Şemal Amedî

               NBC qûn li Tirkan qetand

Tirkoler li ber xwe nakevin. Ne rastîyê qebûl dikin û ne jî şerm û fedî dikin. Kurd û Kurdistan ji wan re bûye wek kabûsa xewnên şeva û ha ha pê vediciniqin, pê bi xwe de dimîzin.

Wê rojê televizyona NBC di nûçeyek xwe de behsa sê girtîyên Amerîkî yên li Îranê kir û pê re jî nexşeya Kurdistanê weşand. Piştî weşandina nexşeya Kurdistanê, weke ku Tirkan hinek di ser jinên xwe de dîtibin, dîsa dîn û har bûn û dest bi êrîşa ser NBC kirin.

Çima ku xwedêgiravî NBC parçeyek Tirkiyê wek Kurdistan nîşan daye, Tirkoler pirça serê xwe hilçinîn, kirasê xwe çirandin û gotin: „Way qalleşler waaayyyyy, bi şeş telaqan ev skandal e!“ û wek hespên serxweş rabûn lotikan.

Werhasilî kelam, televizyona NBC bi weşandina nexşeya Kurdistanê qûn li Tirko qardaşlarimiz qetand. Hem jî çi qetandin haaaaaa, ew çîrvîrî hev kirin wesselam..

De aqûbet li televizyonên din jî be rebbî…Hema kî qûnê li cewrikên dêlika Asenayê biqetîne kar e û ne xisar e..

20.12.2009- Amerîka

Aha xîret û namûs ev e ha!

Şemal Amedî- 17/10/09- Amerîka- Gelo li gora we xîret û namûs çiye gelî xwendevanan? Parçeyek goştê nav lingê jin û mêr e, yan jî her tişt e? Li gora min her tişt xîret e, her tişt namûs e.

Kesê ku pozê wî /wê ji misqala serê derzîyê neşewite, ji şûjin, kêr û xincerê jî naşewite. Kesê ku pozê wî/wê ji libek nîsk neşewite û li liba nîska xwe xwedî dernekeve, li ber goştê nav şeqê jina xwe /mêrê xwe jî nakeve. Kesê ku pozê wî/wê ji kujtina mirîşkekê neşewite û li mirîşka xwe xwedî dernekeve, li welat, millet, ziman û Kurdayetîya xwe jî xwedî dernakeve. Ango, namûs her tişt e.

Axir, mesela me li ser xîreta jinika Amerîkî û bêxîretîya hinek ji me Kurdan bû.  De ji xwe re li xîret û namûsa xanim Rachel Begley binerin û bila pozê hinek Kurdên me bişewite. Helbet heger xîret bi wan re mabe ha.

Rachel Begley, di 13 salîya xwe de bavê xwe winda dike. Yanî, bavê wê li ber çavê wê ji alî qûnekekî ve tê kujtin û rebenê sêwî dimîne. Kujtina bavê wê di dilê wê de dibe kîn, dibe tol û heta 41 salîya xwe qatilê bavê xwe ji bîr nake, dide ser şopa ê qatil û dixwaze tola bavê xwe li erdê nehêle. Rachel Begley, tam 28 salan li seranserê Amerîkayê şopa qatilê bavê xwe dişopîne.

Û encam?

Rachel xanim piştî 28 salên bê rawestan, şopa qatilê bavê xwe dibîne û qatilê bavê xwe di balafirekê de dide girtin.

Hûn xîreta Rachel xanimê dibînin ne wilo?

Û em Kurd çi xwelîyê li serê xwe û bavê xwe dikin?

17-18 hezar Kurd bi navê faîlî meçhûl bi destê çeteyên dewletê hatin qetilkirin, 30-40 hezar Kurd di şerê bê armanc de hatin kujtin, 4 hezar gund hatin şewitandin, 4-5 milyon Kurd derbeder bûn, yên bûn jinfiroş, yên bûn eroîncî, yên bûn diz û keleş û yên di kolanên metropolan de qûna xwe dan.

Û dem û dezgehên ku qaşo xwe wek nûner û berdevkên vî milletê mazlûm dibînin çi bêjin başe?

„Em amade ne 18 hezar Kurdên faîlî meçhûl ji bîr bikin!“

Û ji bo çi?

Ji bo Demoqratîk Kemalîzm Cimhûrîyetî.

Werhasilî kelam, de ka îcar destê xwe deynin ser wîjdanê xwe û bêjin gidî:

Kî bi xîrettir e?

Rachel Begley a ku 28 salan da dû şopa qatilê bavê xwe û ew da girtin, yan hinek Kurdên me yên ku Kurdistanê dikin bi qurbana Xelo û Celo?

