Qaçaxçîtiya Viagra

Û Gunreşên Kurd

Senger Îloz-09/02/08-Kurdistan- Wey wey wey ev ji me kêm bû, îcar kaçaxçiyên me bûn qaçaxçiyê Viagrayê jî! Li Batmanê bi saloxa 1000 lib viagrayên ku bi qaçaxî ketine nav welêt hatine girtin û du kes jî ji ber vê qaçaxê hatine girtin.

Gunreşên Kurdistanê rabûn ser piyan û xwestin kesên ev qaçaxçîtî kirine lînç bikin. Dîsa tê gotin ku, ji zaroyên 7 salî heta kalên 77 salî viagra wekî bêxîretkirina zilamtiyê nirxandine û dest bi meşa şermezarkirinê kirine!

Vê qaçaxçîtiya ku navê zilamtiya gelê Kurd li qada raya giştî ya cîhanê rûreş kiriye û gunreşên Kurdistanê xistiye gumanê, em jî wek Lotikxane şermezar dikin û pihîneke lotikvanî li der qûna wan dixin! Kurdên ku li çaralî dinyayê bi gunreşiya xwe navûdeng bûne werin ji bin vê şermê derxin. Em jî dibêjin êdî bes e!

De fermo werin gunreşan bisekinînin îcar.. Li gorî nûçeyên em hêja pê nehesiyane, tê bilêvkirin ku li welêt bi hezaran Gunreş derketine qadan û vê qaçaxçîtiya bêrûmet û kirêt protesto dikin. Hin drûşm û nivisên pankartên gunreşên Kurdistanê ev in; “4 jin û 20 zarok gelo çima viagra!”, “Xortê 70 salî me şerm e ji min re viagra!”, “Êdî bes e, ji viagra re na lê ji jineke din re erê! 77 salî xalê Evdo”, “Gunreşî dayînek e, bi viagra gunreş çênabin.” Û hwd…