Çaya me çaya qaçax e, were çaya me vexwe xalê Mislim

Ev MÎT a Tirkîyê rêxistinek çiqasî şîrîn e yaboooooo, hema heçê radibe û dixwaze bi MÎT ê re rûnê, çay û qehweya MÎT ê vexwe.  Her çiqasî çaya Mixabaratê...

Ev MÎT a Tirkîyê rêxistinek çiqasî şîrîn e yaboooooo, hema heçê radibe û dixwaze bi MÎT ê re rûnê, çay û qehweya MÎT ê vexwe.  Her çiqasî çaya Mixabaratê Sûrîyê jî îdare dike û tê vexwarin jî, lê li gor sîxurên me dibêjin, çaya MÎT ê çayek taybet e û heçê bixwaze kare “qirtleme” û “zirtleme” jî vexwe.

Ne li ser bextê me be, ji me derew. Li ser bextê rojnama Taraf be, dibêjin hevserok û xalê PYDê Salih Mislim, bi rêya Skype çend lotikên qerase avêtine û dilê xwe rehet kiriye, bêhna xwe derxistiye.

pyd KopieLi gora ku sîxurên rojnama Taraf dibêjin, dibêjin xalê me Salih Mislim simbêl ba daye û ji rojnama Tarafê re gotiye: ” Welleh, billeh û tilleh, ez bi serê Kasimpaşalî Receb û Beşarko kim,  em pir dixwazin bi îstîxabarata Tirkîyê MIT re rûnin, li Enqerê bi hev re çayekê vexwin û derdê xwe ji hev re bêjin., em li ser aştî û dostanîyê biaxivin û lotikan bavêjin, di navbera me de çi heye em li ser biaxivin.  Înşallah wê di dema pêş de çêbibe û ev xeyala me pêk bê” filan û fîstan.

Ez serê we, serê  MÎTê û serê xalê xwe Salih Mislim neêşînim, xuyaye ne bi rêya MÎT ê be pirsgirêkên Kurdên bakur û rojava çareser nabin. Derman û melhem li cem MÎT ê ne. Heta çaya MÎT ê neyê vexwarin, Kurd ji nexweşîyên jana zirav, pençeşêr, virik û zikêşê xilas nabin.

Lê xalê me Salih tiştekî ji bîr dike.

Ew çiye?

Ew jî ev e ku çaya MÎT ê çaya bajarê Rîze ye, ne tu quzilqurt e, tehl e, ne tê vexwarin û ne jî meriv kare pê qûna xwe bişo. Tu kîlok şekir têxe navê dîsa nayê vexwarin.

Îcar em bang li xalê xwe Salih dikin û dibêjin:

Were çaya Partî Demokratî Lotikxane vexwe hebîbî. Bi dîn û îman, çaya me çaya qaçax e, wek xwîna keroşkan sor û gevez e, hem ji tama wê û hem jî ji bêhna wê Kurd û Kurdistan difûre ellahwekîl.

Ji me gotin xalê Salih..

Heke tu bi çaya MÎT ê zikêşî û virikî bû, nebêje Lotikxane ez agahdar nekirim qurban…

Enqere

Categories
Kadîn
  • Radyoya Êrîvanê sêwî ma

    rojnamevan û rewşenbîrê Kurdên Ermenistanê Keremê Seyad di 82 salîya xwe de ji nav me koç kir û em xemgîn kirin. Keremê Seyad, di 1960î de li Radyoya Êrîvanê...
  • Lotika Papa xweş lotik bû

    Serokê Vatîkanê û Serokê Rûhanî ê Mesîhîyên Cîhanê Papa Franciskus di 07.03.2021ê de pêşî serdana Iraqê û piştre jî serdana Kurdistanê kir. Papa li Bexdayê bi şûr û kêran...
  • Başûrî, mîrasê serokê nemir Mistefa Barzanî dixwin…

    Rojhat Amedî Sed heyf û mixabin em îro dibînin ku jimareyek berçav ji desthilatdarên başûrê Kurdistanê tenê bi gotin li ser rêbaza Barzaniyê nemir mane. Tenê li ser mîrasa...
  • BARÎNA KUTILKAN

    M.Bengo Navê tirolê Bexdê ( Bexdayê) derketiye, lê birastî Xerdelê me heft pêhn li wan xistiye. Xerdelo tirolakî xwedê bû, bi çakûça xwe ji mal bernedida. Ne tenê tirole...
  • Radyoya Êrîvanê sêwî ma

    rojnamevan û rewşenbîrê Kurdên Ermenistanê Keremê Seyad di 82 salîya xwe de ji nav me koç kir û em xemgîn kirin. Keremê Seyad, di 1960î de li Radyoya Êrîvanê...
  • Lotika Papa xweş lotik bû

    Serokê Vatîkanê û Serokê Rûhanî ê Mesîhîyên Cîhanê Papa Franciskus di 07.03.2021ê de pêşî serdana Iraqê û piştre jî serdana Kurdistanê kir. Papa li Bexdayê bi şûr û kêran...
  • Başûrî, mîrasê serokê nemir Mistefa Barzanî dixwin…

    Rojhat Amedî Sed heyf û mixabin em îro dibînin ku jimareyek berçav ji desthilatdarên başûrê Kurdistanê tenê bi gotin li ser rêbaza Barzaniyê nemir mane. Tenê li ser mîrasa...
  • BARÎNA KUTILKAN

    M.Bengo Navê tirolê Bexdê ( Bexdayê) derketiye, lê birastî Xerdelê me heft pêhn li wan xistiye. Xerdelo tirolakî xwedê bû, bi çakûça xwe ji mal bernedida. Ne tenê tirole...