Belê, BDP î piştî 3 mehên bi xir û cir, piştî damezrandina (!) “Xwelîserîyek Demokratîk”, piştî di armanca xwe de kevirek dananîn ser kevirekî, polîpoşman pişta stuyê xwe xurandin û berê xwe dan meclîsa Tirko, ketin rêzê û ji xeynî Bengî Yildiz, tevan sûnda “Ataturkun devrim ve inkilaplarina bagli kalacagima” xwarin. (http://www.youtube.com/watch?v=WAsQ1eTlfig

Min bala xwe da sûndxwarina xaltîka xwe Leyla Zana. Dilê min pir bi halê wê şewitî hûn zanin. Gava sûnd xwar, xuyabû ku bê dilî xwe dixwîne û xwêsîya xwe dadiqurtan. Lê di dawîya sûndê de kêm be jî lotikek îdare avêt û di şûna “Yuce Turk mîlletî” de gotina “Yuce Turkîye mîlletî” bi kar anî. Ango, ne “Milletê Tirk ê abadîn” lê “Milletê Tirkiyê ê abadîn”.

Ez serê we neêşînim, xaltîka me Leyla Zana serê xwe ji “Yuce Tirk milletî” re dananî, bi serê Tirkên dewşîrme sûnd nexwar û baş an xirab, kêm an zêde, dilê xwe û me rehet kir. De xwedê di meclîsê de qiwetê bide xaltîka me Zana rebbî…

Haaaaaa, berî ez ji bîr bikim qurban. Ev çi bi pelûla “Demokratîk Ozerklîk“ê hat yaw? Bi ku de çû, çima ava bû, çima bincil bû? Ka qaşo weyê meclîsa xwe dameziranda lo? Yan we konê meclîsa xwe ji Amedê barkir meclîsa Enqerê cîgerim?

Ê helbet canim, ma wê meclîsa Amedê zikê kê têr bike looooooooo!

Amed