Îcar qurban, heger hûn dixwazin havînî bihuştê bibînin, werin Cap D’Agde a Fransayê. Bi namûs bihuşta Ewrûpayê evder e. Lê wek Virnîko ji min re got, ez jî ji we re dibêjim qardaşim. Heger hûn hatin Cap D’Agde, hay ji qûna xwe hebin û hew! Bela kes nexe we yabo, hûn dixin kê hûn serbest in û hûn sax…..

05.12.2009

Mamo firiya Parîsê

 Li ser bextê fitne û fesadên Silêmanîyê be, dibêjin mamê me Mam Celal bi hewa ketiye û berê xwe daye Fransayê cem Sarkozy. Dibêjin piştî Fransayê wê mamo bifire Polonyayê jî û çend lotikan li rayedarên Polanyayê jî xîne.

Dibêjin wê mamê me bi Srakozy re têkilîyên Fransa û Iraqê nîqaş bike û îskanek şeraba sor bi Srakozy re vexwe. Lê meraqa min ev e ka wê mamê me lotikvana germik û nermik Carla Brûnî jî bibîne yan na.

Hûn zanin, awirek Carla Brûnî ji hezar şûşe şeraba sor xweştir û germtir e. Tew îcar go goştê elokan jî li ber şeraba sor û Carla Brûnî be, oxxxxxx, bihuşta rengn e lo. Ma jê xweştir?  

Ê de bajo mamooooooo, ji kerema xwe ji dêvla min ve jî destê xwe di ser serê xanim Carla Brûnî re bibe mamo can….

 16/11/09- Parîs

Gelo wê Kurd ji Medya xanim fedî bikin?

Miradê Torî- 18/10/09- Parîs- Keça Kurd Medya Ornek, a ku 10 salî ye û di mala xwe de qursa zimanê Kurdî vekiribû, ji alî kovara Fransî „Elle“ ve di nav 10 jinên navdar ên cîhanê de ket rêza yekem û serê me Kurdan bilind kir. Her bijî keça Kurd Medya Ornek!

Helbet di vê serbilindîyê de keda Şaredarîya Sûrê ya Diyarbekirê û serokê wê Abdullah Demîrtaş jî pir e. Ji wan re jî her bijî û xwedê 25 horîyên bihuştê bide Abdullah Demîrtaş rebbî.

Mesela me li ser xîretê bû, li ser hestên Kurdewarîyê bû.

Hesab li cem we gelî xwendevanan, keçika 10 salî di mala xwe de derza Kurdî dide zarokan û şagirtên xwe fêrî zimanê Kurdî dike. Gelo çend serok û qaşo rêberên tevgera azadîya bakurê Kurdistanê wek Medya Ornek a 10 salî xîretkêş in? Çend ji wan bi Kurdî zanin û zarokên xwe fêrî Kurdî dikin? Çend ji wan di malên xwe de zarokên Kurdan fêrî Kurdî dikin? Yan çend ji wan zarokên xwe bi şildim bildima Tirkî perwerde dikin û bi navê bratîya Kurd û Tirkan (ne bi xêr) wan asîmîle dikin?

Îcar pirsa min ji we ev e gelî lotikvanan:

Gelo wê serok, rêber, qadro, lotikvan û zîtirkvanên Kurdên bakur ji helwesta Medya Ornek şerm û fedî bikin? Gelo wê pozê wan bişewite û li zimanê xwe xwedî derkevin?

Ez bi xwe nizanim, lê hûn!?

Perên xwe nedin biyanîyan, çekên xwe ji Lotikxanê bikirin canekem

Miradê Torî- 14/09/09- Parîs-  Li ser bextê rojnama Fransî Le Fîgaro be, dibêjin xwedêgiravî rayedarên eyaleta Soranistana Kurdistanê bi hikûmeta Sarkozy re ketine nav bazara kirîn û firotina çek û sîlehan û hevdu dane ber lotik û pehînan.

Lê dibêjin ji ber ku Sarkozy merivekî serhişk e û ditirse ku navbera wan û hikûmeta Bexdayê têk biçe, çekên xwe nafroşin Kurdekan û tiştekî naxin xurcika wan.

