Hûn çi ji serokê Kurdan dixwazin qardeşim!

Hesen Almas-17/02/08-Waşîngton- Birastî min hê jî fahm nekiriye, çima rewşenbîrên Kurd (!) zû tên lîztika xelkê û dijminatîya berjewendîyên xwe dikin? Çima kesên ku çend rêz û reşbelek nivîsandine xwe wek rewşenbîr û berdevkê vî milletê reben dibînin? Bi çi heq û hiqûqê dijminatîya kesayetên Kurd dikin? Çi ked dane, çi xwîn û xwêdan rijandine heta ku wî mafê dijminatîya kesayetên ku îro bûne sembola doza milletekî dikin? Helbet mafê her Kurdî heye ku rexneyan li A yan B bike. Lê gava rexne bûn tawanbarî û sînorên rexneyê hat çirandin, êdî rexne dibin lotik, cotik, zîtirk û hetta pehînên bergîla.

Werhasil, em vegerin ser mijara xwe û zêde serê xwe û we neêşînin.

Sayin qûnek Michael Rûbîn ê Emerîkî ji zûde dijminatîya Kurdên başûr û bi taybet jî dijminatîya malbata Barzanî dike. Ev ne nû ye. Rûbîn ji Tirkekî zêdetir bûye berdevkê lobîya Tirkan û lotikan li Kurdekan dixe. Ev eşkere û ne veşartî ye. Rûbînê ku dostê diz û keleşên wek Mustafa Suzerê Tirk (ku banqeyên Tirkiyê xirtûm kiribû û serê xirtûmê jî xistibû qûna Rûbîn) û Ehmed Çelebîyê Ereb e, berî demekê serokê Kurdistanê Mesûd Barzanî û serokê Iraqê Mam Celal Talabanî wek “diz û keleş” bi nav kiribû.  Sayin qûnek Rûbîn gotibû “Barzanî 2 milyar û Talabanî jî 500 milyon dolar dizî ne” filan û fîstan.

 Êêêêêê? Ka delîl û îspat? Tunneeeeeeeeeeeee! Ka ew pere di kîjan banqeyên dinyayê de ne? Dîsa tunneeeeeeeee! Kesî bi çavê serê xwe dîtiye? Naaaaaaa! Êêêêê? Naxwe ev çi gûxwarine qardeşim! Yaw ma bi serê te û bavê te ketiye ku tu hesab ji serokên me dipirsî mîster Rûbîn? Diz bin dizên me ne, qehreman bin qehremanên me ne, şîrîn bin, tehl bin ê me ne cîgerim, bihêle bila em Kurd wê biryarê bidin, wîî! Tu here qûna Tirkan balêse û ji Erdogan, Turkeş, Buyukanit, Baykal û ji Tansû Çîller hesabê dizîya milyardolaran bipirse ewladim!

De neyse, mesela me çi bû? Haaaaa, wextî me sayin kekê me Metîn Tîmoçîn ji bîr bikira haaa!

Dibêjin sayin M.Tîmoçîn çavê xwe girtiye û  (ji qewla Tirkan ve baliklama) xwe wek masîyê nava avê avêtiye dawa Michael Rûbîn û di malpera Nasnamê de piştgirîya vir û derewên Michael Rûbîn kiriye. Yaw qardeşim, canim cîgerim, heta bi mişk û pisîkan jî zanin ku Michael Rûbîn berdevkê lobîya Tirkan e û ew dijminatîya Barzanîyan dike.

Başe li te çi hewal e? Tu li Kanadayê û Barzanî-Talabanî li Kurdistanê! Yan delîl û îspat di destên te de hene? Heger hebin ji kerema xwe ji me re jî bêje ku em jî piştgirîya te bikin îkî gozum!

Ma ne şerm e  ku Kurdek rabe piştgirîya berdevkê Tirkan bike û zimandirêjîya serokên Kurdan bike babam! Me çi xwîn û xwêdan rijandiye ku em zimandirêjîya Barzanî û Talabanî bikin? Çend malbat yan eşîrên me wek malbata Barzanî xwe kirine qurbana doza milletê Kurd? Eve qirnek e ku malbata Barzanî serkêşîya doza milletê Kurd dikin, bi mal û canê xwe ve telef bûn, hatin kujtin, derbeder bûn, û dîsa jî dev ji doza xwe bernedan û Kurd anîn rewşa îro. Heger ne ji tekoşîna malbata Barzanî bûya, gelo wê Kurd îro di çi rewşê de bûna cîgerim!

De neyse, Barzanî 2 milyar dolar xwaribin, Talabanî 500 milyon dolar xwaribin, qet xema min nîne ellawekîl! Mafê wan e qardeşim, kî bixebite, kî xwînê birjîne, kî ji bo milletê Kurd serê xwe deyne ber şûrê dijmin, xwarina peran jî mafê wî ye û xelas! Kesê ji bo Kurd û Kurdistanê kevirekî daneyne ser kevirekî, bedena xwe ji fîşekên dijmin re neke mertal, mafê wî û lotikan jî tuneye. Lê kesên ku wek malbata Barzanî û Talabanî kefenê wan tim û tim di bêrîka wan de bû, xwedî maf in peran jî bixwin, xwarinên xweş jî bixwin, balafirên wan jî hebin û serê govendê jî bikşînin.

Heger rast be, 2 milyar dolar li kek Mesûd û 500 milyon dolar jî li Mam celal xweş helal be rebbî!