Satilmîş Yandançarptî

Aha gerek jinên Tirk wilo bin haaa!

Hewce nake em zêde behsa civaka Tirk û pepûla wê bikin û serê hev bêşînin. Hema bi kurt û Kurmancî: Civaka Tirk wek şorba lehanê ye û xelas!

De binerin bê jinên Tirk ji bo çi mêrên xwe dikujin.

Li bajarê Kayserîyê, jinika bi navê Tazegul Alparslan, mêrê xwe Ismaîl Alparslan ê 35 salî da ber kêran û qûn lê qetand, ew bi cehnemê şa kir.

Çima hûn zanin?

Çima ku mêrê wê Ismaîl “benîştên zer (qajik)” anîye malê, jinik ji hakim re gotiye:”Nemîştê zer tê wateya hevduberdanê. Li gora ku mêrê min benîştê rengzer anî malê, niyeta wî hebû min berde û jinek din ji xwe re bîne. Min çend salan xizmeta xiyarê wî kir û herdu gunikên wî firkandin, ew ji xwe re xwedî kirin. Ma qîma min tê ez xiyar û herdu hêkên xwe bidim xelkê, waweylê” û xwe paraztiye.

Birastî min nizanîbû benîştê zer nîşana hevduberdanê ye. Va bi xêra Tazegul Alparslan xanim ez hînî vê yekê jî bûm. Tobe, ez benîştê zer naynim mala xwe gelî xwendevanan.

Axir, hay ji xwe û benîştê rengzer hebin gelî lotikvanan. Erê jinên me zêde bîra reng û mengan nabin û belkî wateya rengan jî nizanîbin, lê dibêjin: “Kera nebin nav kera ji bo ji hev fêr nebin tir û fisa”.  Îcar go hat û jinên me Kurdan jî ji jinên Tirkoleran hînî lotik û zîtirkên rengan bûn, aha wê gavê ji xwe bitirsin.

Bi ya min bikin û qet û qet benîştê zer neynin malê, eman eman.

De neyse, xwezî bi wê roja ku temamê jinên Tirk mêrên xwe bikujin û xiyarên Kurd jî wek gurên ku têkevin nava pez, li wan bên xezebê wesselam...

28.12.2009- Tirkiye

Dêqehpo di meha remezanê de bazda ser keçika 10 salî

Satilmîş Yandançarpti- 17/09/09-Konya- Gerçî hewce nake ez bi dûdirêjî ji we re behsa zinêkarîya hinek ji van Tirkan bikim, lê dîsa jî min go bila di bîra we de be û hûn zinêkarîya wan ji bîr nekin.

Dibêjin meha remezanê mehek pîroz û bibbarek e û divê xwedêgiravî di meha pîroz de kes gunehan neke, kesên guneh kiribin jî xwe bavêjin tor û bextê xwedêteala ji bo wan efû bike. Lê kî guhdarîya guneh û munehan dike baaaaaaa, tew ji hinekan re meha remezanê bûye meha “zinêkarî û tecawizkirinê”.

Li bajarê Konyayê taxa Ovaloxlûyê, sermezinê R.A (33) cîranê xwe Mustafa D (26) ji bo fitarê dawetî mala xwe dike. Piştî fitarê R.A dibê:”Ezê herim terewîhan cîgerim” û dixwaze here mizgeftê. Kurê kerê Mustafa D jî dibê:”Ê de tu here, ezê herim malê pêlavên xwe biguherim û bêm”.

Axir, R.A derdikeve der û Mustafa D jî bi keçika 10 salî ya R.A re bi tenê dimîne. Dêqehpo radibe keçikê dibe mala xwe, dest davêje namûsa keçika reben, wê ji hevde dixe û keçik S.A jî hema şûşe li serê Mustafa D dixe û ji destê wî direve.

Werhasilî kelam, mesela min li ser xêr û bereketa meha remezanê bû lo. Ji hinek dolheraman re remezan û rojî fêde nakin çunkî xwînheramî û zinêkarî di xwîna wan de segbavan de heye wesselam....

