Xwarinek ji bakurê Kurdistanê

Xançepeklî Mihê

Tê gotin ku bi taybetî  „Li cem mêran rêya aqil di madê re (aşik) derbas dibe“ Mimkune wê ev tarîf alikarîya wan kesan bike.

 Malzeme pir e, ji bo ku tama xwarinê nereve gerek  her tişt li gor pîvanê linavhevkeve.

MALZEME

1 Welatekî dewlemend û dagirkirî.- bakure Kurdistanê

15-20 milyon Kurd- li gorî hûrgoştê xwe hûn karin bikin 25 jî.

Serîkî mezin ji Kurdên Yalçin Kûçik.

3 Serî Kurdên mirîd.

2 Serî Kurdên bê îstîqamet.

4 Serî fesadî û rîwayet

5 Serî partiyên Kurdî yên helîim. ( Bi edep,giran û stuxwar.)

Nîv serî rewşenbîrên aqlê selîm..

Serîyek partîya Kurdî ya îslamî

Tasek navîncî ji malperên Kurdî yên internetê

6 Serî kanalên televizyonên netewî, lê ziman bi  Kurdî, Farisî û Erebî

2 Serî kanalên nîv Kurd nîv Tirk, yên bi baharata Kurdî

1 Qutî Kurdên êzidî

25 kîlo tehlîlên siyasî

1 Kanalek radîoya Emerîkî

3 Serî mutahît û  tucarê menfeatperest ku têkiliyên wan bi başûr re gelek başin.

3 Meşreb gendelîya kelandî

2 Meşreb burokratên berîlxwir

2 û nîv serî bûrjûvaziyên netewî- dewlemendên me yên nû.

250 gr edalet,

Hinek sîya minarê û tozek ji toza daholê

Kevçîyek çaya kontrola gelêrî.

Û cemawerek ku hindik dixwîne,dirûşmên siyasi gelek xweş li bîra xwe digre, pir dipeyive û  kanalên hunermendên bê huner seyr dike.

Gava  xemgîn jî dibe Îbrahim tatlises guhdari dîke.

De afîyet û noşîcan be rebbî! Ji vê xwarina nûjen têr bixwin û têr vexwin!

 SALATE

1 Serî (hûn bi kêfa xwe ne ) Kurdên ku  li kolanên Ewrûpa li teneka /bibexşin daholê dixin,  govendê digrin û dibên  “Him û him ya Şêxê min”

Piçikek Kurdên Galatasarayî

2 Serî Kurdên ku ji partiyên xwe ra dibên ``Cemeat``

4 Sindoq çepikçî

Tozek Kurdên globalîst

Çend serîye biçuk ji Kurdên sosyalîst

Serîyek pîvaz

2 Îsotên Semsûrê

Nîv qedeh zeyta Efrînê

Başê wê kî vê xwarin û zeleta nûjen çêke ? Ka ew mêrxas? Yan jî koma mêrxasên  ku karibin milên  xwe hildin û dest pê bikin?

Ji ber ku “xwarinpêjên” bakur bi teorîyên komplo meşxûlin, ji me re xwarinpêjêkî din gereke.

Pêşniyarîyek hêsan û zelal: Ya em ji dewleta  Kurdistanê rica bikin,  xwarinpêjekî bi deynê xwe bide me yan em xwarinpêjên xwe pev biguherînin. 

Eger ne wa be, bi navê yezdan tu xwarin bi devê me neket û hûn sax!.

20/03/07-Xançepek-Amed-