Me jî sînor fireh kir

Sofî Xelef- 31/10/07-Lotikxane-Di van demên harbûna Tirkan de, hinek serker û siyasetmedarên virqo radibin daxuyanîyan didin û dixwazin ku sînorên Tirkiyê bên berfirehtirkirin û beşek ji Kurdistana azad jî têkeve nav sînorên wan. Di serî de serokê Partîya Segbavên Tirk Denîz Baykal û serokê Partîya Çeqel û Kûçikên Tirkiyê Muhsîn Yazicioglû ev pêşniyaz xistin holê û çend tirrên Elemanî kirin.

   Denîz Baykalko dibêje:”Paraztina herêma sînorê Iraqê pirr zehmet e, ji qûna me nayê em wan deveran biparêzin. Ji ber vê jî, divê em sînorên xwe bikşînin pişta çiyayên herêmê jibo em karibin bi serbestî zîtirkan bidin xwe” filan û fîstan.

   Li ser vê bûyerê, me jî wek Serokatîya Partîya Demokrat a Lotikxanê civînek awarte lidarxist û em gihan wê biryarê go em sînorên Kurdistanê berfirehtir bikin û vegerin nexşeya dema Împaratorîya Medya.

   Madem firehkirin û tengkirina sînoran wilo rehet e, meqes di destê me de ye û emê jî li gora dilê xwe biqusînin û bidrûn. Çawa be derew ne bi heq in û dinya hurrîyet e, hema kî dixe kê û ji kê derdixe serbest e. Me jî xist Denîz Baykal û Muhsîn Yazicioglû!