Di 2014an de dest bi lotikên Kurdî dikin

Satilmîş Yandançarptî-05/08/09- Tirkiye- Cîgerim Tirko qerdeşlerimiz di derbarê Kurdî de dane çargavê û wek hespên bezoke dibezin. Di zanîngehên Tirkiyê de vekirina beşê ziman û edebîyata Kurdî wek lotikek erênî tê nirxandin û ji niha ve gellek zanîngehan vekirina beşê ziman û edebîyata Kurdî xistine bernama xwe. Meselen Zanîngeha Alparslan.

Li ser bextê Ajansa Anadolûyê be, dibêjin Rektorê Zanîngeha Alparslan Prof.Dr.Nîhat Înanç, ragihandiye ku daxwaza wan a vekirina beşê ziman û edebîyata Kurdî ji alîyê YOK ê ve (Dezgeha Xwendina Bilind) hatiye qebûlkirin û ew bi vê biryarê kêfxweş bûne.

 Înanç gotiye ku wan di çarçoveya plana 20.pêşketina Zanîngeha Alparslan serî li YOKê dane û xwestine di zanîngeha xwe de beşê ziman û edebîyata Kurdî vekin. Înanç bi hersê telaqên jinberdanê sûnd dixwe ku serlêdana wan ji alî YOK ê ve hatiye qebûlkirin û bi xêr û selamet ewê di sala 2014an de (piştî 5 salên din) dest bi lotik û zîtirkên Kurdî bikin.

Înanç efendî dibêje:“Jina min ji min berdayî be, emê di sala 2014an de bi 40 xwendevanî dest bi lotikên Kurdî bikin û tirrê ji meselê berdin. Di zanîngeha me de beşê Farisî, Erebî, Ingilîzî û Almanî heye, wê Kurdî jî vê dewlemendîyê bixemilîne bi dîn û îman. Lê mixabin pirsgirêka me tunebûna kadroyên akademîk e. Lê ez bawerim heta 2014an emê vê pirsgirêkê jî çareser bikin, bi guhê çend kadroyên akademîk bigrin û wan bikişkişînin nav zanîngeha xwe“ filan û fîstan.

  Werhasilî kelam, va Zanîngeha Alparslan li kadroyên Kurd ên akademîk digere gelî nivîskar û rewşenbîrên Kurd!

Heger hûn bi qûna xwe bawer bin û ji heqê ziman û edebîyata Kurdî bên der, bilezînin û kursîyekî ji xwe re veqetînin baba.

 Yan na, bi ellawekîl çawa ku TRT6ê Niştî ya Kurdînezan li serê Kurdan kir bela, wê kadroyên Kurdînezan jî li serê me bikin mîr û wezîr. Îcar xêr û guneh di stuyê we de ye qardaşim, ji min gotin….

Çewalcî Petro ziravê wan qetand

Satilmîş Yandançarptî- 02/07/09- Kayserî- Heger bê bîra we, generalê Amerîkî Org. Davîd Petraeûs, li Iraqê çewal xistibûn serê tîma eskerên Tirk û tirr ji wan berdabû.  Piştî vê lotika çewalan, navê generalê Amerîkî wek “Çewalcî Petro” derketibû û pê meşhûr bûbû. Ev lotika çewalan Tirk ewqasî aciz kiribûn, ewqasî ziravê wan qetandibû nayê gotin. Hema ku navê Petraeûs dibihîztin, bi xwe de dirîtin û xwe di qul û kewêran de vedişartin.

Axir, doh yanî (01ê Tîrmehê lo) Çewalcî Petro serdana Serekerkanê Artêşa Tirk Îlker Başbûg kir û zelzele li Enqerê rabû.

Li ser bextê zinêkarên çeteya Ergenekonê be, dibêjin gava eskerên Enqerê bihîztine ku wê Çewalcî Petro bê Enqerê, ji desthilanîn ketine, derpî dagirtine, wek kîroşkên ku ji ber tajî birevin xwe veşartine û bûye tiretira qûna wan.  Ji tirsa ku wê Çewalcî Petro dîsa çewalan têxe serê wan virde wêde bazdane û vitevit bi wan ketiye.