Axir, dibêjin dîplomatekî Fransî navê xwe nedaye û ji rojnamê re gotiye:“Kaka, jina min ji min berdayî be, ez bi serê Sarkozy û doxîna Carla Brûnî kim, em ji hikûmeta Bexdayê newêrin baba. Bila Kurdekan herin pirsgirêka çekan bi Nûrî Malikîyê sermezin re çareser bikin ruhekem“ û Kurdekan paşûpê li kerê siwar kirine.

 Werhasil, em jî wek Lotikxane ji rayedarên Kurdistanê re dibêjin: Perên xwe nedin biyanîyan kaka. Çek û sîlehên Lotikxanê pir û zêde ne. Madem qaşo em bra û dostên hev in, emê çekên Lotikxanê bi nîvê heq, bi mesrefek „fîftî fîftî“ bidin we û xelas. Ma li Lotikxanê ji çek û sîlehan pirtir çi heye?

Ê de haydê ruhekem, perên xwe bînin û werin de….

Parêzer beg jî da bin dûvê wan

Miradê Torî- 19/07/09- Parîs- Wezîrê Karûbarê Ewrûpa yê Fransayê Pîerre Lelouche, wek berdevkê dewleta Tirkiyê lobî ji wan re dikir û yek ji piştgirê endametîya Tirkiyê bû. Lê xuyaye êdî tirr têde nemane û bi Tirkan beicî ye.

Pîerre Lelouche, piştî ku dît Tirk zû bi zû nabin Ewrûpî û serê wan ji kevir hişktir e, rabû dîtin û helwesta xwe ya di derbarê Tirkiyê de guhert û got: Êdî bes e!

Pîerre Lelouche, di derbarê Yekîtîya Ewrûpayê de vê carê li dij endametîya Tirkiyê derket û lotikek bêîman li der qûna wan xist. Pîerre Lelouche dibêje:“Jina min ji min berdayî be, bi hersê telaqên jinberdanê divê ciyê Tirkan di Yekîtîya Ewrûpayê de tunebe. Erê divê Tirkiye bi Ewrûpayê re be, lê divê ne di nava Ewrûpayê de be birê min“ filan û fîstan.

Piştî vê helwest û lotika bergîlkî, îcar Tirk bûn wek gurên devbikef û ha ha êrîşî rebenê Pîerre Lelouche kirin û dikin.  

Pîerre Lelouche, sedema guhertina dîtin û helwesta xwe bi derengketina reformên li Tirkiyê ve girê dide û ji kovara L`Express re dibêje:“Yaw babam, ma em nikarin heta roja qiyametê li bendî gavavêtin û reformên Tirkiyê bin wî, ma em zarokên wan in cîgerim? Madem soza pêkanîna reforman kiriye, bila stuyê xwe û 101 bavê xwe bişkînin û bilezînin. Ma bi lîztik û dek û dolabên Elî Osmanî em tên xapandin bavê min” û serê Tirkan li hêt û dîwaran dixe.

Werhasilî kelam, parêzerekî Tirkan di Yekîtîya Ewrûpayê de hebû, wa wî jî da bin dûvê wan û ev tirr ji wan re nehişt wesselam…..

Abdullah Ocalan dîsa hat girtin

Miradê Torî- 06/06/09-Parîs- Li ser bextê polîsên Fransayê be, dibêjin polîsên Fransî operasyonek qirase li dijî endamên PKK çêkiriye û tirr ji 7-8 kesan berdaye. Lê tirra herî mezin û ecêb çibû hûn zanin gelî lotikvanan? Abdullah Ocalan jî hat girtin. Abdullah Ocalan kuro!?

Yaw bavê min, ma Abdullah Ocalan kengî ji girava Îmralîyê reviya û hat Fransayê law? Ma çend Abdullah Ocalan hene cîgerim? Xwedêteala Abdullahek ji Kurdan re bexşandiye û ew jî li Îmralîyê xwe daye tehlîlên kûr û dûr, şirove û tefsîrên ser „dewletçîk“ ê. Îcar çi îş û karê sayin başqan li Fransayê heye ji bo xwedê?

Werhasil, dîsa li ser bext û namûsa eroînfiroşên kolanên Parîsê be, dibêjin gava yekî polîs Xebatê me girtiye û li nasnama wî nerîye, di nasnama wî de nivîsandiye „Abdullah Ocalan“ û hema yekser nasname ji destê yê polîs ketiye û ji tirsa bûye vite vita qûna wî. Ê polîs hema dest avêtiye demança xwe, daye ser cênîka Abdullah Ocalan û gotiye.“Aha îcar min te girt! Law ez li ezmana li te digeriyam lê tu li erdê bi dest min ket, tu kengî ji Îmralîyê revyaye oxlim?“ û destê Abdullah Ocalan kelemçe kiriye.