Gelo çima Kurd seksê dikin?

Şemal Amedî- 08/09/09-Amerîka-  H eta niha me digot qey jinên Amerîkî mirîyên seksê ne û bêyî ku seksê bikin xew nakeve çavên wan. Lê lêkolînekê derxist holê ku ji bo jinên Amerîkî seks, tenê dermanê serêşê û acizîyê ye. Li gora lêkolîna ku hatiye kirin, dema serê jinên Amerîkî dêşe yan jî gava aciz dibin, dixwazin seksê bikin û pê serêşîya xwe û acizîya xwe derbas bikin.

Nivîskarên pirtûka “Why Women Have Sex?" (Çima jin seksê dikin) Cindy Meston û David Buss, di lêkolîna xwe de du hezar sedemên ku çima jin seksê dikin derxistine holê. Dixuye ku sedema kirina seks û avêtina lotikan tenê ne romantîzm e, lê gellek sedemên din jî hene. Çend sedemên ku herî giring in ev in:

-Rehetbûn, hizûr, derbaskirina serêşê, xilasbûna ji acizîyê, yan jî wek spasdarîya zilamekî a piştî xwarina xwarinek xweş. Yanî, jinên Amerîkî ne ji bo romantîzm û zewqê, lê ji bo sedemên din seksê dikin û xwe digevizînin.

Werhasil, piştî vê lêkolînê, min meraq kir ka gelo Kurd çima û ji bo çi seksê dikin? Gelo ew jî ne ji bo xurandina laşê xwe seksê dikin? Ez behsa jinên Kurd nakim ha, na. Zilamên me lo. Ji xwe rebenên jinên me ne zanin bê orgazm çiye û ne jî zanin bê çend şiklên seksê hene. Ma çêkirina xwarinê, firaxşûştin, anîn û mezinkirina zarokan dihêle ew tamekê ji seksê bikin? Na canim, tama çiiiii û halê çi!

Û zilamên me?

Li gora encama lêkolîna ku min bi 1999 zilamên Kurd re kiriye, derket holê ku zilamên Kurd jî ne ji bo romantîzmê seksê dikin. Ê naxwe çima dikin? Aha ji ber van sedeman babam:

-         Di siyasetê de karê wî baş nameşe yan nikare di karê siyasî de tu gûyekî baş bixwe, aciz dibe, tê malê û kerbê xwe di serê jina xwe re derdixe. Rebena jinikê digevizîne û hilê wê li milê wê dike.

-         Di karê bazirganî û ticarî de bi ser nakeve, winda dike û yan li pataxê dikeve (top davêje – îflas dike). Îcar tê malê, dîsa kerbê xwe di serê jina xwe re derdixe û wê ji hevde dixe.

-         Bê kar dimîne, li kolanan virde wêde lotik û zîtirkên bêkarîyê davêje, bêrîk vala ye, aciz dibe, tê malê û dîsa bazdide ser jinika reben û kerbê xwe di serê wê re derdixe.

-         Dixwaze bi rêyek kurt dewlemend bibe, diçe bi loto û toto dilîze, qezenc nake, aciz dibe, tê malê û dîsa kerbê xwe di serê xanima xwe re derdixe.

-         Zarokên wî bi ya wî nakin, ji wan aciz dibe, heyfa zarokan ji xanima xwe hiltîne û qûşê lê diqetîne.

-         Zugurt Aga ye, mêro li xwe danayne xwe muhtacî kesekî din bike, bêrîka bi qul lê qapanîyek mezin, bav û bra peran jê dixwazin, aciz dibe, dibe kufekufa wî, tê malê û dîsa kerbê hertiştî di serê jinikê re derdixe, dest bi lotik û zîtirkan dike.

-         Xwarin ne bi dilê wî ye, yan dev ji cixarekişandinê berdaye û bêhna wî teng e, bazdide ser jinika reben û lingên wê belbelotî hewayê dike.

Û bi sedan sedemên din.

Aha em Kurd jî ji ber van sedemên jorîn seksê dikin qardaşim.

Ê de ka bêjin lo:

-Kesî ji we ji bo romantîzmê seks kiriye?

Werin vê ecêbê. 21 salî û 167 flîmên porno

Şemal Amedî- 06/07/09- Hollywood- Gellek kes hene bi salan kefteleftê dikin ji bo ku bibin lîztikvan û stêrkên sînema û podyûman. Lê hinek kes jî hene ku xwedê bi elba mezin bi ser wan de dibarîne û bi lotikekê meşhûr dibin. Meselen lotikvana çiryayî û jihevdeketî Sasha Grey a 21 salî.

