Saher Mîro Al_Baedrî
saher_miro_al_baedri@hotmail.de

Min dilê xwe da te

Min ev dilê xwe da te
Lê te yê xwe da yekî din
Ez digel te bûme dost
Lê tu digel min bû dijmin
Kêf û xweşî min dan te
Lê te xem û jan dane min
 
Min tu kirye siltana dil
Û got tûyî ciwantirîn jin
Lê te ez kirim derya xema
Deryayeke kûr û bê bin
Nabînî çawa xemên te
Yê xwîna laşê min dimijin
 
Min tu kirye hêvî li jînê
Û armanca herî mezin
Lê te ez kirime mest û jar
Û birînên dil tev axftin
Ne dermanê wan peyda bû
Ne bi ser min de hat mirin
 
28.09.2008

Lotikxane

Dil birînim dil bi jane

Derdê min pir girane

Lê pa tinê LOTIKXANE

Bo derdê min dermane

Dema ez dikevim LOTIKXANÊ

Li asmanê dilê min dibe sahî

Ez qet nabînim mij û dûmanê

Ewe şemal, fener, mûm, ronahî

Ewe bihara hemû dila

Gulên wê qet naçilmisin

Tev rabin bêjin bismilla

Û bikin xebatek pir mezin

Bê lotik qet çênabe

Werin lotikan bavêjin

Rewş başe ne xirabe

Bikin şahî strana bêjin

Ew mala me Kurda ye

Xebata wê gelek pîroze

Dermanê kul û derda ye

Û hevalekî hêja û dilsoze

12/07/2008

Ka Soza Te

Ka soza te, Ka soza te?

hey zalimê û dil kevirê

çend zûke çû ji bîra te

û ji dilê te hate derê

piştî dilê min hatî ba te

û nema dîsa l'min vedgerê

ji nûke te dev ji min berda

û te ji bîr kirin rojên berê

********

Te ji destêt min zû deranî

ew pora sor nazenînê

min tu dixwest ji dil û canî

lê te bawer nedikir şêrînê

nabêjî te eşq û evîn nedizanî

û ez ketibûm derya evînê

heta ji wê xewê hişyar bûm

birîn vebû li dû birînê

**********

Ger bibînim wê pora sor

dê derman bin birînên kûr

min gelek dî zilim û zor

çawa tuyî ji min re dûr

Ji herdu çava mame kor

ji wê roja tu ji ba min çû

te ez kuştim bi evî derdî

bêyî xencer û bêyî şûr

6.07.2008 Elmanya

Keçik dildiz in

Keçikek hat bi rengê nêrgiza
Û xwe xiste ber bêhna min
Min nezanî ew keçik dildize
Dê ji min dizit vî dilê min
 
Bêhna wê gelekî xweş bû
Gelek bêhna wê min bêhn kir
Piştî dilê min dîn û şaş bû
Dil ji singa min derxist û bir
 
Dilê min dizî û ji xwe re bir
Ez hêlame dîn û şaş
Xwe ji ber bêhna min dûr kir
Heger xirab heger baş
 
Keçê min ji te hêvî ye
Dilê min dîsa  vegerînî
Hê wî qet tam nekirye
Tama xweşyê û eşq û evînî
 
Baweryê bi evî rengê Keçka
Neînin ne rastî û ne heneka
 
Ew nizanin ew nizanin
Dilê wane ji kevir û asin
Dilên xorta di dizin
Û rehmê bi kesî nabin
 
Raste keçik xweşikin weke nêrgizin
Bes dilêt xorta di dizin ew dil dizin
Tev dil dimrin dişkên û di derizin
 
13.04.2008 Elmanya

Helbesta dayika min

Min gelek bêrya te kir
Min xwarin xem û qehir
Lê min dî çû fêde nekir
 
Min got bitinê ye vegerîn
Derman bo evî derdê min
Heger bibînim dayika şêrîn
Dê sipî bite bextê min
 
Dayika min gelek nema
Li te vegerim wekî berê
Dê bi hatina xwe xema
Ji wî dilê te havêjim derê
 
Dayika min tu negirî
Û bi xem neke wî dilî
Gelek nema ez vegerim
Û soz be xwe carek dî
Ez ji te ne dûr bim Dayikê
Dê emrê xwe kime gorî
 
Dayê emir gorî te
Ev çend salin dûrî te
xew bi çava neketye
Û sebra min nahête
 
Min hêvî ye Dayika min
Heger hatim li min biborî
Ev çend salin ji te dûrim
Û nema dîsa ez vedgerîm
Te bawer bê ne bi min bû
Ev ya çûy û min wesa kirî
 
Min çav kir li hemû xelkê
Bê te hatim min da rêkê
Bitinê ez mame bê mirad
Û pişta xwe da min felekê
 
