Qirdê wê kor e

Şemal Amedî-26/10/07-Hollywood- Di her beşê jîyanê de xweşî û nexweşî, bedewî û kirhî (nebedewî-nexweşikî) heye. Gi insên de jî wilo ye. Hinek insan hene meriv ji nerîn û temaşekirina wan têr nabe. Hinek insan hene wek bûkên lastîkî xweşik û bedew in, lê ne xwînşîrîn û ne balkêşer in. Lê hinek insan jî hene ne xweşik in, ne bedew in, lê xwînşîrîn in, germ in û bala meriv dikşînin ser xwe.

Werhasil, di jîyana paparazzî û lotikvanîyê de tim jinên bedew û spehî derdikevin pêş. Lê vê carê kovara Maxîm berevajî kir û jinên herî nexweşik hilbijart. Di serî de topa naletê li porkura Sarah Jessîca Parker ket. Xwendevanên kovara Maxîmê Jessîca Parker wek jina herî nexweşik hilbijart û lotikek bêîman li rebenê xistin.

Werhasil, me bi telefonê xwe gihand Jessîca xanim û me jê pirsî:”Keçê nemayê, ev çima tu kirhî? Keçê birastî jî tu nayê xwarin haaa, wîî! Ne derman eyba te vedişêrin û ne cil û berg, ev çi mesele ye keçko?’”  Wê jî hilorîkên xwe barandin û kelegirî bersiva me da:”Wey li min kezîkurê, wey li min bextreşê! Keçê ma ne hemi sûncê bavê min bû. Tu nabê bavê min şeva go dêya min dabû ber lotik û pehînan, serxweş bû. Îcar bi wê serxweşbûna xwe nîşan li malzaroka dêya min girtibû û bi tofelaqî fîşeka xwe berda bû. Êêêêê, ji wê fîşeka tofelaqî jî ez çêbûm. Wey Xwedê ji bavê min re nehêle rebbî! Ma ne go hema wê şevê serxweş bibûya, wey liminnnnnnn!” û telefon girt.