Werhasil, dibêjin piştî ku Çewalcî Petro bi sê telaqan sûnd xwariye ku ewê çewalan nexe serê wan, dilê eskerên Tirk rehet bûye û “oxxxxxxxxxx” ek kişandine ser kezeba xwe.

Ez serê we neêşînim, ev lotika çewalan ji Petraeûs re ma ellawekîl. Heta bi roja qiyametê jî wê navê wî wek “Çewalcî Petro” li ser zimanê kurê bavan be wesselam…..

Sawcîyê Digorê qûn li qanûnan qetand

Satilmiş Yandançarptî- 12/06/09-Tirkiye- Ji ber ku DTPî yan di propaganda hilbijartinê de bi Kurdî axivî bûn, doz li wan hatibû vekirin. Piştî ku sawcîyê Digorê Omer Tutuncu li dosyayê nerî û fikirî, serê xwe hejand, destê xwe li masê xist û got: Êdî bes e oxlim!

Werhasil, li ser bextê dîk û mirîşkên Qersê be, dibêjin sawcî Omer Tutuncu gotiye:“Min di we kirine, dewletê TRT6 vekiriye û qîreqîra zimanê Kurdî ye. Rayedarên dewletê bi hemwelatîyên Kurd re bi Kurdî diaxivin, îcar ev çi doza ku hûn li van rebenên DTPîyan vedikin êşek oxlî êşekler! Êdî qanûn manûn ji vî tiştî re nemaye, Kurdî serbest e û kî bixwaze kare bi Kurdî bide lotik û zîtirkan qerdeşim“ filan û fîstan.

Axir, DTPî ji xwarina lotikekê xilas bûn û ji kêfa re bûye virte virta van.

Ez jî wek gunikreşekî Lotikxanê vê lotika sawcî pîroz dikim û qûna wî dax didim qerdeşim….

Tirk ji mejîyê xwe nexweş in

Satilmiş Yandançarpti- 07/05/09- Tirkiye- Rêxistina Hevkarîya Aborî û Rabûnê (OECD), raporek li ser tenduristîya aqil belav kir û lotikek xweş avêt.

Rapora OECD bi navê “Bi awirekê civak” hatiye weşandin. Rapor li ser 21 civakên welatên cuda hatiye kirin û di beşê “Îndeksa tendirustîya Aqil” de lêkolînek li ser hemwelatîyên 21 welatan hatiye kirin.

Di vê rapor û lêkolînê de Tirkiye di rêza dawîn de, di rêza 21ê de cîh girtiye û wek mirovên herî “mejînexweş” yan jî “aqilsivik” derketiye holê. Bi gotinek kurt û Kurmancî, OECD Tirk wek “nexweşên aqil” û “bêaqil” pêşkêş kiriye.

Ez Tirkan nizanim, lê ger lêkolînek li ser Kurdan bihata kirin, ez bawerim ewê ji Tirkan jî bêaqiltir derketibûna. Ma kesên ku di bin destê bêaqilan de bijîn, ji wan ne bêaqiltir in qerdeşim!

Aqilê kê di serê xirrê kê de ye?

Satilmîş Yandançarptî- 21/04/09- Tirkiye- Xwedê neyne serê kesî rebbî. Gava ku haletê nav şeqê meriv serî hilde û dest bi şerê çekdarî bike, ne kes kare xwe li ber xezeba wî bigre û ne jî kes kare jê re bêje lam û cîm.

De binerin bê qûnekê Necdet E. ji bo xiyarê xwe çi anîye serê malbata xwe.

Li bajarokê Çatalcayê Necdet E. ê 31 salî, doza zewacê li brayê xwe Ismet E dike. Brayê wî Ismet E. jê re dibê:“ De bi wir de here qûnek, tu bizewicî tuyê çi gûyî bixwî. Va min ew tirşik xwar min çi jê fêhmkir ha“ filan û fîstan.

