Wek mehîna kihêl e!

Şemal Amedî-01/09/07-Hollywood- Torî Braver, wek lotikvan û bedewa pêşerojê tê qebûlkirin û ji niha de bûye şêrîna ver dilê zilaman. Ciwanikê hem bedew e, hem spehî ye û hem kî ji bejn û bala xwe ve wek tayê rihanê û dara spîndarê ye.

   Dibêjin Torî (Çi navekî Kurdî ye ne wilo? Bêbavê tu dibê qey ji Torê, ji derûdora Midyadê hatiye) Braver jî wek gellek bedewên dinyayê bi lihevrasthatinekê hatiye keşifkirin û siûda wê vebûye. Xwedê bedewî û qismet nake nesîbê her kesî. Lê xuyaye parek ji wî qismetê go Xwedê belav kiriye, bûye nesîbê Torî xanimê ku di demek pir kurt de binavûdeng bû û ket ser zimanan.

   Ez serê we neêşînim û dilê we li Torî Braver xera nekim, ez dibêjim:"Berî go xortên xelkê li dora vê jinika xweşik bigerin û lotikan lêxin, bila xortên me bi lez û bez têkevin dora tenûrê û dorê nedin xortên xelkê. Hey piranîya jinên bedew wek Angelîna Jolîe, Scarlet Johanson, Pamela Anderson, Salma Hayek û wek wan ji kîsî me çûn. Qe nebe bila Torî xanim ji destê me nereve bavo, wey! Ji dêvla go hûn herin bi jinên Tirk, Ereb û Farisan re bizewicin û mala xwe biviritînin,hema bila jinek Amerîkî be çêtir û bixêrtire ellahwekîl!

  Yan ez xelet im?