Ez serê we neêşînim, Xebatê me, yanî Abdullah Ocalanê duyemîn jî bi komployek navnetewî hat girtin û ket qulikê. Îcar wê Kurdên Fransayê ji bo serokê xwe çi tofanê bînin serê Fransayê ez jî nizanim….

Roj TV dawa wê li serê wê pêça

Miradê Torî- 02/05/09-Bruksel- Roj TV bûye melkemotê dewleta Tirk û ha ha tirr û fisan ji rayedarên dewletê berdide. Bi roj bûye tirsa dilê wan û bi şev jî bûye kabûs û bêhnê li wan diçikîne.

Welhasil, li ser bextê qûnek û lezbîyenên Parlamentoya Ewrûpayê be, dibêjin wezîra dewleta Tirk sayin xanimefendî Nîmet Çûbûkçû (yan jî odûncû) beşdarî panêla bi navê „  Tirkîye de awrat“ bûye û piştî panêlê xwestiye di civînek çapemenîyê de çend lotikû zîtirkên Tirkane bavêje. Xanimê hatiye li ser kursî rûniştiye, kuxiyaye û qirika xwe ji belxemên cigarê pak kiriye û gotiye bismillah.

Lê hê ku negotiye elhemdulîllah, çav li peyamnêrê Roj TV ketiye, belxema wê di qirika wê de asê bûye û çend dilopên hêsran ji çavên wê gindirîne ser masa wê.  Xanimê lal bûye, çavên wê di nava serê wê de wek zotka mirîşkê sor bûne û qîriyaye:“Roj TV ji salonê derxin lan!“.

Lê piştî ku kesî hesabê gotina wê bi pîvazekê nekiriye, pişta qemçika xwe xurandiye, salon terk kiriye û çûye di odeyek reş û tarî de tenê bi rojnamevanên virqo re civiyaye.

Axir, Roj TV Bruksel li xanimefendî herimand û kir go Nîmet xanim li hatina xwe poşman bibe.

Yaw sayin û qîmetlî Roj TV peyamnêr û mixabirlerî, beşdarî civînên sermezinên dewleta demokratîk cimhûrîyetê nebin qerdeşim. Ma çavê we lê ye rebenan kezebreşî bibin û zarokên xwe sêwî li ber dîwaran bihêlin babam, wey!

Ew jî homo derket yabo

Miradê Torî- 27/01/09-Parîs- Homoseksueltî bûye parçeyek ji jiyana insên û bi pêş dikeve. Xuyaye wilo here, wê di salên pêş de jin û mêr bibin dijminên hev û wê du rist çêbibin. Rista jinan û a mêran.

Wezîrê Fransayê Roger koutchî jî homosektîya xwe eşkere kir û got:”Ez ji pêş de nadim, ji paş de didim qerdeşim, ma dinya ne hurrîyet e. Ez ji kîjan alî de bidim û bistînim pirsgirêka min e. Ma qûn ne qûna min e, wîî” filan û fîstan.

Welhasil, çawa ku di nav ne Kurdan de haşa min hizûr di her beşî de qûnek hebin, di nav xelkê de jî hene. Hem jî di hikûmetê de haaaa!

Îcar bila xwendevanên me hay ji vê vîrûsa homoseksueltîyê hebin cîgerlerim. Doxîna xwe bi werîsekî qalind girêdin û hay ji namûsa xwe hebin.

Heger hûn jî wek mîsyo Kautchî doxînê li xwe sist bikin û xiyarên Mêrdînê li dora xwe bicivînin, wê namûs bibe bexdûnis û civaka me bibe civaka “şorba nîskê” ellawekîl.

Ji me gotin...

Gerek Colet bibûya serokê Kurdan

Miradê Torî- 20/01/09- Fransa- Kurd pir ji peyv û axavtinê hez dikin. Lê pirêza wan ne li gora axavtina wan e. Hema kî zimandirêj be û kî karibe zêde lotikan bide xwe, ew derdikeve pêş. Heta niha min digot qey kesek wek Kurdan nikare dûdirêj biaxive û biçirîne. Lê babam, Lûîs Colet ê Fransî tirr ji me Kurdan berda û qûça xwe rakir.

