Jordan xanim „Toba Îmamê Çaroxî“ kir

Rozê-22/11/07-London- Katîe Prîce, yan jî bi navê ku zêdetir tê naskirin Jordan, wek „jina skandal û sosretan“ tê naskirin. Xanimê tiştekî di dilê xwe nahêle û kes nizane bê heta niha ewê çend lotik li xwe û li xelkê xistine.

Hinek dibêjin „Hejmara  zilamên ku di ser re derbasbûne bê hed û hesab in“. Hinek dibêjin „ Na canim, pir pir 300, 400, 500 lotik xwarine“. Hinek jî dibêjin „Em bi herdu memikên wê yên wek şebeşên Diyarbekrê kin, bûye çarox. Trên, keştî û firoke jî têre dişemitin“ filan û fîstan. 

Werhasil, li ser van gotin û paşgotinên xelkê, me jî rabû xwe gihand Jordan xanimê û doza devjêberdana lotik, zîtirk û pehînan lê kir û gotê:“Êdî bes e! Te em hetikandin, tiştê te xwar, vexwar û kir xwe bela ji te re bin, lê ji vir û pêde em qebûl nakin. Heger tu bi vî awayî dewam biki, emê derîyên Lotikxanê li te bigrin“ û şûjinek tê rakir.

Wê jî rabû bi Incîl, Tewrat, Zebûr û Mishefa Lotikxanê sûnd xwar û got:“Tobeee! Ji vir û pêde ezê jî wek zîtirkvanên Tirk serê xwe bipêçim û berê xwe bidim Umrê, Mek û Medînê. Heger car caran ez çend lotikan ji vir û wir de li xwe xim jî, çavên xwe bigrin û xwe li xeşîmîyî deynin“.

Ez serê we neêşînim, me lotik û zîtirk li Jordan xanim dan betalkirin û lê heram kir. Lê dîsa jî insan e. Insên şîrê xav vexwariye. Ne dîn pêre maye û ne îman. Te nerî Jordankê jî toba xwe xerakir û dîsa dest bi ajotina cot kir, ma kî zane,wîî!