ŞîRET…

ŞEREFXAN CİZİRİ Mirovên civatekê ku tucaran şîretan li hevdu nekin, raman û fikrên xwe bi hevdu neguherînin, qala tecrubeyên xwe ji hevdu re nekin, li miqabilî hevdu lal bin,...

ŞEREFXAN CİZİRİ

Mirovên civatekê ku tucaran şîretan li hevdu nekin, raman û fikrên xwe bi hevdu neguherînin, qala tecrubeyên xwe ji hevdu re nekin, li miqabilî hevdu lal bin, kor bin, ker bin, wê çawa karibin sudê ji zanebûna hevdu bigirin? Dîsa mirovên civatekê ku tecrubeyên xwe, ramanan xwe, dîtinên xwe bi hevdu re parvenekin, tam û bêtamîya jîyana xwe îfade nekin, aş û baş li bin gûhê hevdu nexînin, wê çawa karibe şêranî û tehliyê ji hevdu cuda bikin?

Belê…

Civateke bê şêwir, bê şîret û şêwirmendan eşkere ye ku nikare bibe civateke zindî…

Gava ku mirovên civatekê ne amadebin ku li şîretên hevdu guhdarî bikin, şêwirê bi hevdu re nekin, pêwendiyên mirovan jî ji gelek alîyan de formel dibin. Naveroka pêwendiyan wana ne xurt in. Ji bona naverokek xurt ya mirovî, hemû babetên civatan di nava xwe de pêwendîyên dûristî dixwazin.

Di vê tevgirêdanê de gelek caran di civatan de pêwendî hene, tevger û rêxistin hene lê diyalog, guhdarkirin û fêmkirin tuneye. Mirov li ba hev in lê ne bihevre ne! Herkes dibêje ‘’ez têra xwe heme!’’ Lê mirovê ku wilo dibêje cilên wîna hinekin din didirûn, xwarina wîna hinekên din çêdikin, hineke din dikin ku ew têra xwe hebe!

Mirov bi hineke din heye!

Mirovê ku wilo dibêje jî, di rastiya xwe de hayê wîna ji rastîya civatê tuneye. Ew nizane bê kêmasiyên wîna di kuderê de ne, nizane bê çerxa civatê çawa dizîvire, hişmendîyeke wî ya pêşketî û hemdemî tuneye…

Pirsgirêka şîretan jî di vê tevgirêdanê de, ji ber wilo divê were nirxandin.

Berîya her tiştî şîret, parvekirine. Dîtin, raman, tecrube, zanebûn… gava ku bi mirovan re neyê parvekirin nikarin bibin şîret. Mirovê ku ketibe tengasiyê, nikaribe biryarên baş bide, pêşîya xwe baş nebîne, mirovê ku şaşîyan hergav dubara dike û pêş de naçe, hewcedariya wîna bi şîretan heye. Şîret divê di rewşên wilo de bêne kirin.

Ango şîret ji hewcedariyeke mirovî derdikevin holê.

Em dizanin ku şîret ketûber li her kesî jî nayêne kirin. Mirovê ku mirov bixwaze şîretan li wana bike, divê beriya her tiştî pêwendiyeke civakî di navbêna min û van mirovan de hebe. Pêwendîyeke civakî ku rengê kulturî, zimanî, sîyasî, hunerî, bazirganî… negire nabe pêwendî. Pêwendî divê bi rastî pêwendî be, divê xwedî naverok û wate be, divê li derveyî xwesteka min ev pêwendî di civatê de hebe.

Ma pêwendîyên kurdan bi kurdan re ne li derveyî xwesteka wana heye? Berîya her tiştî weke ‘’Kurd’’ pêwendiya wana bi hevdu re heye! Ma mirovekî ku zimanê min fêm neke, ezê çawa şîretan lêbikim? Ma mirovekî ku şîreta min jê re weke nifiran be, ewê çawa şîreta min di hundirê xwe de biserifîne û sûde jê werbigire?

Ma mirov şîretan li mirîyan dike?

Ma şîretên ku li dijminan bêne kirin çiqasî dibin xwedî wate?

