Dengê def û zirnê ji Şîna Şêx Maşûq kêm bû!

Kanîwar Efrînî-09/06/07-Efrîn-Di roja 1-6.2007 ez li Qamişlo bûm mêhvan. Hevalê min go de rabe em herin mezelê Qidûrbeg ser şîna Şêx Meşûq Al Xeznewî.

Ez jî çûm. Min dît ku weke 10,000 Kurd jî rawistiyane, min jî li qorzîkekê ji xwe re cihek dît..Min dît ala Kurdistan û çend paçik bi navê Yekîtiya Hevbeşa Kurd li Sûrî ( 3 Parti di nav dene) daliqandî bûn. Lê paşê mamoste Ibrahim Alyosif cend lotik avêtin. Piştre yek rabû bi navê partiya xwe deng da, ew di nav komîta hevbeş de bû. Hema yabo min dît yekî din da Lotika û wî jî kaxezek ji bêrika xwe kişand û gotinin qers û wesfê xwe da. Min dî yekî din jî ji wê komîtê rabû çend gotinên xwe kirin ( erê bavê min ma kî ji kê çêtire ha?) Qaşo bi navê komîtekê paçik daleqandine lê 3 kes radibin dîsa li ser navê partiya xwe dikin zirt û virt û dixwazin navê xwe derxin.

Welhasil, gotin li dû gotina, yek bi navê partiya xwe, yek bi navê koma dîlanê, yek bi navê koma şano ya Kurdi, ûûûûû yahoo xelas nebûn .

Welhasil, kes nema ku gotinên xwe nedan. Lê ji nişka ve min dî yek (qerasak) rabû û kaxezek ji bêrîka xwe kişand, rahişt mîcrofonê û gotinên xwe bi navê (Kesên ji kar hatine avêtin û ji bêkarî çûne dereke din) gotin. Lawend Hassin - Yahoooo ez şaşo maşo bûm! Ev ne partî ye, ne koma dîlanê û şano ye, ev çiye????

Wileh ez aciz bûm. Min go ana Şêx dengê vi bike wê bi sola nigê xwe li nav serê wî yê zelût xwe, .kenê min dihat. Hevalê min go „Kanîwar ev ci ken e kuro???“  Min bi çavên bi hêsir lê vegerand, min go:“ Yahooo ma ev jî şînîye kuro? Kurd mane go ana li ber dengê zirnakê rabin dîlanê. Wileh vî serzelûtî ez dîno mîno kirim HHHHHHHHHHH!“ Bi telaq, min jî dixwest wek peyamnêrê Lotikxanê rabim bi navê Lotikxanê çend gotinan bêjim, lê ji ber şîna şehîd min fedî kir allahwekîl!