Malperek bê sansûr e

Malperek bê sansûr e, hay ji xwe hebin!

info@lotikxane.com

Dema yekî ji van terorîstên lotikvan yê Bexdayê xwe pêça di nav bombeyan û bizmaran de, berê xwe da nava bajêr û xwe teqand di nav komek sîvilên belengaz de û rihê wî derket jor. Yekser berê xwe da derîyê buhuşta tije Horîyên şilfîadem û her nêzîktir dibû kefa bi devê wî ve pirtir dibû.Hîna bi rê de bû lotikek li kiras û terpîyê xwe xistibû û dema nêzîk bû dît ku bi sedhezaran milet ketine sirek dirêj û bê dawî de û çawa xelk hevdû didehfînin û bê çi qîyamet rabûye li ber derîyê cinetê. Di dilê xwe de got: “evana sofî mofîyê qûnbigûne, ma îşê min ji wan tûneye, yê min ez Şehîdim û Xwedê qedrê min zane “ û da xwe û xwest ku di ser wan kesan re derbas bibe. Mêrik xwe nedît û hema tif û şaşik bi ser de hatin ji hemû alîyan de û di navre siqêfin bê îman jêre hatin û yekî jê pirsî: “ hey bênamus layê bênamûsa tu bi kude diçe hêşş ”, xwezîya şehîdê reben di ber de ma û lê vegerand û got: hey layê qehpê ma tu nizanî ku min xwe li Bexdayê daye teqandin û bêtirî 50 kesî min kuştîye tu çi dibêjeş ez şehîdim şehîd…. hey min di rîye de mîsto...... . Bû tîqtîqa mêrik û yên li dora wî û çend tilî avêtin namûsa wî û yekî jêre got: yaho qey tu ji ber xwe şerm nake, kuro hîna sir negihaye şehîdê şerê Uhud û Bedir û tu hatiye xwe di ber me re radike.......vegere û tekeve sira xwe ji te re çêtire berî em ban Bîlalê hebeşî bikin ha....!!!.

Carekê Nanekî bi kuncî riya xwe şaş kiribû û di sînorê Somal re derketibû, hêdî hêdî ji xwe re dimeşiya heta ku gihişt bajarekî kerimî ku xelkên wê pala xwe dane dîwaran û di rûyê wan de birçîbûn hatiye kolan û ji ziîfbûnê feqîra nedikarîn li ser lingê xwe bisekinin. Dilê Nan şikest dema ev dîmena tracîdî dît. Lê dema çavê wan kesan li Nan ket hema toz ji erd û ezmana rabû û berê xwe dan pepûkê Nan. Nan jî nig avêtin ser piya û heta jê hat bazda û da lotika ta ku xwe rizgar bike ji nav lepê van reşmirovan. Di nav wê qerebalixê de û wê bazdanê de çavê Nan li Goştekî ket ku ji xwe re hêdî hêdî dimeşe û dinere bê çi qiyamet rabûye, lê mûk ji serê wî neleqiya. Nan dema nêzîkî wî bû jêre got:hey layê qehpê, ma qey tu nabîne bê çawa bera dû min didin û dixwazin min bilehfirînin???, Goşt lê vegerand û got: here bênamûs, mane min nasnakin............nûçegihanê me li Darfûr ragihand ku wî bi çavê xwe dît bê çawa Nanek û dora 200 hezar kes sînor derbas kirin û berê xwe dan Xertûma paytext........mixabin me şopa wan windakir û hêviya me ji we ye ku hûn me agahdar bikin dema kerwanê wan nêzîkî we bibe........Nano te çi kir??????

Kezebperitiyo-15/11/06- Na heyran na vê carê fîşeka şêfrêdaktorê Lotikxane.com vala çû û mafên herdû nivîskarên hêja tev li hestiya jî xwar, welleh min ev hêvî û ev lotik ji te nedikirin hey malpêra delal. Yella kes tune nakeve şaşîya de û diyare ku hemû informasyon negihiştibûn Lotikxane.com li ser vê bûyera mezin û ji bo wilo jî ez dixwazim vê pirsê zelal bikim li ber xwendevanên lotikheyran.