Sasha Grey 21 salî ye û heta niha tam di 167 flîmên pornoyê de (seksê) de lîztiye. Di van 167 flîman de tenê ew zane bê çend qirase di ser bedena wê re derbas bûne û çend xiyar û tirozîyan xwe lê pêçane.

Îcar hesab li cem we gelî lotikvanan. 21 salî û 167 flîmên pornoyê! Îcar bifikirin û bersiva vê pirsê bidin:

Gelo di van 167 flîmên pornoyê de (ku piranîya wan govenda garankî ne) çend kes li xwe ceribandine? Ez bêjim 300 û hûn bêjin 500 yan 1000.

Hûn xeyala xwe bidinê, piranîya stêrkên Hollywoodê yan jî stêrkên sînemayên Ewrûpî yan pornocî û xiyarqeşêr in û yan jî dîsa xiyarxur in. Dibêjin ji niha de derhêner li dû Sasha Grey digerin ku di flîmên xwe de cîh bidinê.

Îcar ev dinya bûye dinya haşa qûnek û qehpikan qerdeşim. Kesê/sa ku qûna xwe nede nan jê re nemaye wesselam….   

Fahîşeyên germik û nermik

Şemal Amedî- 05/06/09-Hollywood- Birastî ji rastîyê xweştir tiştek tune. Erê rastî tehl e û li zora piranîya mirovan diçe, lê kesên ji xwe piştrast ji rastîyê aciz nabin. Û kesên ji bin xwe şil? Helbet, rastî li zora qûna wan diçe û xwe diingirînin.

Welhasil, mesela me li ser gotinên lotikvana seksî û doxînşil Megan Fox e.

Megan Fox, yek ji herî jinên bedew, seksî, agirpêketî û doxînşil e. Hem ew doxîna xelkê şil û pil dike, û hem jî xelk doxînê lê sist dikin. Yanî, rastî çibe ew e.

Axir, Megan Fox xanim di kovarekê de rastîya lîztikvanên Hollywoodê û sînemayê anî zimên û got:

„Gava hûn bi mejiyekî rehet bifikirin, hûnê bibînin ku em lîztikvanên sînemayê cûreyekî fahîşeyan (qehpikan) e. Ji bo em hinekan ramîsin û hinek tiştan bijîn peran didin me. Mirovên din jî ji bo li wan ramîsan û lotikên me temaşe bikin dîsa peran didin. Birastî jî ev rûreşî ye“ filan û fîstan.

 Yanî, Megan Fox dibêje ku ji bo ew di flîman de hevdu radimîsin û lotikan li hev du dixin peran distînin û ev şiklekî qehpitîyê ye, kesên ku diçin sînemayê li wan temaşe dikin jî peran didin heqê bilêtan û ew jî şiklekî qehpîtîyê ye.

Ê de îcar hûn bêjin heyran, li gora we qehpîtî çiye?

Ev dinya bi pornocî û zinêkaran maye

Şemal Amedî. 10/05/09- Hollywood- Bawer bikin dinya bi pornocî, zinêkar, sextekar, diz û keleşan maye. Dinya ji insanê qenc re teng bûye. Yan divê meriv sextekar be, qehpik be, diz û çeqel be, yan jî meriv hew kare bi qencî û dilpakîya xwe bijî.

Welhasil, dibêjin lotikvana Amerîkî. Stêra porno û xistin û derxistinê Stormy Danîels, biryar daye ku di hilbijartinên sala 2010an de bibe namzeta senatoya Amerîkayê.

Stormy Danîels, dibêje ku „Senator David Vitter ê eyaleta Louîsîanayê bi kêrî qirûşekî nayê, mêro hbehda namûsa malbatê dike û hem jî diçe bi qehpikan re zinê dike. Ma ew ji min çêtir û binamûstire bavê min“ filan û fîstan.

Axir, ez wek îmana xwe bawerim ku wê lotikvana agirpêketî Stormy Danîels bibe senator û di senatoya Amerîkayê de lotik û zîtirkên germ û nerm bavêje. Ji xwe senatorên Amerîkayê li mahnakê ne, doxînsist û çavlider in. Ma kî naxwaze doxînsistek wek Stormy Danîels bibe senator û senatoya Amerîkayê bi tenûra xwe germ bike baba!

Berazan cîh li Reşo teng kir

Şemal Amedî- 01/05/09- Waşîngton- Şewba (zekem, bapêş) berazên Meksîkayê berê xwe daye Ewrûpa û Amerîkayê û qûş li xelkê qetandiye. Dibêjin heta niha li Meksîka 300 û li Amerîka jî 133 elametên şewba berazan hatine dîtin û bi taybet li Meksîkayê gellek kes bi vê lotika şewba berazan mirine.