Piştî van gotinên Ismet E, brayê wî Necdet dîn û har dibe, bi şîreta xiyarê xwe dike, diçe malê çifte û demança xwe hildigre tê ser ruhê brayê xwe Ismet. Radibe brayê xwe, jinbra xwe û herçar zarokên wan dide ber fîşekan, piştre qirika wan bi kêrê jê dike û berê wan dide cehnemê.

Welhasil, îcar xwedê meriv ji xezeba xiyaro biparêze rebbî. Erê em Kurd mirîyê xirrê xwe ne û aqilê me di serê xirrê me de ye, lê ev Tirk ji me xiyartir in ellawekîl. Kurdan heta niha ji bo xiyarê xwe malbata xwe nekujtiye. Lê evê Tirk ji bo lotikekê fermana brayê xwe rakir û li ser koka wî rûnişt.

Îcar aqilê kê di serê xirrê wan de ye qerdeşim? Kurd yan Tirk?

Oxlim bi xwe de rît

Satilmîş Yandançarpti- 11/04/09- Tirkiye- Serdozgerê Dadgeha Ewlekarîya Dewletê (DGM) sayin oxlim Nusret Demiral, hevpeyvînek qirase bi nivîskarek Tirk re kir û bi xwe de rît. Sayin oxlim dîsa heman çîrokên Elî Osman got û Kurd bera ser xwe dan.

Nusreto di hevpeyvîna xwe de hebûna Kurdan înkar kir, ew kirin Tirk, zimanê Kurdî kir zaravê Tirkî û dîroka Kurdan jî kir çîrok û xeyal. Lê kerê min di qûnê kutayo ji bîr kir ku Kurd milletek esîlzade ye û wek dola wî ne heram e.

Nîjadperestê xurufî sayin dolheram Demîral, di derbarê parlamenterên DEPê Leyla Zana, Orhan Dogan û Hatîp Dîcle de jî îdam xwest û got ku gerek ew bihatana îdamkirin.

Welhasil, nîjadperestî ji dil û mejiyê kesên wek Demîral dernakeve. Îcar hesab li cem we gelî xwendevanan. Ger serdozgerên dewletê evqasî bi xwe de birîn, gelo wê şivan û gavanên wan çawa bin?

Raya me ji Tûgrûl beg re ye

Satilmîş Yandançarptî- 16/03/09-Sînop- Hilbijartinên herêmî nêzîk bûn û herkes li gor xwe lotikan davêje, sozan dide xelkê û propaganda xwe dike. Xalê me Tûgrûl Kayacan ê 64 salî jî dixwaze li bajarê Sînopê bibe muxtarê taxa Kefevîyê. Lê xwedê heye, soz û ahdên xalê me Tûgrûl beg maqûl in û ez karim bêjim ku serokwezîr jî nikarin sozên bi vî awayî bidin.

     Meselen xalê me Tûgrûl efendî sozê dide ku bibe muxtar wê “sunnetkirina zarok û zilaman (ker ne têde ne), testa hemilbûnê, qulkirina guh, pîvana tansiyonê” û wekî din belaş bike.  

    Ji bo van soz û qirarên maqûl, ezê raya xwe bidim xalê Tûgrûl beg û bi xêra wî kalkê xwe, bavê xwe, xwe û zarokên xwe belaş sunnet bikim ellawekîl.

 Îcar perê xwe nedin textor mextoran gelî xwendevanan. Raya xwe bidin Tûgrûl beg û wî çermikê zêde miftîbelaş jêkin.

 Lê go xalê Tûgtûl beg bi şaşî xirrê we di qurmik de jêke ez ne mesûl im, na!

Mizgeftê tirr ji wan berda

Satilmîş Yandançarptî- 10/02/09-Afyonkarahîsar- Rehma xwedê lê be, bapîrê min Hecî Berker Otûzbîr tim digot:“Kurê min, bawerîyê bi Tirk, Ereb û Eceman neyne çunkî nanê wan li ser çoga wan e û derewçî ne“ filan û bêvan.

