Nameyek bê sansûr

Rustem Şad-09/10/06-Amed- Merheba ji we re! Wê rojê min bi korfelaqî li Roj TV temaşe dikir. Ji nişkê ve yekî bêmirês derket, min got qey ji komir ocaxlari derketiye. Mêrik bi jinika ku Kurdî Tirkî li nav hev dixist re dipeyivî. Piştre qaşo bernameçêker çav keçek zaro ket û ji nişkê ve qeblo kişand ber devê wê û got: “Ka eva ciwan re tiştna bêjim”, min jî meraq kir gelo ewê çi bêje? Mêrik xwe hêdî hêdî xwe nêzîkî keçikê kir. Dûra ez di xwe fikirîm, “aniha ev çima vîna qabloyek zirav û mîkrofonek pêve wek pişkokê ye?” Haaa, dûra min nêta wî tolazî fêmkir. Rabû kaboka xwe anî nêzîkî keçikê û dûra çîmê xwe bi ê wê re zeliqand. Ez zêde serê we neêşînim. Min dî ji nişkê ve ew keçika zaro bi ser xwe ve anî. Bêlomebe ya rebbî! Ev çi kulture, ev çi rezaletîye yaw? Ma li ser şewitandina gundan, zîndan û malwêranîya Kurdan bila ev bêedebên wilo herin tolazîyê bi keçên Kurdan re bikin? Ma ev ne gunehe? Heger li tolazîyê digerin, bila herin bi Banû Alkan re tolazî û qeşmerîya xwe bikin, ne bi keçên Kurdên belengaz û reben re!

   Min xwest ez sûretê vî tolazî ji we re bişînim. Ev kesê ku bi edeba Kemalîzmê rabûye, qaşo dixwaze reportajê bi Kurdên ku mala wan xerabûye re bike û gilî û gazinên wan pêşkêşî temaşevanên Roj TV yê bike. Lê di ber re jî destê xwe dirêjî çeng û bendê keçikê dike û bêfedî difirkîne. Ma kes tune ji vî tolazî re bêje ku bila li gor edeba Kurdî reportajan bike? Hindik mabû ev qeşmer destê xwe bixe nav pêsêrên vê keçika zaro.

Ji bo Xwedê hûn ji dêvla min tiştekî ji vî tolazî re bêjin. Yan jî ji Roj TV re bêjin bela van kesên ku bi edeba Kemalîstan û kultura kolanan mezin bûne neynin ser televizyonê. Heyfa Roj TV ye ku mirovên bi vî awayî navê wê biherimînin û bi kesayetîya keç û jinên Kurd bilîzin. Hêvîdarim wê rayedarên Roj TV hay ji bernameyên xwe hebin

Rustem Şad /Amed / 09/10/06

Va ez çend sûretan ji we re dişînim. Yeko yeko lê binerin, lê bi taybet li sûretê no 7 binerin bê çawa çengê keçikê difirkîne