Kurdan hê dev ji nîşan û sembolên qewmê Arî bernedaye

Arkeologê Lotikxanê-23/11/07-Kurdistan- Kurd ji qewmê Arî û ji malbata milletên Aryan in. Gellek ji nîşanên vî qewmê kevnare heta bi îro jî hatine û di nava Kurdan de tên jîyandin. Yek ji wan nîşan û sembolan jî nîşana qencî û pêşketinê “Swastîka” ye. 

Swastîka tê maneya “Xaça Deqandî” û di nav gelên Arî de wek nîşan û sembola qencî û pêşketinê dihat bikaranîn û paraztin. Lê mixabin pismamê me ê Alman Adolf Hîtler ev nîşan bi xerabî bi kar anî û kir nîşana “xerabî û zilimdarîyê”.

Adolf Hîtlerê ku dixwest Aryan bibin hakimê dinyayê, ev nîşan û sembol ji kevneşopîyên Zerdeştîyê wergirt, bi niyetek xerab bi kar anî û bi taybet li dijî qirkirina Cihûyan (Yahûdî) kir wek sembolek reş, sembola xerabî û dijminatîya insên. Gellek arkeolog û dîroknas vê sembolê dikin malê Cihûyan û dibêjin ku di kevnedîrokê de Cihûyan jî ev sembol wek nîşana qencî û pêşketinê bi kar tanîn. Lê tê zanîn ku di dema Zerdeşt Pêxember de jî ev sembol sembolek ji ê Zerdeştîyan bû û her bi heman maneyê dihat bikaranîn.

Werhasil, bi çi sedemê dibe bila bibe, kîjan qewmî bi kar anîbe bila anîbe, ev sembola xaçê her bi armanca qencî û pêşketinê hatiye bikaranîn. Lê mixabin pismamê me Adolf Hîtlerê teradînî têde rît, mane û naveroka vê sembola pîroz herimand û di bin sîya vê sembolê de bi milyonan Cihû kujtin.

De kerem bikin li deq û nîşanên li ser destê vê jina Kurd (Fadîme Kadem-80 salî ji bajarê Meletê – wêne Gundem) binerin û hinekî lê bifikirin.