Werzîşa pêkolan

Bavê Jîndar-06/01/08-Colemêrg-

Bila kes nebêjît ”Colemêrgî  ji hemdemên xwe  şûnde mane”.  Ku hûn bawer nakin,  li wêneyê jorîn binêrin. Di van rojên buhurî de li Colemêrg ,navçeya Geverê berîyekdana  yarîyên (berberîya - pêşbirka ) pêkolan (lîyan -palîn-xizang-xîdor ) hat lidarxistin. Di vê yarîyê de 33 zilam û 13 keçan, bi tevahî 46 kes amade bûn. Di nav wan de 3xort û keçek di taximê millî de nin. Mixabin ji ber tunebûna kar, aborîyek nebaş, pîştguhxistina dewletê, werzîşvanên Hekarîya nikarin zêde pêşde biçin û bibin werzişvanên navnetewî. Gelî ketxuda û xwedîpareyên Colemêrgî! Alîkarîya werzişvanên xwe bikin.

Gelî jajîfiroşên Geverî! Hema herkesek ji we heqê kiloyek jajî alîkarîyê bidin werzîşvanên xwe, wê werzişvanên we gelek pêşde biçin û nav û dengê Colemêrg û Geverê belavî cihanê bikin. Ji bîr nekin ku rojek ji rojan welat azad bibe ewê li ser navê me Kurdan derkevin qada şerê werzîşî. Ew jî wê bo me hemîyan, xasma jibo kesên piştgirî û alîkarî dane, bibe serbilindî û sefirazî, emê bişên di warê werzîşê de jî lotikek Kurdewarî li wan dijminên bêbav xin. 

Divê neyê jibîrkirin, şer ne bitenê çekgirtin, meşçêkirin û derketina kuçe û kolanan e. Şer di her alîyê jîyanê de ye. Em di kîjan alî de pêşde biçin jibo dahatûya me amadekarî û serbilindî ye. 

Dê hilon, xwe di her alî de pêşde bibin. Ahura Mazda li gel we bit û hûn sax!