Lotikxane    

           <<  Magazîn, henek, gilî û gazin  >>

Heger hebûna me ziman be em winda bûn

 Azad Hecer-10/08/07-Elmanya-

Ziman, hebûna milletane û berdewamiya çandê ye. Em Kurd tev vê yekê zanin. Lê em nikarin bi çî bînin. Di her civînek Kurdan'de, axavtina yekê li ser ziman û hebûna ziman'e. "ZIMAN HEBÛNE" bi xeta mezin li jor dinîvisînin.

   Her siyasetmedarek, her hunermendek diaxive, ziman di nav axavtinên wî de derbas dibe. Lê mixabin ku tenê axavtinin. Em tenê li civînan û carna di cejnan de bi Kurdî diaxivin. Û wekî din, çi tiştên meyî mane tev bi zimanê dagirkire, em bi zimanên wan radibin û rûdinên, diçin û tên. Heya radikevin û hezdikin. Hîna me ji bo xwe tişt çênekirî em radibin ji bo dijmin tiştan çêdikin û zimanê wan pêşde divin.

   Em bi malperan destpê bikin û heya ku bighêjin rojnameyan, gelek ji wan bi zimanê dagirkirin. Çiqa naverok, armanc û helwest ji bo Kurd û Kurdistanê be jî, dîsa em alîkariya dijmin dikin, em zimanê wî di nav xwe de pêşdixin. Em destek didin ku mejiyê me were guhertin. Bi vî rengî em wan kesên ku di navbera herdu zimanan de winda ne, wan destek dikin ku bi zimanê dijmin biaxivin û binîvisînin. Ereb, Tirk û Faris pêwîstiya wan bi me tune, Televizyon, malper û rojnamên wan têra wan hene. Ragihandin başe, başe ku ew bizanibe em li kîjan astê ne. Lê em êdînî bi zimanê wan xweşiya xwe dibînin.

   Pêşbirka "Husên Çelebî", bi zimanî Tirkî û bi zaravên Kurmancî an jî Dumilî merov dikare tevî bibe. Ka çima Tirkî? Ma heger Soranî ba ne çêtir bû? Aliyê ragihandinê yê din Televizyon, ya ku rolek gelek mezin dilîze. Mixabin sêçarê wan bi zimanê dijmin weşanê dikin. Em ne li dijin ku bi zimanê wan jî weşanê bikin, lê ne heya vê raceyê. Em gihiştine raceyek ku em di axavtina bi zimanê wan em pê serbilindin. Guftûgo û nirxandin gerek li ser Televizyonê bi zimanê Kurdî bin, ji ber li gor Teleziyonên me, zimanê me hîna şûnde mayî ye.

    Mînaka herî xurt li ser belavbûna zimanê dijmin di nav me de, Televizyona MMC'ye. Gava merov nameyên temaşevanan dixwîne giriyê merov tê, destpêk bi Kurdî ye û naverok bi Tirkî ye.

   Heya dawiyê dîsa sipas an jî bijî serok APO bi Kurdî ye. Rolek mezin li ser piyê van Televizyonane jî, ku vê civakê pêşde bivin.