Li Qoserê atolyeya şanoyê

Şanoger Aydin Orak li Qosera Mêrdînê bi lîstikvanê Şanoya Egîtîm-Sen a Qoserê re atolyeya şanoyê pêk anî. Di atolyeya ku sê rojan dom kir de lîstikvanî û pîvanê şanogerekî baş vegot.

Li avahiya Egîtîm-Sen a Qoserê ku gelekên ji wan lîstikvanê nû yê şanoya bûn, atolyeya şanoyê weke work-shop ji aliyê şanoger Aydin Orak ve hate dayîn. Atolye bi gelemperî li ser lîstikvaniyê bû, jê pê ve bi taybetî li ser jest, mîmîk û bi sekna li ser sehneyê berdewam kir. Atolyeya ku sê rojan berdewam kir, bi 15-20 lîstikvanan re rojê sê seatan dom kir. Şanogerê kurd Aydin Orak ku di çerçoveya turneya lîstika xwe ya bi navê “Rojnivîska Dînekî” de ev atolye lidarxist, wek xebatek ku dîroka wê ji zû ve hatibû dayîn pêk anî.

Ev xebata atolyeyê ku ji aliyê Egîtîm-Sen a Qoserê ve hatiye organîzekirin, herweha wek xebata lîstika xwe ya nû jî dibînin. Ev atolyeya lîstikvaniyê ji bo tehlîlkirina karakter û sehnekirina lîstika ku niha li ser dixebitin, wek etutekê jî dîbînin.

Şanoger Aydin Orak vê xebata atolyeyê wek tiştekî erênî dinirxîne û dibê divê li her bajar û navçeyên welêt bên lidarxistin. Qoser ji aliyê şano û temaşevanên şanoyê ve li pêş dibîne û dibêje potansiyeleke mezin li Qoser û navçeyên wek wê heye ku lîstikvan û şanogerên baş derkevin.