BEDEW NAZÊ

VonLotikxane

Feb 14, 2014

ehmedmustefaBedewê….

Gulên avdarê tu vedikî
Xunav li ser sîngên te dihele
Wî rûyê te yê nazik geş dike
Hestên min tu serxoş  dikî
Dilê xort û ciwanan şa dikî
Dîlanekê tu digerînî li ser vê xakê

Bedewê, bexçê gulan û evîndaran
Tu dilê birîndaran, derman û melhem dikî
Bedewê, şox û şengê,  nazika cîhanê
Binefşa erdê,  zirav û çelenga vê xakê

bedewBedewê, bihuşta dilê xort û eşiqan
Kezeba dilê vîn û evîndaran
Hêlîna  mêrxas û egîd û sîwaran

Bedewê,  ezê vexwim ji destên te ava heyatê
Ger qehwe be, ger şeraba hinarê be, ger jehra reş
Ne xem e ger kuştina min  bi destê te be
Ne xem e ger mirina min li ser sîng û bala te be
Ne xem e, nexem e,  lê bixwîne  nameya min eger ev dilê te be