MIFTEYA EQIL

Min got: -Xaltîk hûn ji Diyarbekirê ne? Got: -Tu ji ku dizanî em ji Diyarbekirê ne? Min got: -Ez ji şîfreya deriyê mala we dizanim. Got: -Tu şîfreya derîyê...


Min got:
-Xaltîk hûn ji Diyarbekirê ne?
Got:
-Tu ji ku dizanî em ji Diyarbekirê ne?
Min got:
-Ez ji şîfreya deriyê mala we dizanim.
Got:
-Tu şîfreya derîyê mala me ji ku dizanî?
Min got:
-Xaltîk, te a niha bi dengekî bilind ji kesa tu bi telefonê pê re diaxivî re got, min jî bihîst. Hem min bi şîfreya derîyê mala we zanî, hem jî ji hejmarên şîfreyê min zanî hûn ji Diyarbekirê ne. We hejmara plakeya bajarê xwe kiriye şîfreya derîyê mala xwe.

+++++

Min li erdê karteke pereyan ya bankayê dît. Nizanim pere di hesabê kartê de hebû an na, lê min bixwesta min karibû hemû pereyên di kartê de bikişanda, bikira berîka xwe. Mêrik ji bo ji bîr neke şîfreya kartê li ser kartê nivîsîbû. Min got hebe nebe ev kart yê kurdekî ye. Min kart perçe kir û avêt.

++++

Ev çend roj in li ser medyayên civakî hin nezan û xwenezan êrişî kesayetên kurd dikin. Nûçeyên bê bingeh belav dikin. Nûçeyên ji sed metreyan dûr ve mirov dizane derew e. Gelek kes jê bawer dikin û xwelîyê li nav çavên xwe dikin. Lê heger aqil hebe, mirov bi aqilane lê binêre mirov baweriya xwe pê nayne.

“Kurê Elî Ewnî, Sasan Ewnî………”

Elî Ewnî siyasetmedarekî ji Başûrê Kurdistanê ye. Siyasetmedar siyasetê dikin. Ew jî li gor dilê xwe siyasetê dike û gotina dilê xwe dibêje. Lê xuya ye hin kes ji siyaseta wî aciz in. Kesên jê aciz in bi siyasetê pê nikarin, dixwazin bi reşkirinê zora wî bibin. Lê aqilê wan di nîkilê mirîşkê de ye, nîkilê mirîşkê jî hûn dizanin di ku de ye.

Kurê Elî Ewnî, Sasan Ewnî…

Ne bi başûr dizanin, ne jî ji xelkê başûr. Dibêjin başûr jî perçeyekî welatê me ye, lewre heqê me jî tê de heye. Lê heger bi rastî jî we başûr wek welatê xwe bidîta, we yê bizaniya li başûr paşnav çawa tên danîn.

Yanê ne mimkûn e paşnavê kurê Elî Ewnî jî wek bavê xwe Ewnî be. Başûr ne Tirkiye ye. Li wir navê bav dibe paşnav. Heger kurekî Elî Ewnî bi navê Sasan hebe, ew ê nav û paşnavê wî Sasan Elî be, ne Sasan Ewnî.

Ne tenê derewkar in, her weha nezanin jî. Nezanî ne asteke kêm e, nezan li vî welatî dibin parlementer jî. Heger gotibûna birayê Elî Ewnî, Sasan Ewnî, me yê li bûyerê bikola ka rast e an derew e. Lê derew ji dûr ve dibêje ez derew in.

Wek Elî Ewnî gotî, “rûyê babê direwkeran reş bît.”

office 365 lizenz kaufen

Categories
Arif TamtaşArşîvNivîskar
  • Radyoya Êrîvanê sêwî ma

    rojnamevan û rewşenbîrê Kurdên Ermenistanê Keremê Seyad di 82 salîya xwe de ji nav me koç kir û em xemgîn kirin. Keremê Seyad, di 1960î de li Radyoya Êrîvanê...
  • Lotika Papa xweş lotik bû

    Serokê Vatîkanê û Serokê Rûhanî ê Mesîhîyên Cîhanê Papa Franciskus di 07.03.2021ê de pêşî serdana Iraqê û piştre jî serdana Kurdistanê kir. Papa li Bexdayê bi şûr û kêran...
  • Başûrî, mîrasê serokê nemir Mistefa Barzanî dixwin…

    Rojhat Amedî Sed heyf û mixabin em îro dibînin ku jimareyek berçav ji desthilatdarên başûrê Kurdistanê tenê bi gotin li ser rêbaza Barzaniyê nemir mane. Tenê li ser mîrasa...
  • BARÎNA KUTILKAN

    M.Bengo Navê tirolê Bexdê ( Bexdayê) derketiye, lê birastî Xerdelê me heft pêhn li wan xistiye. Xerdelo tirolakî xwedê bû, bi çakûça xwe ji mal bernedida. Ne tenê tirole...
  • Sekn û helwesta serek û rêberan

    Di şerê cîhanê yê duyem de nazîyên Hîtler lawê Stalîn ê leşker hêsîr digirin. Rûs jî generalekî almanan hêsîr digirin. Ji bo pevguhertina hêsîran danûsitendin dest pê dikin. Lê...
  • Serok Papa

    Serok Papa siwar hat û peya çû, lê dixan û hicac li pey xwe hişt û çû. Carinan hesabê malê û sûkê li hevdu dernakeve, mixabin û bêhişî û...
  • Rê û rêwîtî û serpêhatîyên şifêran

    Ev du roj in ez rêwî me; ez derketime rêwîtîya peyvan. Heta ev rêwîtî bi dawî bê, ez ê tenê li ser vê rêwîtîyê û serpêhatîyên şifêrên heval binivîsînim....
  • Sernivîs û binnivîs, Arifo hema binivîs!

    Li kêlek sobeya daran, li ser paldankê rûniştime. Min pişta xwe daye balîfê, lingên xwe avêtine ser hevdû, qurtek ji çaya li ser sêpêya li ber xwe diqurtînim. Berê...