Ezbenî dunya pêşdikeve û şêweyên fêrbûna zimanan jî pêre pêşdikevin. Heta demeke nêzîk divabû ku mirov çend mehekî here kûrsa û dibistana zimanan ta ku hinekî fêrî zimanên biyanî bibe.

Îro metodên perdewerdekirinê î nûjen derketine ji bo fêrbûna zimanan, mane ziman zimane û ziman jî goşte û teorîya nû dibêje dema tu zimanê keçkê xweşik û lihevhatî balêse û bimije tê zûbizû jî zimanê te bigere bi zimanê wan \ji bo alastin û mijandinê hûn dikarin informasyona bixwazin ji bavê Nazê li ser vê emailê: mijandinadurust@zimanlekolin.com

Îca ji bo Xwedê çi pêveye dema mamoste E. Huseynî dixwaze çend helbestan bi zimanê rûsî jî binivisîne, hê?? û ya didwa çi pêve ye ku seksîdolê me \Nêrî\ xwe şilfîadam bike jî ji bo ku wênê wî balkêş û xweşik derkeve?? qey Tom Cruise jê çêtire??. Gelekan dilxerabî kirin ku nêta mamosteyan xerabe, lê bawerbin ku mesele mesela zimane ne zêde, îca reca min ji we ye şaş tênegihêjin haaa.

Welleh hevalê Ehmed te vê carê ez acizkirim û ez bawerim ku gelek dost û heval wê dilê xwe ji Te bigirin. Hema çilo be em jî dost û hevalê tene, û gerek te em jî bi xwe re biribana Moskoya paytext da ku me jî kurmê xwe bişkenanda. Piştî me wênê wan keçkê nigdirêj dîtin em nikarin li rûyê jinê xwe binerin û kef bi devê me dikeve. Îca reca min ji te ye cara bê me ji bîr neke û dilê me ji xwe nehêle, temam qurban???.

Kerê ku ji ber xwe fedî dikin rojê carekê ducara dizirin û bêhna xwe hinekî derdixin û ku bi dest wan dikeve xwe carekê jî vedigevêzînin û tozê bi ser xwe dixin. Lê mixabin kerê mala Muxtêr ne wek hevalê xwe bû û her bîskekê zirînîk ne mesele ji xwe derdixist, nemaze dema Melê gund ban dida zirandin lê bêtir xweş dihat. Gundî neçar man li ber vî kerê zirtikî ku xew ji çavê Gundiyan revandibû û nedihişt ku kêlîkekê tenê jî tehmekê ji jiyana xwe bikin. Rojekê Gundîkî bi navê Xezebo ku xwe di bin dara zeytûna de rada bû, di nav şaxê darê re li ezmana dineriya, di derd û kulê jiyana xwe de difikirî û tanî ber çavê ku bûye zave û ku dotmama wî kilîlek sipî li xwe kiriye û destê wî di nav destê xwe de dugvêşe. Çavê wî sistbibûn û girêz bi devê wî ketibû, lê mixabin xewna wî neçû serî ji ber vî Kerê segbav û bi zirînîk xurt werîsê xewna wî birand û hişt ku feqîro çeng bibe û li qûn rûnê. Çavê wî sor bûn û di ber xwede got: Ya ez û ya ev Ker! Divê ku ez çarakê jêre bibînim.

Rabû berê xwe da mal û rahişt şûşê rûnê zeytûna û yekser çû bi alî Kerê zir-bêj.

Destê xwe tije rûn kir û hêdîhêdî di qula namûsa Kerê de dida û rûn didehfan hundure wî ta ku şûşê xwe têde valakir.Kerê reben nedizanî ku çi li pêşiya wî ye û dema da xwe ku bizire nedikarî ku hêza xwe bide hev ta ku zirîniyê ji xwe derxe, çimkî rûn qûn lê sistkiribû û zirîniya wî dawî lê bû virqînî û bi vî hawî xezebo heyfa xwe û Gundiyan ji Kerê bêbext re hilanî. Navê Kerê zironek ji wê rojê de bû Kerê virqonek û virq û hey virqqqqqq heta îro.