Beyrût cihekî helkeftî ye

Bo dînbûna min ya kesayetî                                                           Sîrwan Qiçço

Xewnên min li Amûdê şîn hatin û li Beyrûtê bişkivîn. Hîn bihna bîranînên zaroktiyê ji nava tiliyên min tê û ez bi van der û deran ketime….

Çendîn min dixwest ku careke dî vegerim wan kolanên kevnetor û tozgirtî û careke dî xwe di nav axa wan malên kelpîçî de bidim. Xwezî ez dîsa vegeriyabama zarokekî biçûk û wekî her caran min bi dawa bavê xwe girtiba, min ew hembêz kiriba.

Ez bawer dikim ew roj nema û çûn xwe li paş dergehên bêrîkirinê veşêrin.

Nuha , ez ji nû ve dîwarên jiyana xwe bilind dikim, renge qedereke dî were pêşwaziya min , tevî ez xweş zanim ku qedera mirovê kurd her ew qedere. Qedereke reşe…nenase..û têkçûyî ye !

Min rahişte pênûsa xwe û min dest bi projeyê xwe kir, ez di gelek koncalan de wer bûm û min pir xem kêşan. Lê viyana pêşveçûn û serkeftinênê her dem hêzeke nenas dida min da ku ez li şopa xwe venegerim.  Li Beyrûta surgunê her tişt li pêş mirov vekiriye da ku hasten xwe…xwenên xwe û dînbûna xwe derbirrîn bike. Renge vî bajarî ev taybetmendî ji deryaya xwe wergirtibe..!! ku weha bi vî staylî xwe ji nava paytextên Ereban berz dike " eger em bêjin ku ew paytrxteke Erebî ye! ".

Sofî, gawir û dîn… hemî li Beyrûtê dicivin û seqayên xwe bi kar tînin, bi azadî û bê astengî ku her yek ji wan li gorî baweriya xwe jiyana xwe dajo.

Renge ev etmosfêr li ser min nû bû ku li Sûriyê peyda ne dibû û ji ber vê yekê di destpêkê de li ser min giran bû û ne hêsan bû, lê tevî weha min riya dînbûna xwe çirand û bi coşeke hare z derbasî vî giyanê nû bûn, da ku ez qederek nû tomar bikim û xwe ji nû ve li ezmanên dînbûnê bifirînim.

Dînbûn karê mine û Beyrût baştirîn cihe ku vê dîn bûnê lê raxînim.

Sîrwan Qiçço -

 18/02/2009-Beyrût

Pirs

Pelên te mîna vê payîzê

Hildiweşin…

Diyare ji koçberiyê

Têr nebûne.

Nema dixwazin di bin

Baskên te de bi cî

Bibin..

Te ew li kîjan dibistanê

Perwerde kirine..??

Havîn

Baran nema dibare..

Bera êdî rondikên min

erd û ezman

haş bikin.

Kalek

Li ber dîwêr

Rûniştî bû û

Çixarak kurmancî

Di dev de bû.

Hilm li çixarê dixist û

Kesera salan pêre

Berdida………..

  30/12/2007-Beyrûd