Axir, dibêjin dema Reşoyê me, yanî Barack Obama berî du heftan serdana Meksîkayê kiriye, karmendekî Qesra Spî jî pêre çûye û di dema serdanê de ketiye ber lotika şewba berazan, qûn lê qetiyaye û niha li Koçka Spî bûye qîr û qiyamet. Piştî ku şewba berazan bi karmendê Koçka Spî re peyde bûye, di serî de Reşo û heta bi Clînton ketine helakê û ji tirsa ku bi şewba berazan bikevin, bûye vitvita kuna wan û derpî dagirtine.

Li ser bextê sîxurê Lotikxanê yê Qesra Spî be, dibêjin Reşoyê me di Koçka Spî de bi maske û rûdankan digere û carcaran jî çewalan dixe serê xwe ji bo vîrûsên şewba berazan nêzîkî wî nebin.  Hetta tirsek ewqasî mezin ketiye dilê wî û karmendên Koçka Spî ku hew wêrin herin avdestxanê jî. Îcar di ku de dimîzin yan dirîn em jî hê pê nizanin.

Welhasil, berazên Meksîkayê cîh li Reşo û Qesra Spî teng kirine û tirr ji wan berdane. Dibêjin niha şerê navbera şewba berazên Meksîkayê û Amerîkayê ji şerê mişk û pisîkê xirabtir bûye û herdu alî ketine kozik û kemînên şerê giran. Di destê Amerîkayê de bombeyên atomê û di destê berazên Meksîkayê de jî bombeyên vîrûsên şewbê hene. Herdu alî bi van bombeyên qirase êrîşî hevdu dikin û şer germ bûye, heraret 280 derece bilind bûye û doxîn li herdu alîyan sist bûye.

Ez serê we neêşînim, tofan, tirs û babelîska ku hatiye serê Reşo û serê lotikvanên Qesra Spî neyê serê kafiran rebbî.

Erêêêê erêêêê…. Kê digot wê rojekê beraz tirrê ji Amerîkîyan berdin law, waweylêêêêêê!

Seks xweşik dike

Şemal Amedî-15/03/09-Hollywood- Li ser bextê zinêkarên Hollywoodê be, dibêjin xwedêgiravî seks û lotikên erotîkî mirov xweşik, şahîk û spehî dike.

Li gor lêkolîn û lêpirsîna ku li ser 3 hezar û 500 jinên Amerîkî hatiye kirin, derketiye holê bandora seks û lotikan di xweşikbûn û bedewîya mirovan de pir e û kesên seksê dikin tim zînde û spehî dimînin.

Li gor tê gotin, di dema seksê de gera xwînê zêdetir dibe, baz û damar baştir dixebitin û hormona bextewarîyê bi zêdeyî difûre. Ev jî bandorek erênî li bedena mirov dike û dibe sedema xweşikbûn û zîndebûna bedenê.

Li gor lêkolîna ku hatiye kirin, jina ku heftê 3 carî lotikan bavêje û seksê bike, 10 salan ciwantir û xweşiktir dimîne. Herweha dibêjim ku seks fêdeyek mezin li xebata mejî jî dike û di dema seksê de mejî ji dema normal qat bi qat zêdetir dixebite.

Îcar ji me gotin û li we kirin qerdeşim. Hûn seksê dikin nakin, heftê carekê dikin yan 100 carî dikin mesela we ye.

Lê hay ji xwe hebin ha, dema we seks kir û we wek ga û çêlekên nav garanê hevdu gevizand, hûn di ber re tirr û fisan nekin. Ji ber ew tirr û fis mirov serxweş dikin û hewes mewesa lotikan bi meriv re nahêlin. Îcar hûn zanin….

Memikên xwe kirin wek zebeşên Diyarbekrê

Kevîn Kurdson- 07/02/09-Amerîka- Bêlome be û xwedê kesî şaş neke rebbî. Ev navûdeng û timaya malê dinyayê heye ya, dijminê herî mezin e. Tew ji xwe nexweşî û karîyerîzma navdarbûnê ji nexweşîya brîna reş jî xerabtire.

Welhasil, mesela me li ser Şeyla Hersley a Amerîkî bû.

Şeyla xanim tam 9 carî ket bin kêr û meqesên neşterîyê ji bo ku memikên xwe mezin bike. Piştî neştersazîya 9an, memikên wê ji zebeşên Diyarbekrê mezintir bûn û wek jina “herî memik mezin” xelat girt. Tew xelat ne bes bû, xanimê ket pirtûka rekoran a Guînnessê jî.

