Me carekê gotibû cîgerim, hûn herin erş hûnê bên ber terkê reş!

Ehmed Beyan-12/03/08-Enqere- Me carekê ji Tirkoleran re gotibû “Hûn herin erş hûnê dîsa bên ber terkê reş”. Xuyaye ev gotin û dua me qebilî û Tirk hêdî hêdî tên ber terkên Kurdên reş.

   Serokwezîr Erdogan di hevpeyvîna xwe a di rojnama New York Times de ji rojnamevan Sabrîna Tavernîse re behsa reformên ku wê li bakurê Kurdistanê bike dike û çend lotikan davêje. Kasimpaşali Receb dibêje:”Emê di nava 5 salan de rojhilata Tirkiyê (Kurdistanê) bikin Parîs. Emê rê û barajan çêkin. Emê piştî çend mehên din dest bi weşana Kurdî bikin. Wê kanalek tenê bi Kurdî, Farisî û Erebî be. Wê ev gav rê ji bidestxistina mafê çand û kulturî re veke” filan û fîstan.

Li ser pirsa xanim Tavernîse “ma raste têkilî û danûstendinên we yên neeşkere bi desthilatdarîya başûrê Kurdistanê re hene?” Erdo dibêje:”Helbet wê hebin. Merivên me li başûr hene, ê başûrîyan jî li bakur hene, em xwedî û merivên hev in. Ma go em bi wan re têkilîyan daneynin emê bi kê re deynin qizim!” filan û dîsa fîstan.  

Yaaaaa, de bixwe ha oxlimmmmm! Em merivên hev in haa? Ûlan ewladim, ma meriv dijminatîya meriv û xizmên xwe dike lan? Madem Kurd meriv û xizmên we ne (xwedê neke rebbî) ev çi zimandirêjî û dijminatîya başûre yawrûm? Yan me gunikreşên Kurd di ser serê xwe de dîtin? Piştî we dît go hûn nikarin bi şer zora Kurdan bibin, îcar em bûn xwedî û merivên hev ha!? 

Ê de yurruuuuuuuu sur eşegî Nîgdeye cîgerimmmmm!