Sayin Ocalan îmana rewşenbîran teneke kir!

Sofî Xelef-22/06/07-Amed- Erêê erêêê....Li ser bextê Ajansa Nûçeyên Firat (ANF) be. Dibêjin Serokê KCK sayin A.Ocalan vê carê tiştên xweş gotine û hema bêjin dilê gellekan ji me xweş û geş kir. Dibêjin Oclan di hevdîtina parêzerên xwe de (20/06/07) piştgiriya Serokê Şaredarê Sûrê Abdullah Demîrbaş kiriye û xwedî li paraztina zimanê Kurmancî derketiye. Gotiye:”Kesê ku nikaribe li zimanê xwe xwedî derkeve, nikare li tu tiştekî xwedî derkeve, nikare li mirovahîya xwe jî xwedî derkeve” filan û bêvan. Wekî din çend lotikên xweş li ”Şildim-Bildimcîyan” xistiye û gotiye:” Herin di malên xwe de pêncî enstîtu û meclîsên ziman ava bikin û xebatên xwe bidomînin. Li kuçe û li parkan jî karin vî karî bikin” filan û bêvan. Wekî din Ocalan çend lotikên xweş li rewşenbîran jî xistiye û îmana wan teneke kiriye. Gotiye:

”Divê rewşenbîr li dij asîmîlasyon û otoasîmîlasyonê derkevin, ev erka wan e. Ziman bingeh û sereka civakbûnê ye. Amûra dan û stendina mirovan, civakan û çandan e. Sedema hebûna mirovan e. Ji ber mirovbûna xwe, divê mirov li ziman û çanda xwe xwedî derkevin û pêşve bibin. Kesekî ku bi zimanê xwe nizanibe, pêşve nebe, nîvco dimîne, nikare bi kesekî/ê re têkiliyek rast û baş deyne û pêşve bibe. Xwedîderketina li zimanê xwe, wezîfeya herkesî ye. Kesê ku li ziman û çanda xwe xwedî dernekeve, ez wî/ê mîna mirov nabînim". Werhasil, bi telaqê bê fitû, vê carê sayin Ocalan tir ji rewşenbîran berdaye, îmana wan teneke kiriye û helwestek Kurdewarî danîye bavê min, wey! Kuro ma ji gotina rast xweştir tiştek heye? Na babaaaaaaa! Kuro bi namûsa mêrên berê, em di vê mijarê de ji sedî sed bi sayin Ocalan re ne û hûn sax!

Em jî dibêjin:”Kesê li ziman û çanda xwe xwedî dernekeve, em wî wek dehşik dibînin ellahwekîl, ewqas!!!!!

Lê xwezî ji mîrê keremê re sayin Ocalan ji Dûran Kalkan û kesên wek wî Tirkîparêz re bigota:STOPPPPPP! Ewî malxerabî partîyek qirase kir Tirk lawo, wey liminnnnnnnnn!