Lotikxane    

           <<  Magazîn, henek, gilî û gazin  >>

Şîretên Lotikxanê têxin serê xwe û bibin wek ta û derzîyê

Dr.Mengene- 29/03/08-Lotikxane- Qelewî û kîloyên zêde li serê insên bûye bele. Her ku diçe qelewî zêdetir dibe û xwarinên bi hormon tirrê ji insên berdidin.

   Werhasil, berî bi mehekê xwendevana me Xibşê serî li me xistibû û ji ber qelewbûna xwe ketibû bûhrana xwekujtinê.

   Me jî rabû bi metod û awayên textorên Kurmancî hinek şîret lê kirin û xuyaye şîretên me ketine serê wê ku di nava mehekê de ji 130 kîloyî daketiye 85 kîloyî.

Şîret û pêşniyazên me ev in:

1-) Taştê:  Beroşek şorba nîskê, bi 5 serî pîvaz vixwin

2-) Firavîn: Beroşek savara bi rûn (bi tewaş, bi dohn), kîlok tivir û 10 îsotên no (tûj) bixwin.

3-) Şîv: Kîlok fasûlîyên hişk, nîv kîlo nokên kelandî bixwin û bi ser de galonek ava lîmonê (tirşok) û satilek devê tirş vexwin.

4-) Paşîv: Berî razanê xwe di salona malê de bigindirînin, bazdin, bidin lotika û xwe li erdê xin.

Îcar adinî rojê çi tê serê we hûn meraq dikin?

Şorba nîskê, fasûlî, nok, savar, tivir û dew zik li meriv dikin meşk û meriv dibe wek nepoxa ku bi gazê difire. Gaz, tirr û fis di zikê meriv de şerê serokayetîyê dikin, pev diçinin û zorê didin wan kîloyên zêde. Îcar îsota tûj jî ji xwe tewaşê bedenê dihilîne û agir pê dixe.

Îcar hesab li cem we. Şorba nîskê, fasûlî, nokên kelandî, savar, dew û îsota tûj! Yanî, dibe atom û qelewbûnê parçe parçe dike, meriv dike wek ta û derzîyê.

Haaaaaa, heger gundî û cîranên we ji ber bêhna tirr û fisên we bi jehrî bikevin û agir bi xênî keve ew ne sûcê me ye heyran! Hûn kefîlê tirr û fisên xwe ne û hûn sax!