Hûn zanin her memikek wê çend kîlo ye? Tam 3 kîlo!

3 û 3 dikin çend? Dikin 6 kîlo. Şeyla xanim tam di bin 6 kîlo memik de virde wêde diheje.

Îcar hesab li cem we gelî xwendevanan. Gelo 6 kîlo goşt di nav doxîna we de ba, weyê çend rojan debar bikira!?

Keçkê gundê me buha ne werne sêva

Şemal Amedî- 14/01/09-Amerîka- Cêwîyên siyam Brîttany û Abîgaîl Hensen, bûm 18 salî û av li wan gerya. Dibêjin gingî kurmik û hormonên kamilbûnê dawa wan li serê wan pêçaye, dixwazin bicewizin û ji wan kurmikên lotikvan xelas bin.

Dibêjin cêwîyên bi bedenek û duserîyan dixwazin bi taybet bi qiraseyekî Kurd re bizewicin û ji ber vê jî serî li Lotikxanê xistin.

Şertên bûka me ev in gelî Kurdino: Divê yekî bejindirêj û 2.25 santîm be, simbêlboq be, 70-80 kîlo be, dewlemend be, karibe firaxan bişo, qûna zarokan balêse, xwarinê çêke û malê bimale.

Îcar Kurdên ku dixwazin bi keçek xweşik, duserî, nermik û germik re bizewice, bila serî li Lotikxanê xe. Em qelen ji we naxwazin qerdeşim. Tenê keça me bextewar bikin, dilê wê nehêlin, şertên wê bi cîh bînin û hûn li hev pîroz û bimbarek bin.

Ê de haydê, werin zewaca belaşşşşşşşş.....

Bernedin, we berda jî bi dû mekevin

Şemal Amedî- 03/11/08- New York- Trimbêl bûne parçeyek ji jiyana mirovan. Lê trimbêlên ku difirin jî her wek xewn û xeyalekê ji mirovan re bûye hisret. Lê şikir ji xwedê re, va ev hisret jî ji holê radibe û wê xelk êdî bêtirs bi trimbêlê bifirin.

ŞÎrketa Amerîkî Moller Înternatîonal dixwaze Ferrarîya bi 400 hezar dolarî bifirînin û bi sê telaqan sûnd dixwin ku ewê hisreta firandina trimbêlan ji dilê xelkê derxin. Trimbêla ku hêza wê 800 bergîl e, wê li erdê 120 û li ezmên jî 240 kîlometro xurt here. Tê gotin ku wê buhayê vê trimbêla firoke bi milyonek dolar be û ewê bi sîstema sotemenî û ceryanê bixebite.

Îcar vê fersendê nerevînin gelî Kurdino. Têkevin dora tenûrê û ji xwe re firokeya erd û ezmên bikirin. Bi ellawekîl hûnê ji dora kirîna bilêtên tiyarê, ji rabûn û ketina tiyarê xelas bibin. Hema li trimbêla xwe siwarên, taştêya xwe li Hewlêrê bi serok Barzanî re, firavînê li Silêmanîyê bi Mam Celal re, û şîva xwe jî li ezmanê heftan bixwin.

Jin ji bêhnê, mêr ji çav û burhan hez dikin

Şemal Amedî- 09/10/08-Hollywood- Li gora rapora Komela Psîkolojîya Amerîkayê, jin ji bêhna zilaman û zilam jî ji çav û burhên jinan hez dikin. Rapor diyar dike ku awirên çavê jinan û burhên bilind û rakirî bala zilaman dikşînin û agir bi doxîna wan dixin. Herweha jin jî ji bêhna zilaman hez dikin û gava bêhna çermê zilaman dikin, dibin wek çêleka nav garanê û didin lotikan.

Li ser bextê Prof. Rachel Hery be, piştî lêkolîna ku li ser 231 jin û mêrî çêkiriye, dibêje: “Jin pir ji zilamê paqij û bêhna wan hez dikin. Gava bêhna zilêm dikin, dibin wek mirîşkên go garis di qirika wê de mabe û gêjo mêjo dibin” filan û fîstan.

Û di derbarê zilaman de jî dibê: “Bi elawekîl, gava zilam çav li jinên çavxweşik û burhbilind dikevin, dibin wek golkê nav garanê û wek gayê go mozik pê vede êrîşî derûdorê dikin” filan û dîsa fîstan.

Axir, de ka hûn jî biceribînin bê çi tê serê we yabo qurban….