Lûîs Colet ê 62 salî li ser hev, bê rawestan tam 124 seetan axivî û ket pirtûka Guînness a rekoran. Mêro 5 roj û 4 şevan li ser hev axivî, çirand û çirvirand û navek bi dû xwe xist.

Lûîs Colet, li qeza Perpîgnan a Fransayê li pêş sê rayedarên fermî dest bi axavtina xwe kir û 124 seetan axivî, rekor şikand. Tabî temaşevanên wî di ber axavtina wî re bi seetan di xewre çûn û tam 124 seetan dengê Colet ji guhê wan derneket.

Ez serê xwe û we neêşînim, ez dibêjim gerek yekî wek Lûîs Colet bibûya serokê me Kurdan ellawekîl. Hema bila bigota, bigota û hetta go tirr di me de bibûna fiss biaxivîya.

 Kesên go bixwazin wek Lûîs Colet bibin pisporên axavtinê û zimanê wan 124 seetan nesekine, bila serî li Lotikxanê xin kaka.

 Komisyon û simsarîya me ji %10 e. Perê xwe bidin û bibin zimandirêj, de qurban deeeee....

Destê Ehmedînejad nagihê, li gor dilê xwe lotikan davêje

Miradê Torî- 26/12/08-Fransa- Modêla Îranî Fadîme Mubara ji Îranê revyabû Fransayê û qîma xwe bi jiyana bin çarçefê nanîbû. Îcar xanimê li Fransayê li gora dilê xwe lotikan davêje û dinya ne di xema wê de ye.

Erê Fadîme xanimê jiyana li Îranê naecibîne, lê piştgirîya taximê fûtbola Îranê jî dike û laşê xwe bi forma taximê Îranê boyax kiriye. Hem jî bê derpî haaaa, laşekî şût û rût û forma taximê îranê.

Li ser bextê fesad û ewanan be, dibêjin Ehmedînejad ji dostekî xwe re gotiye.“Axxxxxxx, ax ku min ew dêlegur bigirta. Min zanîbû bê ezê çi tirr û fissan jê berdim lê çi fêde. Xanimê li Fransayê ye û forma taximê me li nav şeqê xwe dineqişîne wey liminnnnnnn“ û keserek ji kûranîya dilê xwe berdaye.

Welhasil, Fadîme Mubara forma taximê fûtbola Îranê li ser qûn û memikên xwe neqişand. Îcar bêhna parfûmê yan bêhna tiştekî din ji wê formê tê ez jî nizanim ellawekîl!

Bêaqil li bêaqilan rast hatine

Miradê Torî-21/11/08-Belçîka- Dezgeha “Eurofond” a Ewrûpî bi lêkolînekê piştrast kir ku Tirk bêaqil û nexweşin. Di lêkolîna Eurofondê de Tirk di warê nexweşîya êqil de di rêza %47an de ne û ev jî hejmarek pirr bilind e.

Lêkolîn li 31 welatan û bi 31 hezar kesî re hatiye çêkirin. Di vê lotika lêkolînê de yên ku herî aqilnexweş, nebextewar û girêdayî siyeseta dewleta xwe ne, Tirk in.

Li ser bextê xelkê be, dibêjin piştî lêkolîna Eurofonda Ewrûpî, Ewrûpî ketine helakê û tirr di wan de bûne fiss. Ewrûpî bawerin ku heger Tirk bibin endamê Yekîtîya Ewrûpayê, wê sedî sed Ewrûpîyan jî bi xwe re bêaqil û nexweş bikin û wek mirîşka gêj bînin serê Ewrûpîyan.

 Lê pisporên Tirk jî dibêjin:”Yox canim, ma ji xwe xwedê jî Tirk e. Xwedê aqilê zêde û pakij daye me Tirkan. Ka ji me biaqiltir kî heye lan” û xwe diparêzin.

Lê mixabin, di lêkolîna Lotikxanê de rastîyek din derket holê. Ew jî ev e:

 Ji ber ku bi sedê salane Kurd kurtanê kerên Tirkên kêmaqil in û ha ha qûna wan dalêsin, bêaqilê bêaqila ne.

Yanî, her çiqasî Eurofonda Ewrûpî fedî kiribe bêje jî, lê Kurd ji Tirkan jî bêaqiltir û nexweştir in wesselam!