İncex mirovên ku xwediyê pêwendîyên civakî bin dikarin raman, dîtin û tecrubêyên xwe bi hevdu re parvebikin. Ji ber ku ev raman, dîtin û tecrube ji bona mirovên ku di navbêna wana de pêwendiyeke civakî heye, dibin xwedî wate.

Gava ku şîret ji bona mirovan bê watê be, wê gavê hewcedarî bi şîretan jî nine. Watebûnî jî bi ziman, bi kultur, bi sîyaset dibe xwedî wate. Ma masîvanekî Grönlandî dikare kîjan şîretên bi wate li şivanekî Kurd bike?

Girêdayî bi van pirs û bersivên ku ez li vir guncav dikim, gotineke bav û kalan heye. Dibêje; heger bi şîretan mirov bihatana guhertin, wê Filehên Darê Misilman bibûna!

Ev jî argumentasyoneke berûpaş e. Ma mirovê ku ji hêla kulturî, ramanwerî û sîyasî de ne amade be ku li mirovan guhdar bike, mirov wê çima şîretan li wana bike?

Gava ku şîret bi pîvanên ‘’maqûl’’ û rasyonel werin kirin, wê gavê guhertin, pêşketin, hevgirtin di xeta ‘’maqûlîyê’’ û aqil de diherike. Lê gava ku şiret ne ‘’maqûl’’ be, ne rasyonelbe peyam û mebest baş nagîhêje cihê xwe. Wê gavê tîr li nîşanê nakeve. Ji ber wilo jî şîretên ‘’maqûl’’ û ‘’ne maqûl’’, bi aqil ne bi aqil divê ji hevdu baş werin cudakirin…

Ma ku herkes li ser dînê xwe be, bl rasti wê çima Filehê Darê Misilman bibin gelo?!

Nusaybinim.com

Categories
Kadîn
No Comment

Leave a Reply

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

  • Bê çete jiyan nabe!

    Z.Brîndar Kurd milletekî ecêb in. Serok û rêvebirên Kurdan hîn ecêbtir in. Tew siyasetmedarên wan ji tevan ecêbtir in. Li şûna ku ji bo yekîtî û xurtkirina tevgera rizgarîxwaza...
  • Aş diçe wan daye dû çeqçeqê

    Mirad Bîlgîç ‘Ziman mala hebûnê ye’ Martîn Heîdegger ‘Ziman ne gelek tişt e; ew her tişt e.’ Adar Jiyan Ji bo zimên heta niha gelek tiştên giranbuha hatine gotin...
  • PKK û bangewazîya yekîtîyê

    Metîn Pîranî – Sekreterê Gişti yê Hereketa Azadî PKK û rêxistinên pê re ji mêj ve ye ku behsa Yekîtiya Neteweyî, diyalog û biratiya di nav Kurdan de dike....
  • Di siyaseta Kurdan de giringiya ehlaq!

    Dara Bîlek Gelek caran di siyasetê de mijara ehlaq jî tê gotûbêj kirin, ehlaq di lepta insanan û jiyana wan ya rojane de derdikevê pêş û gelek caran insan...
  • BARÎNA KUTILKAN

    M.Bengo Navê tirolê Bexdê ( Bexdayê) derketiye, lê birastî Xerdelê me heft pêhn li wan xistiye. Xerdelo tirolakî xwedê bû, bi çakûça xwe ji mal bernedida. Ne tenê tirole...
  • Xwezî ez pêlekê birêz Hemîd Derbendî bama!

    M. Bengo Ger mirov rewşa tevgera siyasî li rojavayî Kurdistanê bişopîne û bihûrbînî binirxîne , bêguman wê matmayî bimîne. Ji sala 1957 an de ta bi roja îro ev...
  • Amerîkayê xêrek din bi Kurdan kir

    Lotikvanên Amerîkayê, alîkarî li ser alîkarîyê dide Kurdan û wan di warê çek û trimbêlên leşgerî de dixemilîne. Amerîkayê vê carê xêrek din bi xwe kir û bi buhayê...
  • Dîko Amerîka tevlihev kir

    Kevîn Kurdson Serokê Amerîka û dinyayê Donald Trump, yanî Dîko, berî ku dev ji meqamê xwe berde çend lotik û zîtirkên dînomîno avêtin û Amerîka li hember dinyayê rezîl...