Dez 2, 2020

Belê, serokê HDP kekê me Selahattîn Demîrtaş bang li „7 heta 70“ salîyan kir ku derkevin kolanan û her derê bikin Kobanî. Lê encama vê lotikê dîsa wek lotikên berê zirar û ziyana bajarên Kurdistanê bû, ziyana Kurdan bû û nêzîkî 40 Kurdî bilasebeb hatin kujtin û ji kîsî xwe çûn.

demirtasDibêjin „herkes li ser mirîyê xwe digirî“. Yên ku mirîyên wan tunebin yan zarokên wan li kolanan neyên kujtin, wê êşê nizanin. Û ji xwe siyasetmedarên me qet nizanin. Nizanin ji ber zarokên wan di kuçe û kolanan de, di şer û pevçûnan de nayên kujtin. Zarokên me di şer û pevçûnan de canê xwe didin, lê yên wan di malên xwe de bi pisîk û kûçikan şad didbin, di maçên fûtbolê de ji Fenerbahçe û Galatasaray re li çepikan dixin û haya wan ji bayê felekê tuneye. Ne zanin Kurdayetî çi ye û ne jî Kurdî zanin. Çend gotin Kurdî zanibin jî, nikarin dawî li Kurdîya xwe bînin û dîsa dest bi şildim bildima Tirkî dikin. Çima? Ji ber ku dê û bavên wan ew bi ruhê Kurdayetî, bi ruhê Kurdewarî mezin nekirine. Ew wek zarokên „ortak watan“ û zarokên „demokratîk“ mezin û kedî kirine. Ji ber ku zarokên wan ji zarokên xelkê şîrîntir in, wan bera nav şer û pevçûnan nadin û wan ji civaka Kurd a bi xir û cir dûr dixin. Ê helbet, zarokên wan can in, yên xelkê jî bacan in. Û bi ser de jî li ser xwîna wan zarokên xelkê siyaseta xwe jî dikin, meaşê xwe jî distînin û dibin mîr û wezîr jî. Û hetta karin bibin namzetên serokkomarîya dewleta dagîrker jî.

Belê, bi banga HDP û Seloyê me, ji 7 heta 70 salî Kurd derketin kuçe û kolanên bakurê Kurdistanê û çend bajarên Tirkîyê û tofan rakirin. 40 (belkî zêdetir jî bibe) Kurd hatin kujtin, bi sedan dikan hatin şewitandin, bi sedan dikandar û bazirganên Kurd perîşan bûn, bi sedan dibistan hatin şewitandin, trimbêl û wesayîtên din telef bûn û wekî din. Û li çend cîyan jî peykerên Atavirqo hatin şewitandin, xwedê heye. Lê şewitandina ala Tirko û peykerê Atavirqo jî xort û ciwanên Kurd li ber dilê HDP û Seloyê me şîrîn nekirin. Şewitandina ala Tirko û peykerê Atavirqo ew kirin „soytarî“ (beredayî zugurd, serserî) û pê gunehkar bûn.

Axir….

Çima ku çend xort û ciwanên Kurd ala Tirko û peykerê Atavirqo (stûna xaltîka me Aysel Tûglûk) şewitandin û nîhan qûna wan, Selo efendî dîn û har bû û ew xort û ciwanên Kurd wek „soytarî“ (beredayî zugurd, serserî) bi nav kir.

Ê oxlim, madem tu-hûn- ji 7 heta 70 salî Kurdan derdixin kuçe û kolanan û ji wan dixwazin ku her derê bikin KOBANÎ, ma bela ala Tirko û peykerê beton Misto jî neşewitînin? Ku wan jî neşewitînin, naxwe wê çi gûyî bixwin Selo?

Yan lotika te-we- li we vegeriya û we dixwest tenê Kurd bên kujtin, dikanên Kurdan bên şewitandin, bakurê Kurdistanê bişewite û dîsa dinya bi Kurdan bikene?

Werhasilî kelam, heke şewitandina ala Tirko û peykerê Atavirqo „soytarîtî“ û serserîtî be, bijî soytarîyên Kurd!

Amed

atoo

ato


Windows 10 Kaufen Windows 10 Pro Office 2019 Kaufen Office 365 Lizenz Windows 10 Home Lizenz Office 2019 Home Business Kaufen Windows 10 Lisans Office 2019 Mac Satın Al
%d Bloggern gefällt das: