Daxuyanîya Kongreya            Bîstem ya KOMKARê

Kongreya Bîstem ya KOMKARê piştî gengeşîyek bi rêk û pêk li ser rewşa dawî ya Kurdistanê û li ser kar û xebatên xwe biryara Daxuyanîyek çapemenîyê girt.

Di roja 27.10.2007 de Komkarê civîna nûnerên xwe yên giştî pêk anî. Kongreya Komkarê xebatên xwe yên civakî, kulturî, folklorî û yên siyasî  nikaş kir û xebata xwe ya du salan  nirxand.

Kongreya me, ji bilî pezindana xebatên xwe yê hêja, li ser kêmasîyên xwe jî sekinî û di xebatên duwaroj ji bo çareserkirina kêmasîyan, ji nûnerên hêja pêşnîyarên cuda wergirt.

Kongreya me, bi giştî li ser rewşa Kurdistanê û bi taybetî jî li ser erîş û gefên dewleta Tirkîyê dijî Kurdistana Başûr sekinî. Wek tê zanîn Dewleta Tirkîyê ev demeke dirêje ku ji bo erîşê Kurdistana Başûr bike, bi provakasyonên cuda di hewildanên pêkanîna erîşkirinê de bû.

Hukumeta AKP yê Piştî van hewildanan bi zexta ertêşa Tirkiyê, di meclîsa xwe de bi behanekirina hebûna PKKê li Başûrê Kudistanê û şerê dijî wî, ji bo ertêşa xwe  vîzeya (tezkereya) tedaxulîya eskerî bo Kurdistana Başûr bike derxist. Li gor agahdarîyên ku di çapemenîyê de belav bûne, ertêşa Tirkîyê gund û çiyayên Kurdistanê ji nuha ve daye ber topan.

Di van rojên dawî de bi taybetî piştî tezkereyê, hemû partîyên siyasî yên Tirk, hemû dezgehên wan yên sivil, komeleyên wan yên faşîst û nijatperest, çapemenîyên Tirk, ketine nav propagandayekî şoven, nijatperest û dijî Kurd. Ku ev yeka jî zemîna şerê Kurd û Tirk çê dike. Ji nuha ve gelek rûniştîvanên Kurd li metropolên Tirkîyê bûne hedefa faşîstên Tirk. Ev jî birînên heye hîn kûrtir dike, di şûna çareserîyê de nakokîyan hîn mezintir dike. Divê yekê de ne tenê Kurd, gelê Tirk jî zerarekî mezin dibîne.

Kongreya me vê yekê gelek bi ciddî nirxan û li hember erîş û gefên şovenîst, bangê hemû demokrat û aşîtîxwazên Tirk û Kurd dike ku li hember van erîşana, bi evayekî xurt dengê xwe bilind bikin.

Kongreya me bangê PKK jî dike ku bi kirin û çalakîyên xwe zemîna erîşkarîyê ji dewleta Tirk re çê neke, xesasîyeta rewşa heremê li ber çavan bigre û Hukumeta Herema Kurdistanê nexe nav tengasîyê.

Kongreyê carek din erîşên faşîst û şovenîst ya Tirkîyê, li ser Kurdan mehkum dike. Û biryar girt ku li seranserê Ewrûpayê bo teşîrkirina erîşkarîya dewleta Tirkîyê, di zemînên demokratîk de bi civîn, konferans, bi xebatên lobîyê û bi meş û mitîngan, xebatên xwe geştir bike.

Kongreyê her usa piştgirîya xwe bo tevgêra azadîxwza Kurdistanê û bi taybet bo Hukumeta Federal ya Kurdistana başûr dupat kir.

Başûr, Bakûr, Rojhilat, Kurdistan yek welat

Bijî Azadîya Kurdistan

Bijî KOMKAR