Ger min ji ya te kiriba Yad
Vêga wesa bi serê min nedihat
Te çend got min neçe lawo
Xerîb û xurbet e neçû welat
Min guh neda ka te çî got
Îro biner çî bi serê min hat
 
Min ji ber her tim nale nale
Derdê wê gelek gelek dijwar e
Ev nexweşiya ku min dîtî
Rebî kes nebîne çû cara

08/03/2008
 
 

 Ay Lo Dilo Dilo Lo

Ay lo dilo dilê şeq
Ez xulama çavêt beq
Çi ji min dixwazî tiştê bi heq
Agir ket kezeba req
              Ay Lo Dilo Dilo lo
 
Ay lo dilo dilê sava
Ez xulama wan çava
Çi ji min dixwazî bi lava
Agir ket van hinava
              Ay Lo Dilo Dilo Lo
 
Ay lo dilo tu kanî
Çavêt tene di Japanî
Ewê bejna nêv mêter
Dilkê min deranî
              Ay Lo Dilo Dilo Lo
 
Ay lo dilo dilê dîn
Ez xulama çavêt şîn
Bes bixwaze û bêje bîn
Hinavê min tev bû xwîn
               Ay Lo Dilo Dilo Lo
 
Ay lo dilo dilê sil
Ez xulama çavêt şil
Çi ji min dixwazî tiştê ji dil
Agir ket kezeba kul
                Ay Lo Dilo Dilo Lo
 
Ay lo dilo were jor
Ez xulama çavêt kor
Çi ji min dixwazî tiştê bi dor
Agir ket kezeba sor
                Ay Lo Dilo Dilo Lo
 
 
Saher Mîro Al_Baedrî
15.01.2007

Min di derya werneke

Bextê te û mi ji te hêvî ye
Esmerê min bi tinê nehêl
Da ez nekevim devê derya
Û min li dû xwe nebin pêl
 
Min di derya werneke
Hey jîyana evî emrî
Dilê xwe ji bo min veke
Va ez hatim veke derî
 
Bes xwe mezin bike
Û dilê xwe bike kevir
Bes xwe giran bike
Biner te çî bi serê mi kir
 
Şûna ti şad bikî dilê min
Û xweşya lê bikî behir
Te pir zêde kirin kulê min
Hatin pêwer bûn qehir
 
Ma gelo zilm û zorî
Ne bese hey ez gorî
Te ez kuştim û termê min
Li ser destê xema borî
 
21.12.2007 Elmanya

Cejna Êzî

Dayika min Cejna Êzî
Li te bimbarek û pîrozî
Li xweşk û bira l`her kesî
Babo tu jî pir ezîzî
Li te pîroz be cejna Êzî

Li van hemû mêvana
Û li gundî û cîrana
Li tev sorgul û cana
Evê cejnê pîroz dikim

Her wesa li axa û mîra
Li belengaz û feqîra
Li xortên ciwan û kale pîra
Evê cejnê pîroz dikim

Ez li mam û xala
Li çend dost û hevala
Li şengebî û delala
Evê cejnê pîroz dikim

Pîroz dikim cejna wê jî
Ewa kû di dilê min de dijî
Şêrîn e ew û şêrîneke pir
Nazik û nazdar,delal û hejî

Li hemî Êzdîyên vê cîhanê
Taybet yên xaka Kurdistanê
Bi rêka vê helbest û hozanê
Cejna wan ji dil pîroz dikim

Torina dil

Torîna dil perwer
Te ez wek biharê geş kirim
Ewan sêvên girover
Tama devê min xweş kirin
 
Wê evîna ji can û ceger
Ez wek Çîya bi hêz kirim
Ewan çavên weke fener
Silav ji bo min bi rêz kirin
 
Torîna reş esmer
Te l'nav xweşya mezin kirim
Mi nedîtin kûl û keder
Ûxelkê ji te pir pir gazin kirin
 
Ka ti çawa l'min çep nager
Te gûh da wan te ez pîr kirim
Lê xelkîno j'min bikin bawer
Cerg û dilê wê min dagîr kirin
 

23.11.2007 Elmanya

Dûrketin

li dinyayê min kes nebu
bes xwedayê mezin û tu
îro roj te jî ez hêlam...û
tu durket û tu ji ba min çu

bawer bike bume mecbur
ku ez berê xwe bidim
evê rêka wesa dur.....dur
û çendî bêjî ji te dur bim

********************
bi tinê min ya heş te kirî
berî te min ew nekir bu
û min ne dizanî ka ew çîye
di hizra min de nedihat û diçu

cara yekê bu ku min jî
di jînê de evînî kirî
wê carê jî pê şanebum
cergê min sot,çav girîn

**********************
li min tobe bit evîndarî
nema îdî dibim evîndar
piştî eşqa te yara min
nakime ve eşqê çu car

min jî wesa li xwe tobe kir
piştî te eşq û evînî
kêf û xweşî li min neman
kete cih girî û şînî
********************