Namak vekirî ji birêz Mizgîn Gemo û berpirsê malpera Tirej.net ê nû re

Hêja Mizgîn Gemo:

Ji toreya toreyê ko merov bi eteket û rêz li dost û hevkarê xwe ê ko çar salan me bi hev re di malperê de kar kir te bipirsiya gelo çima te wa kir ez nizanim?

Ma ne gerek bû ko te bigota: Ezîz Xemcivîn ji kêlîka pêşî ji damezirandina malperê de bi me re li ser internet li civîna pêşî amade bû û heya roja ko Qado dev ji malperê berda?

Baş e kekê min heger hêja Qado dev ji malperê berda ji sedemên xwe ên taybet ma gerek bû te pehîna xwe li evî karê ko çar salan ez û Qado em pê re westiyan ne ji bo te belê ji bo çand û tora kurdî(ko çand û tora kurdî giranbuha be, û mebesta te çand û tora kurdî be) ma ne gerek bû te rêza evê xebatê bikira û bi kêmanî te lingên xwe li xebata xeyrî xwe nexista?, nizanim çima te wisa lezand û te têkilî bi min re nekir, nizanim çima te ez bi agirê Qado şewitandim, dibe ko te ji xwe jî nepirsî be; gelo çima Qado rawestiya?, ma Ezîz jî pê re çû û rawestiya an na?. tu baş dizanî ko tu wek min û Qado nabînî, lê diyar e tiştin veşartî hene û gerek malper berdewam bike, û wek ez agahdarim tu di şeş heyvên dawî de ji malperê dûr bûyî.

Ya din ev berpirsê ko te danî heger piçek rêz ji xwe û malper û çand û tora kurdî re girtiba ne gerek bû ko ez agedar kiribama, ma ne gerek bû têkilî bi min re danîba, ji xwe bipirsiya; gelo çima Qado yê ko ev malper damezirand û navdar kir, çima rawestiya?, gelo dê ji Qado û ji min baştir kar bike?, li ser karê malperê û bi kêmanî bigota keko rast e birayê me Qado dev ji malperê berda, lê em ê li gel hev dîsan malperê bi rê ve bibin???

Mixabin kurd û etekêt pir dûrî hev in û heya em fêrî etekêtê bibin wê hasil bigihê Mûsil…!!

Tu jî dizanî ko min û Qado, me malper avakir û bi her kesî da zanîn û pejirandin, ji dû têkiliya me ewqase nivîskaran tê de dinivisand, bi hêviya ko hun jî wisan berdewam bikin, tu jî baş dizanî ko me ji bo çand û tora kurdî dikir û ne ji bo tiştekî din, ne ji bo bercewendiya kesane (wek hinan).

Li dawî, xwezî em pêşî bi xwe re rast û dirust bana, di dûv re bi hev re û bi çand û tora kurdî re rast bana.

Sipas ser karê te kir û bijî

 17/10/2006

 Ezîz Xemcivîn

Ji Malpera tirej a birîndar

xemcivîn@hotmail.com

Têbinîyek ji Lotikxanê:

Birastî em zêde naxwazin malpera Lotikxanê bibe hola nîqaş û rexneyên şexsîyetên Kurd. Lê emê jibo carekê rê bidin nivîskar û dostên ku di hinek waran de bixwazin hevdu rexne bikin, yan bersivê bidin. Lê em tika dikin ku rexne û bersiv jî di sînorên rexneyên dostanî û erênî de bin, sînorê dostanîyê derbas nekin.