Lotikek ji PDK-Bakur

BANGA PDK-BAKUR/JI BO PİŞTGİRİYA ÇALAKİYÊN PROTESTOYÊ

Li dijî êrîşkarîya artêşa Tirk tev li hemi çalakîyên ku ala rengîn lê baweşe, bibe!

Îro roja xîretê ye, roja mil bi mil meşîna li dijî sîtemkarî û dagîrkerîyê ye, roja hevpişkî û yekrêzîyê ye!

Milîtarîst û nîjadperestên Tirk carek din bi ser mede bombeyan dibarînin, berê tanq û topên xwe dane axa pîroz, welatê şîrîn Kurdistanê.

Ne hewceye em gotinên zêde di derbarê niyeta van nîjadperestan de bêjin. Her tişt ronî û zelal e! Armanc têkdana doza azadîya gelê Kurd û têkdana pêvajoya dewletbûna Kurdistanê ye, pûçkirina destkeftîyên me li Kurdistana azad e! Leyiztik li ser Kerkûkê ye, lawazkirina hêz û rûmeta Kurdan li Iraqa federal e! Armanc dijminahîya federalîzmê ye, bi destxistina her cûre maf û azadîyên ji bo Kurdên li her erdekê ye!

Milletê Kurd divê li dijî vê dewleta êrîşkar û hêza zikreş defer be!

Tev li her çalakîya protestoya ku ala rengîn lê baweşe bibe, piştgirîya van kar û xebatan bike. Kîjan welatperwerê Kurd, kîjan rêxistin û hêza Kurdperwer li çi erdî van çalakîyan li dar bixe, bi hemi hêza xwe piştgirê wî karî be!

Ev  banga partîya me,

-         Daxwaz e ji her endam û dostên me,

-         Tika ye ji her welatperwerê Kurd,

-         Hêvîya piştgirîyê ye ji her kesê mirovperwer û demokrat!

Bêdengî xurtkirina nîjadperest û  milîtarîstên Tirk e!

Bêdeng nemîne, bila pêlên azadî û demokrasîyê bi serkeve!

PDK-BAKUR

27 Sibat 2008