Dijminatîyek ne di cîh de li ser malbata Yilmaz Erdogan (Mikremîn)

Xalidê Colemêrgî-08/11/07-Colemêrg-

Van heyaman di hemi malperên Kurdan û Roj tv de zehf  heqaret li Erdoxanîyan hatin kirin. Qaşo sedem jî ew bû ku Yilmaz sedhezar lîre arîkarî daye artêşa Tirkan. Lê berî ku mirov malbatekê rûreş bike,  hewceye mirov di derheqa wê malbatê de hinek tiştan bizane. Ezê çend tiştên  ku ez dizanim jibo xwedevanên Lotkxanê, pêşkêş bikim.

1-      Namik Erdoxan: Li Wezareta tendûristîyê Muşteşar bû. Ji ber ku Kurdperwer û şoreşger bû ji alîyê dewleta kûr de hat kujtin .

2-     Yilmaz Erdoxan: Herçend li Enqerê xwendibe, berhemên wî bi Tirkî bin jî, çu wextan Kurdînîya xwe înkar nekiriye. Demên kesê nikarîbû bibêje ez Kurdim, derket televizyonê got: Ez Kurdim ,navê keça min jî Befrî ne; (herçend ne dengbêje jî) bi Hulya Avşar ê re kilamên Kurdî gotin . Gellek arîkarîya wî jî gihiştiye hejaran. Li Culemêrgê tendurustxanek jî ji kîsê xwe û brayê xwe Mistefa ava kiriye  

3-     Adil Erdoxan : Dema min dibistana destpêkê dixwend ew midûr û serokê mamostan bû. Wê demê ji alîyê dewleta Tirko ve, yasayek derket û li gor wê yasayê heçî kesê  dîploma dibistana ewil (îlk okul )  tuneba nikarîbû di dezgehên dewletê de bixebitîya. Adil Erdoxan bi kêmanî hezar dîploma daye kesên xwendin û nivîsandina wan nîne.  Îro dewletserê Adil xoce, bi deh hezaran Culemêrgî nanê xwe dixwun. Kurekî wî li çîya di gerîlatîyê de birîndar bû , bi dilketîya xwe re revîya û niha jî jiyana xwe bi kêmendamî ( seqetî ) didomîne.  Ez careke dîn vegerime ser babetê.  Dema li çîyayê Cudî diwanzde leşkerên Tirko hatin kuştin , televîzyonan zarokên wan ên rût û pêxwas nîşan dan, cergê miov jibo wan disot. Tirko kurên baban dişîne kujtinê û li zarowên wan jî xwedî dernakeve.. Jiber hindê jî kanalek televîsîonê  jibo van yêtîman alîkarî kom kir. Yilmaz jî sedhezar lîre da. Lê ku artêşê dît madarek mezin pare kombûne,  serekerkanê wê Buyukanit got: Divê ew pare bên ser qontoya mehmetçik. Ma karîbûn nedin? Em bêjîn Yilmaz bi zanatî pare dan , ma karîbû nedaba! ? Her Kurdek dizane çavên hemi nijadparêzên Tirko li ser çend kesên popûlerên Kurd e û li wan bi hacet in. Ma tiştê hatî serê Ehmet Kaya me çi zû ji bîr kir!?  Ma Ehmet popîlerên Kurdan bi sitrana xwe ya “ Ben ettîm sîz etmeyîn allah aşkina” ( min kir hûn nekin  jibo xatirê xwedê  ) şîyar nekirin!

 Roj tv ê sê rojan di derheqa vê malbatê de çi hate ser devê wan gotin, bêbextî û direwên bêmirês li wan kirin. “ Lê, çi ba etar hebe wê difiroşe û diqîre”. Başe Roj tv çi digot :

1-      Malbata  Erdoxanan Culemêrg ê, meşa li hemberê Pkkê amade kirine.

2-     Yilmaz Erdoxan  û Muhsîn Qizilkaya hewalên dewletê ne.

3-     Malbata wan malbatek dijminê Kurd in û hwd.

 Başe Roj tv boçi ev gotinên ne di cih de li vê malbatê kirin?

1 – Herwekî min li jor jî got, kurekî wan di nav Pkk ê debû û ji wan veqetîya.

2-  Çend caran xwestin peran ji Yimaz bistînin û pêre rûnên ( ji ber ko Yilmaz wan baş nasdike ) qebûl nekir.

Meşa Culemêrgê û malbata Erdoxanan: Berî her tiştî ji malbata Erdoxanan tinê Adil xoce maye, temenê wî jî heftê û pênç salan zêdetire. Ne eşîra wî heye, ne jî qurucî ye. Herkes jî dizane meş dewletê çêkiribû,  bi zorê zaroyên  mekteban, parek ji qorucîyan û memûr mecbûr kiribûn ku bicin meşê. Derdê Apoyîyan û Roj tv kifş e, birîna wan a heyî dixure û dibên : Dem ev dem e, ji me re hilketîye.  Emê hinek” rîxê bavêjin dîwarê spî ,heke girt va girt heke negirt, dê dews (şop ) a wê bimîne” .

Lê rastî ez  di têgehiştinê de zehmetîyê dikêşim bo çi malperê me yên din  neheqîyê li vê malbatê dikin  û wek nezanan tevdigerin!?