Piştî ez mezin bûm û kerekî qirase ji min derket, min xwe nas kir. Tew piştî min Tirk, Ereb û Ecem naskirin û ez bi dirustîya xwe bi wan hatim xapandin, insanetî li ber çavê min reş bû û ji ber vê jî min navê xwe guhert û kir Satilmîş Yandançarptî.  

Welhasil, ne tenê ez lê xwedayê mezin jî ji derewan hez nake û tirrê ji kesên virek û derewîn berdide.

Meselen Tirkên Afyonkarahîsarê.

Li bajarê Afyonkarahîsar nehîya Başmakçîyê, hingî gundîyan di mizgefta mala xwedê de vir û derew kirin,minara mizgeftê teqiya û bû du parçe. Dibêjin ew mizgeft ji gundîyên Başmakçîyê re bûbû wek hêlîna fitne, fesadî û zinêkarîyê û gotinek tenê jî rastî nedigotin. Ji ber vê jî minara mizgeftê hew debar kiriye, beiciye û gotiye „gurrmmmmm“ û teqiyaye, bûye du parçe.

Îcar tembîya min li we be gelî Kurdino. Hay ji xwe û Tirk, Ereb û Eceman hebin. Bi navê îslamê nedin dû wan virek û derewînan.

Yan na, bi ellawekîl wê rojekê minareyên mizgeftên ku hûn diçinê, di nav serê we de bibin du parçe û xelas.

MHP dixwaze tirrê ji Amedîyan berde

Satilmiş Yandançarpti- 11/212/08-Enqere- Serokê Partîya Gur û Keftarên Tirkiyê (MHP) Dewlet Bahçelî, di civîna partîya xwe de lotikek segîkî avêt û kir ewte ewt.

Bahçelî di derbarê hilbijartinên herêmî û Diyarbekrê de jina xwe ji xwe berda û got:“Bi sê telaqên Başbûx Turkeşê Kûçkê Reş, emê li Amedê namzetekî wilo qirase rakin go devê xelkê ji hev vebe û emê tirrê ji Diyarbekrîyan berdin. Hinek dibêjin MHP li Diyarbekrê namzetê xwe ranake. Ev provokasyonên Lotikxanê ne, jina min ji min berdayî be, emê neyên provokasyonên terorîstên wek Lotikxanê û emê qiraseyekî zilaman li Diyarbekrê bikin namzetê xwe“ filan û fîstan.

Axir, wê MHP li Amedê namzetê xwe rake. Lê ew namzetê qirase kîye ne kîye bila Amedî tê derxin.

Madem Bahçelî dibêje „emê tirrê ji Amedîyan berdin“, yan divê Amedî wî namzetî bigrin û serê wî têxin qûna bavê wî û yan jî divê hay ji doxîna xwe û ji tirre tirra qûna xwe hebin qerdeşim.

Ji me gotin…

Lotikek bêîman li bavê xwe xistin

Satilmiş Yandançarpti- 19/10/08-Manîsa- Heta niha Kurdan lotik li bavê wan dixist. Lê xuyaye ew jî ji Kurdan fêrî lotikên bêîman bûne.

Dibêjin li Tûrgûtlûya bajarê Manîsayê Odeya Sanayî û Bazirganîya Tûrgûtlûyê (TUTSO) portreya bavê xwe Atatirk li ser dîwarê avanîya xwe neqişandine. Lê Atatirk jî Atatirk e haaa, ne dişibe xwe û ne jî dişibe tu mexlûqatên xwedê.

Îcar çapemenîya Tirko dîsa rabûye ser lotik û tapana û agir ji devê wê dibare. Mesele çiye? Qaşo wêneyê Ato ne spehî neqişandine.

 Ê malê wî ew e oxlim, wîî! Qumaşê wî ew qumaşe, xerabeye babam, weyy! Ma wê bi darê zorê wî bikin artîst û manken, hella hellaaaa!