Lotikxane    

           <<  Magazîn, henek, gilî û gazin  >>

Her çerm nayê xwarin kakam!

Xêrnedîyê Amûdî-26/03/08-Amûdê-

Birêz Kurdistan.tv, her kesayetîk mûdêlekê lêdixwe, xwedê giravî tu deng û rengê partiyek xwedan dîrok e û îro jî di cîhê rêveberyê de ye. Ne sezayî teye ku tu ekrana xwe erzan bike mîna hin televizyonin dîtir. Ji ber navê te Kurdistan e, tu bi navê xwe barekî herî giran li xwe dike û berpirsiyarîya pir tiştan ji te tê xwestin.Birêz Mesûd Barzanî serokî herêma Kurdistan peyamek şand ji bo serokkomarê Sûriyê birêz Beşar Esed re di derbarê pelamêrî leşkerên rejîma wî ya hovane de li ser gelê Qamişlo.

Mexabin telivizyona we piştî vê peyamê ne bi rojekê, û hîn xelkê Qamişlo li bin konê hersî mexdûran bûn, gel li ser birîndaran li nexweşxanan serdan dikirin,Kurdistan-tv 23-3-2008 seet di deh û nîvan de li dor seetekê ((ahenga cejna evinê)) ji gelê Qamişlo re diyar dikir di bin xetîreya arê newrozê de ya ku li jora ekranê bû !!!

Gelo ev aheng pir ji bo hest û jana Kurdên başûrîrojava gerek û pêwîstbû di wilo roj de?? Heta ew kesên ku li wê ahengê nefret li xwe dibarandin, nedixwestin ku gel wan bibîne û xwe ji ber xelkê didan alî.Guneh ne yê wan e, ku ew xwe mest û sekran di êvara birîndarya Qamişlo de bibînin, berpirsiyarê Kurdistan.tv û derhênerê pirograman pir bijîşk in, zana û jêhatî ne, dibe ku ji bo jana Qamişlo bi ((cejna evînê)) derman bikin û dilê dayikên kuştî û birîndaran vegerîne ber bi vê roja taybet ya ku gelê Kurd ji newrozê bêtir jê hez dike !
 

Dibe ku ez li we neheqîyan dikim, belkî valabûn di pirogramên we de çêbibana û we ev valabûn bi vê ahengê dagirtibe. Hela hûn newroza 1000000 kesî li qada bajarê Amedê naweşînin û newêrin bejn û bala Leylayê ya weke çinara Çiyayê Dalanper şanî jinên Kurdistanê bikin.. Xwezî we ahenga bûk û zavakî Hilêlyê ji bajarê Qamişlo bi weşanda û ne ev …

Dibejin ku karmendê Kurdistan .tv mûnafesê bi Vîn .tv re dikin çimkî wan jî di heman demê de (cejna evînê) ya bajarê Hesekê di vê bîranîna berbangê newrozan de diyarî temaşevanên xoşewîst kirin. Vîn .tv gazin jê nabe ji ber ekrana wê û rêbaza wê bi vî şêweyî kar dike, gazinên mezin gel ji we dikin  ji ber ku navê we K.K.K.Kurdistaneeeeee..kakammm