Li Kadikoya Stenbolê

Biratiya me ne ji mecbûriyeta biyolojîk e, biratiya me ji hevaltiyê tê. Berî her tiştî em heval in. Û wexta Seadetê diniqute dilê me û diavêje mejiyê me, em...

Biratiya me ne ji mecbûriyeta biyolojîk e, biratiya me ji hevaltiyê tê.
Berî her tiştî em heval in.
Û wexta Seadetê diniqute dilê me û diavêje mejiyê me, em li biratiya xwe jî dihulkumin.
Krîterên biratiyê di vê têkiliyê de tune ye.
Ne yê mezin heye, ne yê biçûk, her kes heval e û rêber jî dilsozî û duristî ye.
Herçend ez mezinê birayan bim jî, Ferhatê nuha ne bi me re ku biçûkê birayan e, pirê caran dipeyive û em li ber zimanxweşî û zîrekiya wî dikevin cizba serbilindayiyê.


Ne di peyvê de, ne di xwarin û vexwarinê de, ne jî di çûyin û anîna avê de felsefeya „Biçûkê bira kûçikî bira“ tune ye.
Biçûk ji alî mezinan ve her tim tên mezinkirin, mezin jî bi hezkirineke pak û zarokane li ber dilê biçûkan delalî ne.
Herçend Seadetê di mêzîna hezkirin de carina hêleyan bike jî, her kes ciyê xwe zane.
Û em hemû bira fêkiyên evînê ne, em vê rastiyê jî zanin.
Min qala xwehan nekir li bin vî wêneyê mêrane, ji ber ku em her sê jî mêr in.
Bi xêr kengî rêya min bi Mêrdîna xopan ket û çûm nig wan xwehan, ez ê bi wan jineşêrên delal re wêneyekî ji vî wêneyî karîzmatîktir bikişînim û bi hibra dilê xwe û bi tîpên evînî bixemilînim.
Di vî wêneyî de yê navîn ez im.
Hahaha
Yê hêla çepê Huso ye.
Têra xwe karîzmatîk e.
Nîgarkêş-wênesaz û herweha nîvnivîskar û nîvmuzîkjen e.
Tercîha wî ya zayendî-cinsî:
Heteroseksuel e.
Bejna wî: 1.85
Kîlo: 70
Jimara Nig: 41
Lixwekirin-Girêdana wî:
Çeqilmastî anku marjînal e.
Yê hêla rastê Beto ye.
Beto ji civaka nivîskar û hunermendan dûr e. Ew karê turîzmê dike, di hoteleke pênc stêrk de wek şefgarson dixebite.
Têra xwe karîzmatîk û têra xwe jêhatî ye.
Tercîha wî ya zayendî-cinsî:
Heteroseksuel e.
Bejna wî: 1.85
Kîlo: 72
Jimara Nig: 42
Lixwekirin-Girêdana wî:
Hema çi bi ber keve û yê kê be ferq nake, li xwe dike…

Categories
Devliken KelogirîNivîskar
No Comment

Leave a Reply

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

  • BARÎNA KUTILKAN

    M.Bengo Navê tirolê Bexdê ( Bexdayê) derketiye, lê birastî Xerdelê me heft pêhn li wan xistiye. Xerdelo tirolakî xwedê bû, bi çakûça xwe ji mal bernedida. Ne tenê tirole...
  • Xwezî ez pêlekê birêz Hemîd Derbendî bama!

    M. Bengo Ger mirov rewşa tevgera siyasî li rojavayî Kurdistanê bişopîne û bihûrbînî binirxîne , bêguman wê matmayî bimîne. Ji sala 1957 an de ta bi roja îro ev...
  • Amerîkayê xêrek din bi Kurdan kir

    Lotikvanên Amerîkayê, alîkarî li ser alîkarîyê dide Kurdan û wan di warê çek û trimbêlên leşgerî de dixemilîne. Amerîkayê vê carê xêrek din bi xwe kir û bi buhayê...
  • Dîko Amerîka tevlihev kir

    Kevîn Kurdson Serokê Amerîka û dinyayê Donald Trump, yanî Dîko, berî ku dev ji meqamê xwe berde çend lotik û zîtirkên dînomîno avêtin û Amerîka li hember dinyayê rezîl...
  • Nivîseke şolî

    Binivîsînin! Heta nuha min digot çima her kes dinivîsîne? Tenê bila yên ji heq nivîsandinê tên anku yên xwedan vîzyon û afîrîner binivîsînin. Li dij vê tevgerê derdiketim, lê...
  • Kurd û xwedê

    Doh… Kurdan bi şertekî misilmantî qebûl kiribûn û bi Xwedê re peyman çêkiribûn; heger Xwedê li gorî berjewendîyên wan tevbigerîya; na, heger Xwedê li gor berjewendîyên wan tevnegerîya, her...
  • Sernivîs û binnivîs, Arifo hema binivîs!…

    Li kêlek sobeya daran, li ser paldankê rûniştime. Min pişta xwe daye balîfê, lingên xwe avêtine ser hevdû, qurtek ji çaya li ser sêpêya li ber xwe diqurtînim. Berê...
  • Li ser pîyan…

    Qasî bîst metreyan ji min wêdetir, li ber şibakeya pencereyê, li ser kursîyeke li ber maseya xwarinê rûniştibû, bi zimanekî biyanî bi telefonê bi kesekî din re diaxivî jina...