Li ser bextê sîxurên me yên di nava hikûmeta Bexdayê û hikûmeta herêma Kurdistanê be, dibêjin wextê serokwezîrtîka kek
Nêçîrvan Barzanî hatiye û Kurd bi çar çavan li benda serokwezîrtîya wî ne. Dibêjin wê di 15.11.2011an de hikûmeta Kurdistanê dest biguhere û kekê me Nêçîrvan Barzanî serokwezîrtîyê ji kek Berhem Salih bistîne.#
Li gora sîxurên me dibêjin, Kurd li benda serokwezîrtîya Nêçîr in û bêrîya serokwezîrtîya wî kirine.
Ê helbet canim, ma wê Kurd serokwezîrekî wek kek Nêçîrvan ciwan, lihevhatî, seksî û bi bejn û bal ji ku peyda bikin kaka? De li temamê dewletên dinyayê bigerin, heke we serokwezîrek wek kek Nêçîrvan lihevhatî û babaegît dît, ezê simbêlên xwe kur bikim. Serokwezîrên xelkê yan kalemêr in û tirr di wan de nemaye, yan hacûc û qamkinik in, yan keçel û gurî ne, yan pozmezin û guhbel in. Lê yê me qisûr misûr tune şikir ji xwedê re.
Axir, em wek eşîreta Lotikxanê ji niha ve serokwezîrtîya kekê xwe Nêçîrvan pîroz dikin û emê ne bi çar çavan, lê bi 14 çavan li benda wê rojê bin ellawekîl…
Hewlêr
Zêdetir
Şahê Îranê lotikek avêt û bang li Îranîyan kir
Îranê tir ji Îsraîlê berda
Sûdanî lotikek avêt û pesnê Amerîkayê da