Nasrat Hacî

Wezareta werziş û lawan pirekê di navbera lawên Kurdistanê û yên derve de dirust dike.

Havîn ji bo civaka akademîk werzekê taybete. Bihênvedaneke piştî kar û çalakiyên sala derbaz boyî û herwesa xweamadakirine  bo xebatên sala bihêt. Werin em bihênvedan û xweamadekirina havîna sala 2007 ê ji bo demê çar hefteyan ji meha  xizîra- tîrmeh ê li Kurdistanê bi hev re derbas bikin. Eve derfeteke zêrîn e jibona lihevguhertina serbor û tecrubeyan di navbera lawên Kurdistanê û yên derve de.

Wezareta werziş û lawan kampeka (xîvetgeh) havînê, bo xwêndekarên universite û fêrgeha bala, li Kurdistanê amade dike. Bi siruştê ciwan û dilvekerê  Kurdistanê û kultura wê ya zengîn aşna bin. Mêhvanên dastana dêrîn ya sedahan sala bin.

Ev kampe ji bo xwêndkarên jiyê wan 18-30 salî e, yên ku di zanko û xwendina bala de di diwarê werziş, zimanê îngilîzî, kompiyter(IT), huner, sitrangotin, musik, civaknasî, ekonomî, media, siyaset û pîşeyên din de dixwînin. Bernameyê karî yê çir û tejî ji kampê re hatiye amadekirin û piranîya bernamey jî ji pêxemetî yektir niyasîn û lihevguhertina serbor û tecrube hatiye terxan kirin.

Ev kampe dê lawên xwedî şiyan, qabiliyet ( kapasite) û pirhêvî di civînên sudbexiş de bigehîne hev. Û iha livir xwendekarên kurd yên derve û navxwe dikarin dahênan û afrandinên mezin û hêja bikin ku bibine hêz û piştevanî ji bo çareserkirina gelek probleman mîna bêhîvtyê û neselmandina dewruberan.

Merema wezaretê ji vî pirojey ewe ku delîve û îmkanan ji bo tecrubeka sengîn û pir tam ji bo hemû beşarbuyan birexsîne. Û van xalên xarê ser milên xwe digire:

1-     Dariştina pêşniyarên bernamê karî

2-     Dabinkirina jingeheke aram û asude ji bo xwendekaram

3-     Wezaret xwarin, vexwarin û cîyê razanê di dema kampê de dabîn dike, lê xerciya sefera Kurdistanê li ser xendekaran e û wezaret li ser xwe nagire.

4-     Di dema kampê de wezaret dê alîkariya xwendekarên her du aliyan bike ji bo pirojên bicûk yên hevbeş û pir alî amade bikin.

Beşek ji bernamê karê me ji bo şiyanên jinan e, ev jî her jibona ku balans, terazûya herdu zayendan yeksan bê ragirtin. Wezaret jinan teşwîq dike ku di pirojeyê de beşdar bibin.

Ji bo ku xerciyê serdana Kurdistanê nebe barek giran li ser milên xwendekarn û jibona direng nemînin, gelek başe her ji niha ve ew daxaza alîkariyên madî ji aliyên cihê yên navnetewî bikin. Wezaret vî erkî liser milên xwe nagire.

Roja dawiyê jo bo danana peywendiyan û navnivîsînê  3-4-2007 e

Adresê têkeliyan : contact@mosy-krg.org

Wezareta spor û ciwanan

Amadekar

Nasrat Hacî

   Festîvala xelata werzîş û lawan

       Nasrat Hacî (Berpirsê Peywendîyên Kurdistanîyekan li KRG) 05/12/06-

Wezareta werziş û lawan festivalek a werzişê jibo xelatkirina baştirîn karê werzişê yê salê radigehîne.

Cara yekê ye ku dê festîvaleke werzişê û pêşkeşkirina xelatekê salane, bi amadebûna serkirdayetiya hikumeta herêma Kurdistanê, saz bibe. Ev yeke jî bi merema;

1-     Handan, pêşxistin û pirrengî kirina werzişê û beşdarîkirina hemû hawelatîyekê Kurdistanê di warê werzişê de.

2-     Zêdetir werziş di nav Kurdistanê de bilav bibe.

3-     Rêzlêêgirtin û sipasî kirina hemû yarîzan, navbijîwan, rahêner, mamoste û rêveberên werzişê ji herdu zayendan, yên ku navê Kurdistanê di warê werzişê de bilind dikin.

4-     Rêzlêgirtina wan rêveberên ku di dibistanan de giringiyê bi dersên werzişê didin.

5-     Rêzlêgirtina wan mamosteyan yên ku afrandinê di qada werzişê de dikin.

6-     Rêzlêgirtin û nasandina wam kanalên mediyayê yên ku kulturê werzişê bi başî diweşînin û giringiyê pê didin.

7-     Rêzlêgirtina wan rêxistinên werzişê yên xêrwaz ku geşepêdana werzişê li herêma Kurdistanê girtiye ser milên xwe.

8-      Rêzlêgirtina wan dixtorên ku bi merema giringîdan bi werzişê beşekê mezin ji nexweşiyan çareser dibin û peywendiya di navbera werziş û û saxlemiyê de bi başî ji hawelatiyan re eşkere dikin.

9-     Ji ber hindê em vê daxuyanîyê zû diweşînin ji bo ku hemû alî her ji niha ve xwe amade bikin û wext jê re hebe ji bo vê rûdana giringa werzişê ya herêma Kurdistanê pilanê baş ji xwe re danin.

10- Bê şik dem û cihê fistîvalê û danan Juri û pirsên din yên teknîkê, piştî rawêjkirinê bi aliyên din yên peywendîda r re, dê werin ragehandin.

Xelatê sala 2007 ê di van waran de tê pêşkeş kirin;

1-     baştirîn yarîzana jin ya werzişê

2-     baştirîn yarîzanê zelam yê werzişê

3-     baştirîn werzişvanê kemendam

4-     baştirîn werzişvanê taze yê wê salê

5-     baştirîn navbijîwanê wewrzişê

6-     baştirîn rahênerê werzişê

7-     baştirîn  rêveberê dibstanên werzişê

8-     baştirîn mamostayê werzişê

9-     baştirîn dixtorê werzişê

10- baştirîn dibistana werzişê

11-  baştirîn xwêndkarê kolîja werzişê

12- Baêtirîn bajêr, bajêrk gundê werzişê yê salê

13- baştirîn parêzgeka werzişê

14- baştirîn kluba(yana) werzişê

15- baştirîn komeleya werzişê

Çend têbîniyên giring:

-         vê fistîvalê dê malperê xwe yê teybet hebe. Lê ta dema ew malper dikeva kar, bi vî e-mail peywendiê bi mer e deynin: spotfestival2007@mosy-krg.org

-         kertê taybet her ji niha dikare rêklamên xwe ji bo malperê festîvalê u herwesa bo cihê dê festîval lê wer kirin binêre.

-         ew dahatiyê ji vê festîvalê bi dest dikeve, ji bo baştirkirina werzişê li deverên hejarnişîn û zarokên şêhîdan, anfalkiriyên Helebce, Barazan, deverên feyliyan, zarokên bê bav û dayîk û kemendam dê wer xeric kirin.